Habakkuku 1:13 - Baibuli Ekibono kya Katonda 2014

¹³ Amaiso go matukuvu tigagwaine kubona kibi, oba okulinga ku akola ekibi. Kale lwaki olingirira obulingirire abantu abo abateesigika? Lwaki osirika busirike ng'abakozi b'ebibi bazikiriza abantu ababasinga obulungi?

Habakkuku 1:13 ပူးပေါင်းရင်းမြစ်များ

2 Samueli 4:11

Memale obwo imwe abantu ababi mutyo, abajiire ni mwita Ishiboshethi omuntu aziraku musango mu buliri bwe, mudhuuba muti tiibavunaane kusingagho ni mbazikiriza kuva ku nsi?”

1 Bakyabazinga 2:32

Musengwa Katonda aidha kumubonereza ng'amulanga ebikolwa bye eby'ekitemo, kuba yaita abasaadha babiri nga lata wange Daudi taidhi. Abasaadha abo baali batuufu era nga bali n'ebisaanizo okumusinga, era nga ni bano: Abuneri mutabane wa Neri era omuduumizi w'eigye lya Isiraeli, ni Amasa mutabane wa Yetheri era omuduumizi w'eigye lya Buyudaaya.

Yobu 15:15

Ate oba Katonda tiyeesiga waire bamalaika be! Era nga n'eigulu ti irongoofu mu maiso ge!

Yobu 21:7

Ku lwaki abakola ebibi baghangaala ni bakairigha, nga bali n'obuyinza n'amaani?

Yobu 24:23

Aja yaabagha emiraala baatoolera okwesigula, aye yaasigala ng'abasimbyeku amaiso.

Zabbuli 10:15

Toolagho amaani g'omukozi w'ebibi n'omwonooni. Ja ng'omutondolamu okwonoona kwe, okutuusa lw'olikumumalamu.

Zabbuli 18:26

Oli mutukuvu eri abo ab'emyoyo emitukuvu, aye olabukira mangu abo abakozi b'ebibi.

Zabbuli 25:3

Bwene otaganha abo abasuubirira mu iwe kuswala, aye abo ab'empwitu abakudheemera, ka baswale.

Zabbuli 35:17

Wo Musengwa Katonda, onaabalingirira obulingirire otyo kutuuka li? Mponia obukambwe bwaibwe era owonie obulamu bwange empologoma edho!

Zabbuli 35:22

Aye iwe Musengwa Katonda oboine bino, otaloba kumpulira! Wo Musengwa Katonda, otamba ghala!

Zabbuli 35:25

Otabaganha kukoba bati: “Otyo, kye tubairenga twenda buti tukituuseeku!” Nga bakoba bati: “Oyo buti awoire!”

Zabbuli 50:21

Mwakola ebintu ebyo nze naasirika, mwalowooza muti zeena ndi ng'oti niimwe. Aye buti ndi kubanenia nti mukola bubi inho, era omusango ogwo nhenda ngwerule mugubone bukalamu.

Zabbuli 50:3

Katonda waife aidha, aye taidha kisiriikiriza; omuliro ogwaka einho gumukulemberamu nga kiwunga ow'amaani amwezungulwire.

Zabbuli 73:3

kuba bwe nabona ng'ababi ebintu bibajiira bukalamu, naabasaalirirwa olw'okwekuluntaza kwaibwe.

Zabbuli 83:1

Wo Katonda, otasirika busirike, waire okuba obwagho nga toli kufaayo.

Isaia 21:2

Mbonekeirwa akabi akaja okugwagho; mboine anhagulula ng'ali kunhagulula, naabona azikiriza ng'ali kuzikiriza. Iwe eigye ly'omu Elamu, ja olumbe, n'iwe eigye ly'e Media, ja ozingize omuzigu. Katonda aidha kumalagho okudaazibwadaazibwa kwonakwona Babiloni kw'aleeta.

Isaia 24:16

Tuliwulira enhembo okuva ensi y'ekoma nga dhisaaka ekitiisa ky'oyo Omutukuvu. Aye nze nkoba nti nga nkagwireku! Ndi kuseenena buseenene mwoyo era naagoogomba naawaagho. Abantu ab'enkwe baba bwa mukusalira banaibwe nkwe. Era enkwe dhaibwe dheeyongera bweyongere okuba embi.

Isaia 33:1

Mukagwireku imwe abazikiriza banaimwe, ate nga imwe ghazira abazikirizangaku; n'imwe abaghemukira abantu ni mubeefuulaku ate nga imwe ghazira abaghemukirangaku n'abeefuulaku. Ekiseera kyaimwe eky'okuzikiriza bwe kiriwaaku, olwo mwena balibazikiriza; era ekiseera kyaimwe eky'okughemukira abantu nga mubeefuulaku bwe kiriwaaku, olwo mwena balibaghemukira baabeefuulaku.

Isaia 64:12

Wo Musengwa Katonda, bwenebwene ozira ky'ofaayo naire ku ebyo byonabyona ebibairegho? Bwenebwene oja kusirika busirike, otuleke tudaazibwedaazibwe ebitaloodheka tutyo?

Okulira 3:36

Era yaamanha bweghabaagho omuntu asaliirwa omusango mu bukyamu.

Habakkuku 1:14

Bona, abantu obafiire okuba ng'oti byanhandha, era ng'oti n'ebintu ebyeghaluliza ku itaka ebizira mukulembeze.

Zekaria 8:17

Era mutayiiyanga mu myoyo gyaimwe kukola kabi ku banaimwe, waire okulayiranga ebiziramu kuba ebyo byonabyona, nze Musengwa Katonda, mbikyayira irala inho.”

Ebikolwa by'Abatume 2:23

Ono yabagheebwa nga Katonda amaze okukiteesa n'okukimanha, era imwe mwakozesa ababi okumwita nga bamukomerera ku musalaba.

Amateeka Agokubiri 23:15

Musa yaakoba Abaisiraeli ati: “Omwiru bw'aneibanga ku musengwa we n'aidha n'asenga ewuwo, otamwizangayo ye musengwa we oyo.