Habakkuku 1:5 - Baibuli Ekibono kya Katonda 2014

⁵ Agho Musengwa Katonda yaakoba abantu be ati: “Mulingirire amaghanga agabeezungulwire, era mwidha kubona ebinaabeewuunhisa ni bibasamaaliriza. Kuba nja kukola ekintu kye mutaghanga kwikiriza nga bakibakobeire bukobere.

Habakkuku 1:5 ပူးပေါင်းရင်းမြစ်များ

Isaia 29:14

Kale ni ndikola mu bantu bano ebyewuunhisa n'ebyewuninkiriza. Ndizikiriza amagezi g'abagezi, era naamaliragho irala okumanha okw'abeegerese.”

Isaia 29:9

Mwesirughaze mufuuke basirusiru! Mwetulughaze mufuuke batulu! Mutamiire nga timunhweire na ku mwenge! Mutagale nga timukombye ku kitamiiza naire!

Yeremia 18:18

Agho abantu beeteesa bati: “Mwidhe tubeeku ni kye tukola Yeremia ono. Ni bwetunaamutoolagho, tituja kubula bakabona ba kutugalagiranga, era tituja kubula bagezi ba kwebuuzangaku, waire okubulwa abalanzi abatukobera obukwenda bwa Katonda. Ka tumuteeku emisango, era tulekere okuwulirisanga by'akoba.”

Okulira 4:12

Mu bakyabazinga boonaboona ni mu bantu abandi boonaboona ab'oku nsi, yali ezira asobola kwikiriza nga ghaligho omuzigu oba omulumbagani yeenayeena, asobola okwingira mu miryango gya Yerusalemu.

Danieli 9:12

Otuukiriiza ekyo kye watwesoomera okutukola ife n'abafuzi abatufuga waatutuusaaku akabi akataloodheka, kuba wabonereza Yerusalemu ekibitiriire okusinga ebibuga ebindi byonabyona ebiri ghansi gh'eigulu.

Habakkuku 3:2

Wo Musengwa Katonda, nawulira bye wakola era naatya inho. Ni mperaano tukolereku mu biseera byaife bino eby'amaani bye wakolanga eira. Tusaasirenga ni bw'oba ng'osungughaire.

Zefania 1:2

Musengwa Katonda yakoba ati: “Nja kuzikiriza ebintu byonabyona ebiri ku nsi:

Amateeka Agokubiri 4:27

Musengwa Katonda alibasansaaniza eyo mu maghanga agandi, era batono ku imwe abalisigala nga bakaali balamu.