Habakkuku 2:1 - Baibuli Ekibono kya Katonda 2014

¹ Ndidha kuniina ku kituuti kye nengereraku, nteege mbone Musengwa Katonda ky'anankoba okwogera, era ni ky'aja okundhiramu ku kwemuluguunhia kwange.

Habakkuku 2:1 ပူးပေါင်းရင်းမြစ်များ

2 Samueli 18:24

Mu kiseera ekyo Daudi yali atyaime ghansi ghagati gh'emiryango egy'emikuzi ebiri egy'ekibuga, ogw'omunda n'ogw'oku luya. Agho omukuumi yaaniina ghaigulu ku mulyango okumpi n'ekimante. Yaja okulinga ati ng'abona omuntu ali kulumuka yenka.

2 Bakyabazinga 17:9

era baakolanga mu ngiso ebintu ebitaalinga bituufu, Musengwa Katonda waibwe by'ataasiimanga. Beezimbiranga ebifo ebigulumivu eby'okusinzizaamu, mu bibuga byaibwe byonabyona, okuviira irala ku kisembayo obutono okutuukira irala ku kisingamu obunene.

2 Bakyabazinga 9:17

Agho omukuumi yali ayemereire ku kituuti ekirengererwaku mu Yezireeli, yaalengera Yehu n'ekikunsu kye eky'abantu nga kiri kwidha. Yaakoba ati: “Ndi kubona ekikunsu eky'abantu ekiri kwidha.” Yoramu yaakoba ati: “Funayo omuntu omutume ku mbalaasi, aje ye bali ababuuze ati, ‘Mwidhie lwa miraala?’ ”

Yobu 31:35

“Kale ngoli ghaligho awulirisa bye nkoba! Nkakasa nga bye nkoba bituufu. Aghanga Ebintu Byonabyona leka andhiremu. Ngoli omuntu yeenayeena aliku ky'anvunaana ampa omusango mu bughandiike,

Yobu 31:37

Nandikobeire Katonda byonabyona bye nakola; nandyemereire mu maiso ge nga ndi mugumu ng'oti muntu mubbede.

Zabbuli 5:3

Mpuuna bwe pwi pwi pwi naakusaba, wampulira. Mu nkyonkyo neetegeka okuwulira ebiva y'oli.

Zabbuli 85:8

Leka mpulire Musengwa Katonda ky'aja okukoba, kuba ndidhi aja kwogera ebituleetera emiraala ife abantu be abamutya, kasita tuba nga titwizeeyo mu bya kisiru.

Zabbuli 85:9

Mu butuufu bwene mwetegefu okulokola abo abamugha ekitiisa, olwo ekitiisa kye kibe nga kibonebwa mu nsi yaife.

Isaia 21:5

Mbonekeirwa nga bategeike ekiiwulo, baayala ghansi engoye edh'okutyamaku, baatyama, baalya era baanhwa. Okuja okutemya n'okuzibula nga kirangiriirwa kiti: “Imwe abakulu b'abaisirukale, musituke, mutegeke engabo dhaimwe!”

Isaia 21:6

Agho Musengwa Katonda yankoba ati: “Ja oteegho omukuumi, omukobe alangirire by'ali kubona.

Isaia 21:8

Agho omukuumi yaayasiikana ati: “Musengwa Katonda, nze mba ghano ku kituuti ekirengererwaku nga nkuuma omusana n'obwire.”

Isaia 62:6

Iwe Yerusalemu, ntaire abakuumi ku bimante byo, abataidha kusirikanga omusana n'obwire. Bateekwa okwidhukizanga Musengwa Katonda atuukirize bye yasuubiza, nga tibawuumulamu naire.

Yeremia 12:1

Wo Musengwa Katonda, ni bwentakana niiwe, niiwe oba omutuufu. Aye era ka nkubuuze ebigema ku kukola mu butuufu. Lwaki abakozi b'ebibi ebintu bibajiira bukalamu? Lwaki abakupankupania bali mu miraala?

Yeremia 6:17

Agho Musengwa Katonda yaabateeragho abakuumi, yaabakoba ati: “Muwulirise eigwala bwe banaalifuuwa okubalabula.” Aye baakoba bati: “Titwidha kuwulirisa.”

Ezekieli 3:17

“Iwe omuntu, nkutairegho obe omukuumi ow'abantu b'omu Isiraeli. Buli lw'onaawuliranga bye nkoba, ng'olwo oja obatuusaaku okulabula kwange kwe nnaabanga nkutumye.

Ezekieli 33:7

“Kale, iwe omuntu, ndi kukufuula omukuumi mu ighanga lya Isiraeli. Buli lw'onaawuliranga okulabula okuva ye ndi, oidha kukubatuusangaku.

Mika 7:7

Aye nze, amaiso ndidha kugatanga ku Musengwa Katonda yenka. Katonda oyo ye ndidha okuteegereranga aidhe andokole. Katonda wange aidha kuwuliranga okusaba kwange.

2 Ab'e Korintho 13:3

Ndikola kino mukakase nga Kurisito ayogerera mu nze. Kurisito ti munafu bw'aba ng'akolagana n'imwe, era ayoleka amaani ge mu imwe.

Ab'e Galatia 1:16

Era bwe yasalagho okundholeka Omwana we nsobole okukobera abamaghanga agandi Amawulire Amalungi agamufaaku, tyebuuzaaku ku muntu yeenayeena,