Habakkuku 2:7 - Baibuli Ekibono kya Katonda 2014

⁷ Imwe abaghangula banaimwe, mwena mwidha kufunayo abababandha amagoba, babasitukiremu. Baja kubatiisa mudhugumire. Olwo mwena mufuuke omunhago ye bali.

Habakkuku 2:7 ပူးပေါင်းရင်းမြစ်များ

Ensambo 29:1

Omuntu ye banenia emikuzi kamaala ng'ayongera bwa kukalambalira mu nsobi, mu kaseera buseera balimutentena nga takairayo kuwona.

Omulangirizi 10:8

Omuntu asimira baine ebiina, mwene n'alibigwamu; n'ole aghaguza n'amenha ekisenge, mwene oyo omusota ye gulimoodha.

Isaia 11:13

Ensaalwa ya Isiraeli eriwaagho, n'abazigu ba Buyudaaya baazikirizibwa; obwakyabazinga bwa Isiraeli tibuligemerwa nsaalwa bwakyabazinga bwa Buyudaaya, era Abayudaaya tibalikiriga Baisiraeli.

Isaia 41:25

Nasiikuula omuntu ava ku luuyi olw'omukono omugooda olw'e buvandhuba, era wuuyo atuuse. Alikozesa eriina lyange, yaatyankirira abafuzi ng'oti bityanka yaaba ng'oti n'omuwumbi bw'asamba eitosi.

Isaia 46:11

Ndyeta omuntu yaidha okuva e buvandhuba. Aliidha ng'oti n'enhonhi eyiiga, yaaja yaakola kye ntegeike. Ntyo bwe nkobye era tiriroba kukituukiriza.

Isaia 47:11

Aye ebizibu birikwidhira ebikusinga amaani, akabi k'otalisobola kwetoolaku kaakutuukaku mu kaseera buseera, waatuuka ku kuzikirira kw'otasobola kwewonia.

Yeremia 51:11

Musengwa Katonda asiikwire enzigu mu bakyabazinga ab'e Media, baidhe balumbe Babilonia, kuba ayenda kugizikiriza. Olwo agyesasulizeeku olw'okuzikiriza eisinzizo lye. Agho abaduumizi b'eigye einunuzi, baalagira bati: “Mughagale obusaale bwaimwe! Mugeme engabo dhaimwe!

Yeremia 51:57

Nditamiiza abakungu baakyo, n'abantu baakyo abagezi, n'abafuzi baakyo, n'abaduumizi baakyo ab'amagye, n'abalwani baakyo ab'amaani. Balitenduka endoolo aye baaloba kwiramu kuzuuka. Nze Kyabazinga, Musengwa Afuga Amagye, ninze nkobye.

Yeremia 8:17

Musengwa Katonda abakoba ati: “Bona eno, ndidha kubasindikira emisota egy'obusagwa gibalume; ndidha kubasindikira ebiyiri byene, biidhe bibalume, nga timukaasobola kubidoosa naire.”

1 Ab'e Thessalonika 5:3

Abantu balikoba bati: “Ghaligho emiraala era ghazira kabi,” aye balija okubona bati ng'okuzikirira kubatuuseeku. Kulibazindula ng'oti n'ebisa eby'omwana bwe bizindula omukazi ali kumpi okuzaala, era tighaliba gha kuwonera.