Habakkuku 2:4 - Baibuli Ekibono kya Katonda 2014

⁴ Buno ni, n'obukwenda bw'obe oghandiike, oti, ‘Abo boonaboona abatali beesimbu, ba kufa. Aye abo abatuufu baidha kuba balamu olw'obwesige bwaibwe ye ndi.’ ”

Habakkuku 2:4 ပူးပေါင်းရင်းမြစ်များ

Zabbuli 49:18

Waire nga yeebala okuba ow'enkabi ng'akaali mulamu, era waire ng'asaakibwa olw'ebintu okumujiira obukalamu,

Isaia 13:11

Musengwa Katonda akoba ati: “Ndisindika ekibamba ku nsi, naabonereza abantu olw'ebibi byaibwe. Ndiisa ghansi abo abeetwala okuba aba ghaigulu, naabonereza abo abeekuluntaza n'abakola ebikolwa eby'obukambwe.

Ezekieli 18:9

Ajiira ku biragiro byange era n'akuuma amateeka gange. Oyo n'omuntu omutuufu era bwenebwene aliba mulamu.” Musengwa Katonda atyo bw'akobye.

Danieli 11:12

Bw'alimala okughangula eigye einene lityo, alyewulira mule nga wa maani, era aliita enkumi n'enkumi edh'abantu. Aye obughanguzi bwe tibulirwagho naire.

Danieli 4:30

yaakoba ati: “Ha, bona Babiloni bwekiri ekikologho! Nakizimba n'obukumu bwange n'amaani gange, kibe ekibuga omuli ekisaagaati kyange eky'obwakyabazinga obw'ekitiisa.”

Danieli 4:37

“Era mperaano, nze Nebukadinezzari nsaaka Katonda ow'eigulu, naamugulumiza era naamutaamu ekitiisa kuba by'akola byonabyona bituufu era tasaliriza nsonga. Abo abeetwala okuba aba ghaigulu abaisa.”

Luka 18:14

Ka mbakobere: Omughooza w'omusolo ono yairayo ewuwe nga mutukuvu mu maiso ga Katonda okusinga ole kuba buli eyeetwala ati wa ghaigulu aja kwisibwa era buli eyeetwala nga wa ghansi aja kutwalibwa nga wa ghaigulu.”

Yoanne 3:36

Oyo aikiriza Mwana ali n'obulamu obutawaagho aye aloba okwikiriza Mwana taja kufuna bulamu, era aja kusigala ng'abonerezebwa Katonda.

Ab'e Roma 1:17

Kuba mu Mawulire ago obutuufu bwa Katonda mwe bubonekera. Obutuufu obwo Katonda abutugha lwa kwikiriza, era butoolerera mu kwikiriza bweyongerera mu kwikiriza. Era nga bwekyaghandiikibwa kiti: “Omutuufu anaabanga mulamu lwa kwikiriza.”

Ab'e Galatia 2:16

Aye twidhi ng'omuntu abalibwa okuba omutuukirivu lwa kuba na kwikiriza mu Yesu Kurisito, aye ti lwa kukola nga Mateeka bwe galagira. N'ife twena twali n'okwikiriza mu Kurisito Yesu, olwo tubalibwe okuba abatuukirivu lwa kwikiriza Kurisito aye ti lwa kukola ng'Amateeka bwe galagira. Ghazira abalibwa kuba mutuukirivu lwa kukola ebyo amateeka bye galagira.

2 Ab'e Thessalonika 2:4

Oyo n'atakania era ni yeegungumaza okusinga kiisi kyetebwa katonda, oba ekintu kyonakyona ekisinzibwa. Aja ni mu isinzizo lya Katonda yeetyebeka omwo nga yeeyeta mwene okuba Katonda.

Abaheburayi 10:38

Omutuufu wange anaabanga mulamu lwa kwikiriza, aye bw'aira einhuma tiri musangaalira naire.”

1 Petero 5:5

Mu nsambo n'endala imwe abato mubenga bawulize eri abakulu mu myaka. Mwenamwena mubenga bawombeefu, nga kiisi mulala agheereza mwine. Kuba ebyaghandiikibwa bikoba biti: “Katonda atakania abeekudumbaza, aye abeewooya abooleka ekisa.”