Habakkuku 3:19 - Baibuli Ekibono kya Katonda 2014

¹⁹ Musengwa Katonda n'ampa amaani, yaagumya ebigere byange ku itaka oti bya mpongo, yankuuma naaloba kutyerera ku nsozi kugwa.

Habakkuku 3:19 ပူးပေါင်းရင်းမြစ်များ

2 Samueli 2:18

Batabane ba Zeruia abasatu boona baali mu lutalo olwo: Yoabu, Abishai, ni Asaheli eyalumukanga einho ng'oti mpuuli.

2 Samueli 22:34

Yangumya ebigere ku itaka ng'oti bya mpongo era yangumiza irala eyo ghaigulu mu nsozi.

Zabbuli 18:1

Wo Musengwa Katonda, nkugonza inho. Niiwe omukuumi wange.

Zabbuli 18:32

Katonda oyo n'ampa amaani era yantoolera mu ngira ebizibu,

Zabbuli 18:33

yangumya ebigere ku itaka ng'oti bya mpongo, era yangumiza irala eyo ghaigulu mu nsozi.

Zabbuli 18:34

Andhegeresa okulwana entalo, naasobola okukozesa akalaso kale keene ak'ekyuma eky'ekikomo.

Zabbuli 27:1

Musengwa Katonda n'entaala yange emmuliikirira era n'omulokozi wange, kale ni ghazira ye ntya. Musengwa Katonda n'ekisenge ekigumu mwe neewogoma, kale ni ghazira alintiisatiisa.

Zabbuli 46:1

Katonda n'omukuumi waife, era oyo n'amaani gaife, buliidho abaagho era nga mwetegefu okutubeera nga tuli mu buzibu.

Zabbuli 54:1

Wo Katonda wange, ndokola olw'obuyinza bwo, era omponie abo abampaghabira.

Olwembo 2:7

Imwe abaghala ab'e Yerusalemu, ndi kubakoba mulayire empuuli n'empongo edh'omu nsiko, muti timwidha kutabulatabula, waire okusiikuula okugonza kwaife, okutuusa nga ife beene twenze.

Isaia 12:2

Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

Isaia 45:24

Balikoba bati mu nze Musengwa Katonda mwonka n'omuli obutuufu n'amaani. Aye abo boonaboona abankyagha, ensoni dhiribagema baaswazibwaswazibwa.

Isaia 58:14

olwo mulifuna eisanhu eriva mu kumpeereza nze Musengwa Katonda. Ndireetera abantu b'ensi dhoonadhoona okubatangamu imwe ekinhagansi, era imwe ndibagha ensi ye nagha dhaadha waimwe Yakobo, yaaba butaka bwaimwe. Nze Musengwa Katonda, ninze nkobye.”

Ezekieli 36:2

nze Musengwa Katonda bye ndi kudhikoba nti: Iwe Isiraeli, abazigu bo bakwesuutiraku baakoba bati, ‘Otyo, buti ensozi edho edh'eira dhifuuse dhaife ku bwaife.’

Zekaria 10:12

Ndireetera abantu bange okuba ab'amaani. Era baligheesanga eriina lyange ekitiisa.” Musengwa Katonda atyo bw'akobye.

Ab'Efeso 3:16

Naamusaba olw'ekitiisa ekyodo, abagumye ng'abagha amaani, mule munda, ng'abita mu Mwoyo we,

Amateeka Agokubiri 32:13

Yabagha okuba mu nsi ey'ensozi, baalya emere erimiibwa mu nimiro. Baayagaananga omudheenene gw'endhuki mu mbaale, emiti gyaibwe emyoliva gyabalira mu itaka ery'olubaalebaale.

Amateeka Agokubiri 33:29

Weesiimye iwe Isiraeli! Naani ali ng'oti niiwe, eighanga erirokolebwa Musengwa Katonda? Musengwa Katonda mwene n'engabo yo era n'empiima yo, oyo n'akugha obughanguzi. Abazigu bo baliidha nga bakweghemba obagemerwe ekivunika, era iwe olibaniinaku.”

Ab'e Filippi 4:13

Nsobola okugumira byonabyona olw'amaani Kurisito g'ampa.

Ab'e Kolosai 1:11

Mukalanguke olw'amaani goonagoona agaabagheebwa okuva mu bukumu bwe obw'ekitiisa, mughange okugumira buli kintu n'obuguminkiriza era n'okusagamba.