Habakkuku 3:11 - Baibuli Ekibono kya Katonda 2014

¹¹ Endhuba n'omwezi byayemerera, olw'obutangaavu obwavanga mu bulaso bwo nga buziinhuuka, n'olw'okumesunkana okw'eifumo lyo erimyansa.

Habakkuku 3:11 ပူးပေါင်းရင်းမြစ်များ

Zabbuli 19:4

aye ate amamiro gaabyo gabitabita mu nsi yoonayoona, era kye bikoba kyatuukira irala ensi y'ekoma. Mu ebyo byene Katonda mwe yazimbira endhuba edhu yaayo.

Isaia 28:21

Musengwa Katonda alisituka okulwana ng'oti bwe yakola ku lusozi Perazimu, era alisungughala ng'oti bwe yakola mu kiiko ky'e Gibeoni. Memale olwo yaakola omulimo gwe ogwo ogwewuunhisa ogutali gwabuliidho, era yaayoleka ebintu bye ebyo by'akola ebyewuninkiriza.

Isaia 38:8

Ekinsense ekijiira ku ngeri endhuba y'etambulamu, ekiri ku lupimo olw'amadaala kyabazinga Ahazi lwe yakola, Musengwa Katonda oyo aidha kukiizaayo einhuma obuleeyi bwa bigere ikumi.” Kale ekinsense ekyo kyairayo einhuma obuleeyi obwo obw'ebigere eikumi.

Isaia 49:2

Yaleetera ebibono bye ndhogera okuba ng'oti mpiima endhogi. Yankuuma n'omukono gwe naaba ng'oti kalaso ke akaghagale mu kiruutu kye.

Nahumu 3:3

Ab'oku mbalaasi bali kulumba ng'empiima dhaibwe dhiri kumyansa era nga n'amafumo gaibwe gali kumirimiinha. Emirambo giri kugwa mmungo na mmungo, era abalwani bali kuja nga bagyekontolaku.

Habakkuku 3:9

Wasowolayo akalaso mu kiruutu kyako, waakata ku kagugha nga weetegeike okulasa. Waayasamya ensi mwavaamu emiiga.

Zekaria 9:14

Agho Musengwa Katonda alibonekera ghaigulu gh'abantu be, era yaalasa obusaale bwe bwaja ng'oti kumyansa kwa lukuba. Musengwa Katonda oyo alifuuwa eigwala, memale yaakumbira mu mpewo eyeezungulula n'amaani, eva ku luuyi olw'omukono omusaadha olw'e buvandhuba.