Habakkuku 1:8 - Baibuli Ekibono kya Katonda 2014

⁸ “Embalaasi dhaibwe dhirumuka embiro okusingaku n'empala, era nkambwe okusingaku emisege egiri endhala einho; dhimaduka nga dhizira kye dhitya. Abadhivuga bava ghala, baidha nga baguluka buguluke ng'oti n'enkookooma bw'eika n'eswankula ky'eja okulya.

Habakkuku 1:8 ပူးပေါင်းရင်းမြစ်များ

Yobu 9:26

Dhibita bubite ng'oti n'amaato ag'embiro, era ng'oti n'enkookooma eika ku muyiigo gwayo.

Isaia 11:14

Balyeyimba ghalala baalumba Abafilisiti e bugwandhuba, era baaja baanhagulula abantu b'e buvandhuba. Balighangula Abaedomu n'Abamoabu, n'Abammoni boona balibagondera.

Yeremia 4:13

Bona, abazigu baabale bali kwidha ng'oti bire. Ebigaali byaibwe eby'omu lutalo birumuka ng'oti mpewo eyeezungulula n'amaani bw'eidha; n'embalaasi dhaibwe dhiziinhuuka okusingaku n'enkookooma. Tukagwireku ife era tuzikiriire!

Yeremia 48:40

Musengwa Katonda akoba ati: “Eighanga lirirumba Moabu lyagigwaku ng'oti n'enkookooma eyandhulwiza amaghagha gaayo.

Yeremia 5:6

Abantu abo bali n'ebibi kamaala era baava inho ku Katonda. Kale ni empologoma dhiriva mu kibira dhaabaita, emisege gyava mu irungu gyabazikiriza, n'empala dhaabeeteega mu bibuga byaibwe, nga kiisi muntu afuluma dhimuyuzayuza.

Yeremia 50:42

Baligema obulaso n'empiima, nga bakambwe era nga tibasaasira naire. Empindo dhaibwe nga bali ku mbalaasi dhirivuuma ng'oti kuwolomboka kwa maadhi ga nhandha. Balyetegekera olutalo, okulwanisa imwe abantu b'omu Babiloni.

Okulira 4:19

Abazigu nga batubingirira embiro okusingaku n'enkookooma bw'eguluka mu ibbanga; baatubingirira mu nsozi, era baatweteega ni mu irungu.

Ezekieli 17:12

“Buuza abantu abo abadheemu, oba nga baidhi amakulu ag'olufumo luno. Bakobere oti: Kyabazinga ow'e Babilonia yaidha e Yerusalemu, yaatwala kyabazinga waayo n'abakungu baayo, yaaja nabo e Babilonia.

Ezekieli 17:3

bamanhe nga nze Musengwa Katonda ndi kukoba nti: Ghaaligho enkookooma enene, ng'eri n'amaghagha amanene era amaleeyi. Era yali ng'eriku amooya ag'erangi kamaala. Enkookooma eyo yaaguluka yaaja ku nsozi edh'e Lebanoni, ku muti omuvule ghaigulu ku busanso bw'ensaga dhaagwo.

Ezekieli 26:11

Embalaasi dhaibwe dhirityankirira enguudo dho dhoonadhoona, era baliita abantu bo n'empiima, n'empango dho edh'amaani baadhisuula ghansi.

Hosea 8:1

Musengwa Katonda akoba ati: “Mufuughe amagwala agalaalika olutalo! Abazigu bali kwidha okugwa ku nsi yange Isiraeli ng'oti nsega; kuba abantu bange Abaisiraeli baamenha endagaano ye nakola nabo, baadheemera amateeka gange.

Nahumu 2:5

Abakulu bali kuduumirwa, baaja eno nga bwe bagwa. Abazigu bali kweyuna ekimante ekyezungulwire ekibuga, baataagho ekintu ekikingiriza abalwani abasuula oguntu oguwomola ekimante.

Zefania 3:3

Abakungu mu kibuga omwo bali oti mpologoma edhiwologoma. Abalamuzi baamu baaba ng'oti n'emisege egiyiiga eigulo nga giri ndhala inho, ni gitalekaagho kagumba kusigala kubonebwaku nga bukyeire.

Matayo 24:28

Aghaba omulambo ensega ghe dheesololeza.

Luka 17:37

Agho baamukoba bati: “Musengwa, luuyi gha?” Yesu yaabakoba ati: “Aghaba ekifiire ensega ghe dheesololeza.”

Amateeka Agokubiri 28:49

Musengwa Katonda alibasindikira abantu ab'eighanga erindi, aboogera olulimi lwe mutategeera. Abantu abo alibatoola ku nkomerero y'ensi, baabalumba nga baziinhuuka ng'oti n'enkookooma bw'eziinhuuka.