Habakkuku 3:18 - Baibuli Ekibono kya Katonda 2014

¹⁸ nze ndidha kusigala nga nsagamba era nga ndi musangaavu. Kuba Musengwa Katonda n'omulokozi wange.

Habakkuku 3:18 ပူးပေါင်းရင်းမြစ်များ

2 Samueli 6:15

Kale atyo Daudi n'Abaisiraeli boonaboona baaleeta Esanduuku ya Musengwa Katonda nga bali kukuba emizira, eno nga bwe bafuuwa n'endeka.

Yobu 13:15

Bona, oba Katonda andhita, andhite, kiki kye nkaasuubirayo? Aye ndidha kwewozaaku mu maiso ge.

Zabbuli 104:34

Nsaba Musengwa Katonda asiime olwembo lwange, kuba okusagamba kwange kuva y'ali.

Zabbuli 149:2

Abaisiraeli ka basangaale olw'oyo Eyabatonda; abantu ab'omu Sioni basagambe olwa Kyabazinga waibwe oyo.

Zabbuli 25:5

Ndagirira era ondhegerese okutambulira mu mazima go, kuba niiwe Katonda era omulokozi wange mwe nsuubirira buliidho.

Zabbuli 27:1

Musengwa Katonda n'entaala yange emmuliikirira era n'omulokozi wange, kale ni ghazira ye ntya. Musengwa Katonda n'ekisenge ekigumu mwe neewogoma, kale ni ghazira alintiisatiisa.

Zabbuli 33:1

Imwe abatuufu musagambe olw'ebyo Musengwa Katonda by'akola; kituufu okumusaaka imwe abagondera ebiragiro bye.

Zabbuli 85:6

Totwizeemu maani buyaaka, ife abantu bo tusagambenga olw'ebyo by'otukolera?

Zabbuli 97:12

Imwe abatuufu, musagambe olw'ebyo Musengwa Katonda by'akola era mumusiimenga.

Okuvaayo 15:1

Musa n'Abaisiraeli abandi baayembera Musengwa Katonda olwembo luno, olukoba luti: “Ka nhembere Musengwa Katonda, kuba aghangwire n'ekitiisa; aswire embalaasi n'abavuzi baadho mu nhandha.

Okuvaayo 15:2

Bwemba ni Musengwa Katonda nfuna amaani n'okwemba naayemba; Musengwa Katonda oyo amponia abazigu. Oyo ni Katonda wange era ndidha kumusaakanga. Oyo ni Katonda wa lata wange era mmugulumiza.

Isaia 12:2

Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

Isaia 25:9

Ku lunaku olwo balikoba bati: “Mubone, Katonda waife wuuno. Tubairenga tumuteegerera okwidha okutuwonia. Ono ni Musengwa Katonda ye tubairenga tuteegerera, mpegaano ka tusangaale era tusagambe, kuba atulokoire.”

Isaia 41:16

Olibisensa, empewo yaabifuumuula yaabitwala, ni kiwunga yaabisansaania. Olwo waasagambira mu nze Musengwa Katonda, era wansaaka nze Omutukuvu wa Isiraeli.

Isaia 61:10

Ekibuga Yerusalemu kikoba kiti: “Ndisagamba inho olwa Musengwa Katonda era naasangaala olwa Katonda wange oyo; kuba anvaaziiza obulokozi n'obutuufu ng'oti bivaalo. Ndi ng'oti n'omugole omusaadha ye bavaaziiza engule ku mutwe, era ng'oti n'omugole omukazi ye badholiige n'ebyamadholobera.”

Yoeli 2:23

Imwe abantu ab'e Sioni, musangaale era musagambire mu Musengwa Katonda waimwe; kuba abaleeteire amaadhi agasooka gaagwa mu bungi obutuufu bwene. Abaghaire amaadhi amatoigo n'amasambya, gaagwa mu bungi nga bwe kyalinga eira.

Mika 7:7

Aye nze, amaiso ndidha kugatanga ku Musengwa Katonda yenka. Katonda oyo ye ndidha okuteegereranga aidhe andokole. Katonda wange aidha kuwuliranga okusaba kwange.

Zekaria 10:7

Olwo abantu b'omu Isiraeli baliba ng'oti n'abalwani abaziramu ntete. Era mule baliba basanhuukirivu ng'oti n'abanhweire omwenge ogw'emizabbibu. Baidhukulu baibwe bwe baliidhukiranga obughanguzi buno, balisagambanga olw'ebyo nze Musengwa Katonda bye nkoze.

Luka 2:30

Kuba amaiso gange gaboine okulokola kwo,

Amateeka Agokubiri 12:18

Aye imwe, ni batabane baimwe, ni baghala baimwe, n'abagheereza baimwe abasaadha n'abakazi, n'Abalevi ababa mu bibuga byaimwe, mwidha kulyanga ebigheebwayo ebyo mu maiso ga Musengwa Katonda waimwe, mu kifo ekyo Musengwa Katonda waimwe oyo ky'aidha okulondagho. Era mwidha kusagambiranga eyo olwa byonabyona bye munaabanga nga mukoze.

Ab'e Filippi 4:4

Buliidho musagambirenga mu Musengwa. Era kabiri nkiiramu nti Musagambe!

Yakobo 1:2

Aboluganda, bwe mutuukibwangaku ebizibu ebya buli nsambo, musangaalenga.

1 Petero 1:8

Waire nga Yesu oyo timumubonangaku, mumugonza, era waire timumubona buti, mumwikiriza era mwasagamba ebitaloodheka.

1 Samueli 2:1

Hanna yaasaba ng'akoba ati: “Ndi kusagamba olwa Musengwa Katonda ky'ankoleire, Musengwa Katonda andhiziizaamu amaani. Nsekerera abazigu bange, naasagamba kuba iwe Musengwa Katonda omponiiza.