Habakkuku 2:16 - Baibuli Ekibono kya Katonda 2014

¹⁶ N'imwe mwena mu kifo eky'okugheebwa ekitiisa mwidha kuswazibwa. Mwidha kunhwa mutamiire era mutagale. Musengwa Katonda aidha kubanhwesa ekikopo kyaimwe eky'okubonerezebwa, olwo mu kifo eky'okugheebwa ekitiisa muswale bwa buswale.

Habakkuku 2:16 ပူးပေါင်းရင်းမြစ်များ

Zabbuli 75:8

Katonda agemereire mu ngalo ekikopo eky'omwenge ogw'emizabbibu omuka ogw'obusungu bwe. Aja kugufukira ababi ab'oku nsi boonaboona, bagunhwe gwonagwona okutuuka ni ku iseedha.

Ensambo 3:35

Abagezi baligheebwa ekitiisa, aye abasiru balyeyongera kunhoomebwa.

Isaia 20:4

Kale ni kyabazinga w'e Assiria yeena atyo bw'alitwala abanhage ab'e Misiri n'ab'e Ethiopia, abakulu n'abato, nga bali madu era nga bazira na ngaito mu bigere. Balija batyo nga n'obunhuma bwaibwe ti bughembe bwaku, ekyo kireetere Misiri okuswala.

Isaia 47:3

Abantu balikubona ng'oli madu, nga bakuswaziiza n'ensoni dhaakugema. Nja kwesasuuza era ezira muntu ye ndisaasira naire.”

Isaia 49:26

Abo abakukiriga iwe Yerusalemu ndibaleetera okwitagana beene na beene, baatamiira okuyugha omusaayi gw'abantu ng'oti bwe batamiira omwenge. Olwo abantu boonaboona balimanha nga ninze Musengwa Katonda Omulokozi era Omununuzi waimwe. Era balimanha nga ninze Katonda wa Isiraeli Aghanga Ebintu Byonabyona.”

Yeremia 25:15

Agho Musengwa Katonda, Katonda wa Isiraeli yankoba ati: “Toola ekikopo kye ngemye mu ngalo dhange eky'omwenge ogw'emizabbibu ogw'obusungu bwange. Okitwale okighe amaghanga goonagoona ye nnaakutuma, bakinhweku.

Yeremia 25:17

Kale naatoola ekikopo mu ngalo dha Musengwa Katonda, naakitwala naakigha abantu boonaboona Musengwa Katonda oyo be yantuma okukigha, baakinhwa.

Yeremia 51:57

Nditamiiza abakungu baakyo, n'abantu baakyo abagezi, n'abafuzi baakyo, n'abaduumizi baakyo ab'amagye, n'abalwani baakyo ab'amaani. Balitenduka endoolo aye baaloba kwiramu kuzuuka. Nze Kyabazinga, Musengwa Afuga Amagye, ninze nkobye.

Yeremia 51:7

Ensi Babilonia yali ng'oti kikopo ekyakolebwa mu zaabu ekiri mu ngalo dhange, ekyatamiizanga ensi yoonayoona. Amaghanga gaanhwanga ku mwenge ogw'emizabbibu mu kikopo ekyo, gaagwa eiralu.

Okulira 4:21

Imwe abantu ab'e Edomu n'imwe ababa mu Uzi museke inho era musagambe inho nga mukaali. Aye olwaimwe luli kwidha, lwe muligemesebwa ekikopo eky'obusungu bwa Musengwa Katonda. Mulikinhwa mwatamiira mwatoolera n'okubita amadu.

Ezekieli 23:33

Kirikutamiiza era kyakuleetera enaku, kuba ekikopo ekyo ekya muganda wo Samaria, kitiisa inho era kireeta ekiwuubaalo.

Hosea 4:7

Imwe bakabona ye mukoma okweyongera okuba abangi, ye mukoma n'okweyongera okwonoona ye ndi. Kale ni ndibaleetera okuswazibwa mu kifo eky'okuteebwamu ekinhagansi.

Hosea 7:5

Ku lunaku kyabazinga lw'akoleraku embaga, abantu abo abanhoomi basirughaza kyabazinga n'abakungu be nga babatamiiza omwenge. Era ni beene boona gwabagema.

Habakkuku 2:10

Ebyo bye muyiiya bireeteire ab'endhu dhaimwe abo okuswala. Era olw'okuba muzikiriiza amaghanga kamaala, kibaleeteire imwe beene okweitaitana.

Habakkuku 2:15

Mukagwireku, imwe abakozesa obukambwe ku maghanga ge mwaghangula, ni mubaleetera okutagala ng'oti n'abatamiire, era ni baswala.

Ab'e Filippi 3:19

Ekirisembayo eky'abantu abo kuliba kuzikirira, kuba katonda ye basinza, n'enda dhaibwe. Beesaaka olw'ebyo ebyandibaswaziiza era balowooza bya ku nsi kuno byonka.

Okwolekebwa 18:6

Mumukole nga mwene bwe yabakola, ate ku bikolwa bye mumwesasuuzeemu emikuzi ebiri. Ekikopo kye yabatabulira imwe, mukimutabuliremu obuka bwa mikuzi ebiri.