Habakkuku 2:17 - Baibuli Ekibono kya Katonda 2014

¹⁷ Obukambwe bwe mwakozesa ku Lebanoni, n'obuja okukozesebwa ku imwe beene. Nga bwe mwazikiriza ensolo, era ensolo n'edhiidha okubatiisa. Olw'ebikolwa eby'obutemo bye mwakola mu nsi, ni mu bibuga, ni ku bantu baamu.

Habakkuku 2:17 ပူးပေါင်းရင်းမြစ်များ

Zabbuli 137:8

Imwe abantu ab'e Babiloni, mwidha kuzikirizibwa! Omuntu yeenayeena bw'alibasasula ekyo kyene kye mwatukola, aliba akoze kikalamu kyene.

Zabbuli 55:23

Aye iwe Katonda wange, abantu abo abatemo era abaguya, oidha kubasindika mu magombe gaibwe nga bakaali na kutuuka ghagati gha nnaku dha bulamu bwaibwe. Aye nze ndidha kukwesiganga buliidho.

Ensambo 28:17

Omuntu bw'atemula mwine aba yeesimiire mwene amagombe amangu ago, era ghatabangagho amuyamba.

Yeremia 50:14

“Imwe mwenamwena abalasa obulaso, musimbe enhiriri muzingize Babiloni okukyezunguluza era mukirwanise. Mulase obulaso bwaimwe bwonabwona, aghazira kulekagho waire akalala kati, mukizikirize olw'okuba abantu baakyo baakola ebibi eri nze Musengwa Katonda.

Yeremia 50:28

“Wulira! Abaalumwike e Babilonia ni bawona, baize e Yerusalemu baloodhe nga Musengwa Katonda waife bwe yeesasuuza olw'ebyo Abababilonia bye baakola eisinzizo lye.

Yeremia 51:24

Musengwa Katonda era akoba ati: “Mulibona nga neesasuliza ku nsi Babilonia n'abantu baayo, olw'ebibi byonabyona bye baakola Yerusalemu.

Ezekieli 28:16

Weemalira inho mu by'okusuubula byakuleetera okukozesa obukambwe, waakola ebibi. Kale naakubinga ku lusozi lwange olutukuvu ng'oli mwonoonefu. Era kikerubi ekyakukuumanga kyakubingirira okukutoola mu mabaale ag'omughendo agamirimiinha.

Ezekieli 31:16

Bwe ndigusuula e magombe ghalala n'abo abaika eyo mu lwina, omuvuuma ogw'okugwa kwagwo gulitengeesa amaghanga. Emiti gyonagyona egy'omu Edeni, n'egyo egy'e Lebanoni gyonagyona egisinga bulungi egyanhwa amaadhi, era egyaserengeta mu itaka, girisangaala olw'okugwa kwagwo.

Yoeli 3:19

Ensi Misiri erifuuka irungu, n'ensi Edomu yaafuuka bifulukwa byereere; kuba abantu b'omu nsi edho baalumba Buyudaaya, baita abantu abaziraku musango.

Habakkuku 1:17

Aye mbo baja kutuusa li okuzikiriza amaghanga aghazira na kusaasira, byanda na byanda?

Habakkuku 2:8

Olw'okuba mwanhaga amaghanga kamaala, abo abaawonagho mwena baja kubanhaga, olw'abantu be mwaita n'olw'ebikolwa eby'obukambwe bye mwakola ku nsi mu bibuga ni ku bantu baamu.

Zekaria 11:1

Iwe Lebanoni igulagho endhigi dho, omuliro gwokye emiti gyo emivule gugizikirize!