Habakkuku 2:14 - Baibuli Ekibono kya Katonda 2014

¹⁴ Aye ensi eja kwidhula abantu abaidhi ekitiisa kya Musengwa Katonda ng'oti n'enhandha bw'eidhula amaadhi.

Habakkuku 2:14 ပူးပေါင်းရင်းမြစ်များ

Zabbuli 22:27

Okuva ku ndhuyi dhoonadhoona edh'ensi amaghanga galiidhukira Musengwa Katonda. Galikyuka gaira y'ali; ebika byonabyona birimusinza;

Zabbuli 72:19

Eriina lye ery'ekitiisa lisaakibwenga ebyanda n'ebyanda. Ekitiisa kye kiidhule ensi yoonayoona! Amiina era Amiina.

Zabbuli 86:9

Amaghanga goonagoona ge watonda, gaja kwidha gakukubire amakiryaivu, era gaatule ng'eriina lyo bwe liri ery'ekitiisa.

Isaia 11:9

Ku Sioni olusozi lwa Katonda olutukuvu, tikulibaaku kintu kizikiriza kiinaakyo waire okukituusaaku obulumi; kuba ensi eriidhula okumanha Musengwa Katonda, ng'oti n'enhandha bw'eidhula amaadhi.

Isaia 33:6

era yaaleetagho emiraala mu nsi eno. Buliidho akuuma abantu be, yaabagha amagezi n'okumanha. Era okumutya, n'eky'obukombe kyaibwe ekisinga mughendo mu byonabyona.

Isaia 40:5

Olwo ekitiisa kya Musengwa Katonda kiryeyoleka, abantu boonaboona baakibona. Musengwa Katonda mwene n'akobye.”

Isaia 6:3

Buli kitonde kyali nga kiri kukoba kiinaakyo kiti: “Musengwa Katonda Afuga Amagye mutukuvu, mutukuvu, mutukuvu. Ekitiisa kye kibunie ensi yoonayoona.”

Yeremia 31:34

Kiriba tikikeetaagisa muntu kwegeresa mwine amanhe Musengwa Katonda, kuba boonaboona baliimanha okuviira irala ku basembayo ghansi okutuukira irala ku babbede beene. Ndibasonigha ebibi byaibwe era neerabirira irala okwonoona kwaibwe. Nze Musengwa Katonda, ninze nkobye.”

Ezekieli 47:5

Kabiri era yaapima obuleeyi obundi nga bwona bwa mita ebikumi bitaanu (500). Agho gwali gufuuse mwiga gwene nga tisobola kugutambulamu, kuba amaadhi gaali maleeyi inho. Omuntu nga tasobola kugatambulamu okutoolaku nga yeewuze bwewuge.

Mika 2:9

Mubinga abakazi ab'abantu bange mu ndhu dhaibwe mwe bawulirira eisanhu, mwalobera abaana baibwe okubona ku kitiibwa kyange ebyanda n'ebyanda.

Habakkuku 2:15

Mukagwireku, imwe abakozesa obukambwe ku maghanga ge mwaghangula, ni mubaleetera okutagala ng'oti n'abatamiire, era ni baswala.

Habakkuku 3:3

Katonda aidha kwidha kabiri ng'ava e Temani eky'omu Edomu; Omutukuvu oyo aidha kuviira ku nsozi edh'e Parani. Okumesunkana kwe kuja kumaamira eigulu lyonalyona, n'ensi yoonayoona emusaake.

Zefania 3:9

“Bwenebwene mu kiseera ekyo nja kukyusa abantu abamaghanga goonagoona basabenga nze zenka, era bampeerezenga n'omwoyo mulala.

Okubala 14:21

Aye bwenebwene nga bwendi omulamu, era ng'ensi bw'eidhula ekitiisa kyange,

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”

Okwolekebwa 15:4

Musengwa, naani atalitya liina lyo oba okulisaaka? Iwe wenka n'iwe omutukuvu. Abantu ab'amaghanga goonagoona baliidha baasinza mu maiso go, kuba ebikolwa byo eby'obutuufu bibonebwa abantu boonaboona.”