Habakkuku 1:3 - Baibuli Ekibono kya Katonda 2014

³ Lwaki ondeka ni ngwa ku bizibu? Lwaki olingirira bulingirire ng'abantu bakola ebibi? Buli ghe ninga mbona bikolwa bya bukambwe na kuzikiriza, abantu basoola era baalwana.

Habakkuku 1:3 ပူးပေါင်းရင်းမြစ်များ

Omulangirizi 4:1

Bwe nava ku ebyo, naabona abantu bwe batuntuzibwa mu nsi, ni balira amaziga, aye nga ghazira n'abayamba. Abantu abo tibafuna abayamba, kuba ababatuntuza, ni beene abo abali mu buyinza.

Omulangirizi 5:8

Bw'obonanga abakungu mu ighanga nga batuntuza abaavu, baaloba kubakolera mazima, era baaloba kubakolera ebyo bye bagwaniire okukolerwa, oteewuunhianga kuba buli mukungu abaaku n'omuntu amusingaku amufuga, era n'oyo amusingaku yeena yaabaaku abamufuga.

Isaia 46:12

Imwe abantu ab'empwitu mumpulirise, imwe abali eghala einho n'okulokolebwa:

Isaia 5:7

Isiraeli n'eisamba eryo ery'emizabbibu erya Musengwa Katonda Afuga Amagye; abantu b'omu Buyudaaya n'ekirime kye yasimba nga musangaavu. Yabasuubiramu okukola amazima, aye baakola bwa butemo. Yabasuubiramu okukola ebituufu, aye baakola bwa biriza bantu maziga!

Yeremia 15:10

Ye nga nkagwireku nze Yeremia! Maama yanzaalira ki ku nsi kuno? Ku nsi kuno ndi n'okusoola era n'okutakana n'abantu boonaboona. Tiwolangaku muntu, waire nze mwene okwewola ku muntu yeenayeena, aye ate abantu boonaboona bankolimira.

Yeremia 20:18

Kale lwaki nazaalibwa? Nazaalibwa kubona nnaku na kudaagadaaga, na kutuusa kufiiririra nga ndi mu buswavu?

Yeremia 20:8

Buli lwe ndhogera nkaabuka bukaabuke, nalangirira nti: “Ebikolwa eby'obukambwe n'okuzikirira biri kwidha!” Wo Musengwa Katonda, abantu banvuma era bandheeyereza olw'okulangirira obukwenda bwo.

Ezekieli 2:6

“Era iwe omuntu otabatyanga waire okutyanga bye boogera. Ni bw'onaababangamu ng'oti n'omuntu ali mu nkandwa ni mu mawa, oba ng'oti n'atyaime ku siga, otatyanga badheemu abo bye boogera waire okudhugumira olw'emmoga yaibwe eidhwire obukambwe.

Matayo 10:16

“Bona, ndi kubatuma, nga muli oti ntaama ghagati mu misege. Kale ni mube bakabwidhibwidhi ng'emisota, ng'ate muli bawolu ng'oti njiibwa.

2 Petero 2:8

Omusaadha oyo, bye yabonanga ni bye yawuliranga buli kaakyeire ng'ali mu bantu abo, nga bimugemya enaku.