Habakkuku 1:9 - Baibuli Ekibono kya Katonda 2014

⁹ Boonaboona baidha okulwana nga bakambughaire, era entiisa yaibwe n'ebeesookayo emberi. Baasoloza abanhage abangi einho ng'oti musenho.

Habakkuku 1:9 ပူးပေါင်းရင်းမြစ်များ

Amainhama 41:49

Yosefu yaatereka engaano kamaala inho ng'oti n'omusenho ogw'enhandha era yaalekera agho n'okugipima, kuba yali tekaapimika.

2 Bakyabazinga 12:17

Mu kiseera ekyo Hazaeli kyabazinga wa Siria yaalumba ekibuga Gathi yaakighangula. Agho yaakyuka okuja okulwanisa ekibuga Yerusalemu.

Yobu 29:18

“Nadhuubanga nti ndighangaala inho, naafiira mu maka gange nga ndi bukalamu.

Zabbuli 139:18

Bwengezaaku okubibala bisinga omusenho obungi. Bwenzuuka era mba nkaali n'iwe.

Isaia 27:8

Musengwa Katonda yabonereza abantu be ng'abatwala mu bunhage. Yabakunguudhia n'empewo ye enkambwe eva e buvandhuba.

Yeremia 15:8

Ensi yaimwe nagyongeramu banamwandu bangi, okusinga n'omusenho oguba ku mbali kw'enhandha. Naitira abaisuka baimwe mu maani ghagati, bainhaibwe enaku yaabaluma. Nabasindikira obulumi n'okutya nga tibabyetegekeire naire.

Yeremia 25:9

‘Bona, nja kwetesa abantu boonaboona ababa ku luuyi olw'omukono omugooda olw'e buvandhuba, era ndhetese n'omugheereza wange Nebukadinezzari kyabazinga w'e Babilonia. Memale mbaleete balwanise abantu b'omu Buyudaaya, n'ab'omu maghanga goonagoona agaliiraine agho. Nja kuzikiriza nsaaniegho eighanga lino Buyudaaya ghalala n'amaghanga agaliiraine agho, mu nsambo etiisa einho, buli muntu ageesimoozenga bwesimooze era agavumirirenga ebyanda n'ebyanda. Nze Musengwa Katonda, ninze nkobye.

Yeremia 34:22

Nze Musengwa Katonda ndiragira Abababilonia baira okulumba ekibuga kino, era baakirwanisa baakigema, baakyokya omuliro. Ebibuga eby'omu Buyudaaya ndibifuula bifulukwa byereere, ghaabulagho omuntu abibaamu. Nze Musengwa Katonda, ninze nkobye.”

Yeremia 4:11

Mu kiseera ekyo balikobera abantu abo ab'e Yerusalemu, bati: “Ghaligho empewo ebabula eri kufuuwa ng'eva ghaigulu ku nsozi edhiziraku kantu edh'omu irungu, ng'eri kwidha ye muli. Aye nga ti n'empewo ey'empolampola efuuwa ebiwusu ku ngaano enkube.

Yeremia 4:7

Azikiriza amaghanga aviireyo, aviireyo ng'oti mpologoma eva mu kisaka kyayo. Aidhie okufafaagania ensi yaimwe; ebibuga byaimwe biidha kufuuka bifulukwa byereere, nga biziramu bantu babibaamu.

Ezekieli 17:10

Bona eno, omuzabbibu ogwo bwe bagusimba gulibaagho gwakula? Tigulikala bukale ng'empewo eva e buvandhuba egufuuyiriire, nga guli mu kifo ghe baagusimba?”

Ezekieli 19:12

Aye abantu baagwiwululagho n'emizi mu busungu, baagusuula ghansi. Empewo eva e buvandhuba yaidha yaagukaza. Ebibala byagwo baabikunkumusa ghansi, n'ensaga dhaagwo baadhikookola dhaakala, era baadhookya omuliro.

Danieli 11:17

“Kyabazinga oyo alikola entegeka, yaidha n'eigye ery'ensi ye lyonalyona nga mumalirivu okulumba. Alikola endagaano ey'emiraala ni kyabazinga w'e Misiri, era yaamugha mughala we amufumbirwe, olw'okwenda okuzikiriza obwakyabazinga bwe. Aye entegeka ye terimuyamba waire okutuukirira.

Hosea 1:10

Abaisiraeli baliba bangi inho ng'oti musenho gwa ku nhandha ogutasoboka kubalibwa oba okupimwa. Mperaano Katonda abakoba ati: “Timuli bantu bange,” aye ekiseera kirituuka yaabakoba ati: “Muli baana ba Katonda omulamu.”

Hosea 13:15

Abaisiraeli ni bwe baliba nga n'abali obulungi mu baganda baibwe, nze Musengwa Katonda ndisindika empewo yange ey'e buvandhuba eva mu irungu, yaidha yaakaza ensulo dhaibwe n'emiiga gyaibwe. Era erikokoobya ebintu byaibwe eby'omughendo byonabyona bye baatereka.

Habakkuku 1:17

Aye mbo baja kutuusa li okuzikiriza amaghanga aghazira na kusaasira, byanda na byanda?

Habakkuku 1:6

Bona eno, nja kuleetera Abababilonia babe eighanga ery'amaani einho era ery'obukumu. Baje n'obukambwe mu nsi yoonayoona nga banhaga ebiketezo eby'abantu abandi.

Ab'e Roma 9:27

Isaia yeena yalangirira ku Isiraeli ati: “Abantu ba Isiraeli ni bwe balyaga omusenho ogw'enhandha obungi, aye batono bati abaliwonagho ni balokolebwa

Abalamuzi 7:12

Abamidia, n'Abamaleki, n'abatyamye b'e buvandhuba, baali nga bamaze okwidhula woonawoona mu kiiko. Nga bali kamaala ng'oti nzige, era nga engamiya dhe bali nadho tidhibalika ng'oti n'omusenho ku bukalu bw'enhandha.