Habakkuku 2:10 - Baibuli Ekibono kya Katonda 2014

¹⁰ Ebyo bye muyiiya bireeteire ab'endhu dhaimwe abo okuswala. Era olw'okuba muzikiriiza amaghanga kamaala, kibaleeteire imwe beene okweitaitana.

Habakkuku 2:10 ပူးပေါင်းရင်းမြစ်များ

1 Bakyabazinga 2:23

Agho kyabazinga Solomoni yaalayira mu Musengwa Katonda ati: “Adoniya bw'ataitibwe olw'ekyo ky'asabye, Katonda agwananga yambonereza inho.

2 Bakyabazinga 10:7

Kale embaluwa ya Yehu bwe yabatuukaku, baatwala abaana abo boonaboona ensanvu baabaita, baata emitwe gyaibwe mu biibo, baagigheereza Yehu e Yezireeli.

2 Bakyabazinga 9:26

‘Bwenebwene ng'olwaidho bwe naboine nga Nabothi ni batabane be babatemwire, nkukakasa nti ndikwesasuulizaaku ghano mu kibandha kino.’ Kale ni mubbeede, omusuule mu kibandha ekyo okutuukiriza ekyo Musengwa Katonda kye yakoba.”

Ensambo 1:18

Aye abantu abo beetegamu beene omutego beite, baabwama okuzikiriza obulamu obwaibwe bwene.

Ensambo 20:2

Kyabazinga bw'asungughala atiisa ng'oti n'empologoma eri kuwologoma; era ole yeenayeena amusonsoonia aba anoonia kufa.

Ensambo 8:36

Aye oyo akola ebibi yeerumiriza mwene, era oyo ankyagha aba ayenda kufa.”

Isaia 33:11

Entegeka dhaimwe dhiri ng'oti bikaba bukaba, ni bye mukola byonabyona biri ng'oti bisubi bikalu omuuka ogwaimwe gwene gwe mugheera, n'ogulibamamula okubamaliriragho ng'oti muliro.

Yeremia 22:30

“Omusaadha ono mumughandiike mu kitabo eky'abaziraku baana, abe ng'oti tabangaku na mwana naire. Era abe ng'oti n'omuntu atalifuna kalungi mu bulamu; kuba taja kubaaku na mwana oba mwidhukulu aja kwiramu kufuga Buyudaaya ng'omusika wa Daudi. Nze Musengwa Katonda, ninze nkobye.”

Yeremia 26:19

Abakulu ab'ebika abo baayongera okukoba bati: Mulowooza muti kyabazinga Hezekia n'abantu b'omu Buyudaaya baamala baita Mika oyo? Busa naire. Mu kifo eky'okumwita, kyabazinga Hezekia oyo yata bwa mu Musengwa Katonda kitiibwa era yaagezaaku okukola ebisiimya Musengwa Katonda oyo. Era Musengwa Katonda yakyusa ekirowoozo kye, yaaloba kubaleetaku kabi ke yali akobye okubaleetaku. Aye ife mperaano tuli kwenda okwereetaku akabi akanene einho.”

Yeremia 36:31

Ndikubonereza iwe, n'abaana bo, ni baidhukulu bo, n'abakungu bo, olw'ebibi mwenamwena bye mukola. Ndibaleetaku akabi ke neesoomera okubatuusaaku imwe, n'abantu b'omu Yerusalemu, n'ab'omu Buyudaaya, kuba nabalabula aye mwaloba kufaayo naire.”

Yeremia 44:7

“Kale ni, nze Musengwa Katonda Afuga Amagye, Katonda wa Isiraeli, mperaano ndi kubabuuza lwaki muli kwereetaku akabi akaaga agho. Lwaki muli kwenda okuzikiriza abasaadha, n'abakazi, n'abaana abato, n'abaghere, ghalobe kuwonagho waire omulala ati ku bantu baimwe?

Nahumu 1:14

Kino Musengwa Katonda ky'alagiire ekigema ku imwe Abassiria ati: “Eriina lyaimwe lija kwerabirwa, kuba tija kubaganha kufuna baidhukulu. Nja kuzikiriza ebifaananie eby'emisambwa gyaimwe ebyabaadhibwa, n'ebyo ebyakolebwa mu kyuma ekisaanuusiibwa ebiri mu masabo. Ndidha kubasimira amagombe, kuba timugwaine kuba ku nsi nga muli balamu.”

Habakkuku 2:16

N'imwe mwena mu kifo eky'okugheebwa ekitiisa mwidha kuswazibwa. Mwidha kunhwa mutamiire era mutagale. Musengwa Katonda aidha kubanhwesa ekikopo kyaimwe eky'okubonerezebwa, olwo mu kifo eky'okugheebwa ekitiisa muswale bwa buswale.

Okubala 16:38

Ebiniokezebwamu obubbaani ebyo eby'abantu abo abaayonoona ni baitibwa, bitukuvu, kuba baabighaayo eri nze Musengwa Katonda. Kale ni ka babigheeseemu amabaati ag'okughembanga ku alutaari, kabenga akamanhiso ak'okulabulanga Abaisiraeli.”

Matayo 27:25

Abantu boonaboona baakoba bati: “Omusaayi gwe gube ku ife ni ku baana baife.”