Habakkuku 2:8 - Baibuli Ekibono kya Katonda 2014

⁸ Olw'okuba mwanhaga amaghanga kamaala, abo abaawonagho mwena baja kubanhaga, olw'abantu be mwaita n'olw'ebikolwa eby'obukambwe bye mwakola ku nsi mu bibuga ni ku bantu baamu.

Habakkuku 2:8 ပူးပေါင်းရင်းမြစ်များ

Zabbuli 137:8

Imwe abantu ab'e Babiloni, mwidha kuzikirizibwa! Omuntu yeenayeena bw'alibasasula ekyo kyene kye mwatukola, aliba akoze kikalamu kyene.

Ensambo 22:23

Kuba Musengwa Katonda aja kubalwanirira, era aja kwesimba mu abo ababatiisatiisa.

Isaia 33:1

Mukagwireku imwe abazikiriza banaimwe, ate nga imwe ghazira abazikirizangaku; n'imwe abaghemukira abantu ni mubeefuulaku ate nga imwe ghazira abaghemukirangaku n'abeefuulaku. Ekiseera kyaimwe eky'okuzikiriza bwe kiriwaaku, olwo mwena balibazikiriza; era ekiseera kyaimwe eky'okughemukira abantu nga mubeefuulaku bwe kiriwaaku, olwo mwena balibaghemukira baabeefuulaku.

Isaia 33:4

Abantu baatwala ebintu byago ng'omunhago, baabituumiraku ng'oti nzige, baabinhaagaana.

Isaia 47:6

Nasungughalira abantu bange, naababisa ng'oti tibakaali bange. Naabakugha okubafuga, waaloba kubasaasiraku naire. N'abakaire boona waabafugisa bukambwe.

Yeremia 27:7

Amaghanga goonagoona galimugheereza era gaagheereza ni mutabane we ni mwidhukulu we, okutuusa ekiseera bwe kirituuka eighanga lye ni ligwa. Olwo eighanga lye lyona lyafuuka mugheereza wa amaghanga kamaala ag'amaani, agafugibwa bakyabazinga abakologho.

Yeremia 30:16

Aye mpegaano imwe abantu bange mulobe kutya: Abo boonaboona ababaita, boona baliitibwa. Abazigu baimwe boonaboona balitwalibwa mu bunhage. Abo boonaboona ababatuntuza, boona balituntuzibwa. N'abo ababanhagaku ebyaimwe, boona balinhagibwaku ebyaibwe.

Yeremia 50:14

“Imwe mwenamwena abalasa obulaso, musimbe enhiriri muzingize Babiloni okukyezunguluza era mukirwanise. Mulase obulaso bwaimwe bwonabwona, aghazira kulekagho waire akalala kati, mukizikirize olw'okuba abantu baakyo baakola ebibi eri nze Musengwa Katonda.

Yeremia 50:28

“Wulira! Abaalumwike e Babilonia ni bawona, baize e Yerusalemu baloodhe nga Musengwa Katonda waife bwe yeesasuuza olw'ebyo Abababilonia bye baakola eisinzizo lye.

Yeremia 50:37

Embalaasi dhaayo n'ebigaali byayo eby'omu lutalo, abazigu ka babizikirize. Abaisirukale baayo abapangise ka bafuuke banafu inho, bafe! Abazigu ka bagwe ku bintu byayo eby'obukombe babinhage.

Yeremia 51:13

Iwe ensi erimu emiiga kamaala n'eby'obukombe ebingi, enkomerero yo etuuse, akawuuzi akagemereire obulamu bwo bakakutwire.

Yeremia 51:24

Musengwa Katonda era akoba ati: “Mulibona nga neesasuliza ku nsi Babilonia n'abantu baayo, olw'ebibi byonabyona bye baakola Yerusalemu.

Yeremia 51:44

Ndibonereza Beli katonda wa Babiloni, naamuleetera n'okwiza bye yaiba, n'amaghanga galekera agho okumusinzanga. “Ekimante eky'oku kibuga Babiloni kigwire ku itaka.

Yeremia 51:48

Ebintu byonabyona ebiri ku nsi n'ebiri ku igulu, biryemba olw'eisanhu nga Babilonia egwire mu ngalo dh'abo abazikiriza, abaliva ku luuyi olw'omukono omugooda olw'e buvandhuba okwidha okugizikiriza.

Yeremia 51:8

Aye buti egwire mangu inho yaazikirira! Mugiririre inho amaziga! Mugifunireyooku ku bulezi olw'obulumi bw'erimu, oba katyo enaawona.

Ezekieli 28:16

Weemalira inho mu by'okusuubula byakuleetera okukozesa obukambwe, waakola ebibi. Kale naakubinga ku lusozi lwange olutukuvu ng'oli mwonoonefu. Era kikerubi ekyakukuumanga kyakubingirira okukutoola mu mabaale ag'omughendo agamirimiinha.

Ezekieli 39:10

Kale kiriba tikikaabeetaagisa kuja mu nsiko kugherera nku, waire okuja mu kibira okutemerera emiti kuba eby'okulwanisa ebyo n'ebiriba enku. Balinhagulula ebintu by'abazigu baibwe abo beene abaabanhagaku ebyaibwe, baabibatoolaku baabitwala ng'omunhago.” Musengwa Katonda n'akobye.

Amosi 3:10

Musengwa Katonda akoba ati: “Abantu abo tibaidhi kukolera ku butuufu, okutoolaku okwidhuza endhu dhaibwe ebintu ebinhage n'ebiibe.

Obadia 1:15

“Olunaku luli kumpi kutuuka, nze Musengwa Katonda lwe ndisalira amaghanga goonagoona omusango. Edomu, kye wakola baino weena baidha kukikukola. Kiisi kibi kye wakola kija kusasulwamu ekibi.

Habakkuku 2:10

Ebyo bye muyiiya bireeteire ab'endhu dhaimwe abo okuswala. Era olw'okuba muzikiriiza amaghanga kamaala, kibaleeteire imwe beene okweitaitana.

Habakkuku 2:17

Obukambwe bwe mwakozesa ku Lebanoni, n'obuja okukozesebwa ku imwe beene. Nga bwe mwazikiriza ensolo, era ensolo n'edhiidha okubatiisa. Olw'ebikolwa eby'obutemo bye mwakola mu nsi, ni mu bibuga, ni ku bantu baamu.

Zekaria 1:15

Era nsungughaliire inho amaghanga agali mu miraala, kuba nze nasungughaliraku abantu bange akatono kati, aye amaghanga ago gaayongeranga bwongere kuleetera bantu bange abo kudaazibwadaazibwa.

Zekaria 14:12

Musengwa Katonda alibonereza abantu b'amaghanga agalitanula olutalo ku Yerusalemu, ng'abasindikira endwaire embi einho: emibiri gyaibwe girivunda nga bakaatambula, amaiso gaibwe gaabavundira mu bighanga, n'enimi dhaibwe dhaabavundira mu kanwa.

Okwolekebwa 6:10

Baayasiikana bati: “Wo Musengwa Aghanga Ebintu Byonabyona, omutukuvu era ow'amazima, olisalira li abantu ab'oku nsi omusango okubasinga, n'obeesasuulizaaku olw'okutwita?”