Ezera 9:1 - Baibuli Ekibono kya Katonda 2014

¹ Ebyo bwe byawa, abandi ku bakulembeze ab'abantu Abaisiraeli baidha ye ndi, bankoba bati: “Bakabona, n'Abalevi, n'Abaisiraeli abandi, bakaali n'enkolagana n'abantu ab'omu biketezo bino mwe tuli. Bakola ebintu ebyenhinhalwa ng'oti n'Abakanaani, n'Abahitti, n'Abaperizzi, n'Abayebusi, n'Abammoni, n'Abamoabu, n'Abamisiri, n'Abamori bye bakola.

Ezera 9:1 ပူးပေါင်းရင်းမြစ်များ

Amainhama 15:16

Mu nsi eyo balibaayo ghaabitagho ense ina memale baira ghano, kuba tija kubingagho Bamori okutuusa nga beeyongeire okuba ababi einho okugwanira okubonerezebwa.”

1 Bakyabazinga 11:1

Kyabazinga Solomoni yayenda abakazi kamaala abamaghanga agandi, omwali ni mughala wa kyabazinga ow'e Misiri, n'abakazi Abamoabu, n'Abammoni, n'Abaedomu, n'Abasidoni, n'Abahitti.

2 Ebyomubyanda 33:2

Yaakolanga ebibi eri Musengwa Katonda, ng'ajiira ku mpisa edheenhinhalwa edh'abamaghanga agandi Musengwa Katonda oyo be yabinga mu nsi eyo ng'Abaisiraeli bali kumpi okutuukayo.

2 Ebyomubyanda 8:7

Ghaaligho abantu abaawonagho abataali Baisiraeli, nga n'omuli Abamori, Abahitti, Abaperizzi, Abahivi, n'Abayebusi, abaali mu nsi Kanaani.

Ezera 10:2

Agho Shekania mutabane wa Yehieli owundi ku batabane ba Elamu yaakoba Ezera ati: “Tusungughaiza inho Katonda waife, olw'okubayiza abakazi abamaghanga agandi agali mu nsi eno. Aye waire ebyo biri bityo, Isiraeli ekaaliyo n'eisuubi.

Ezera 10:8

Era bati anaamala enaku eisatu ng'akaali kwidha, ng'abakungu n'abakulembeze bwe balagiire, ebintu bye byonabyona baja kubimutoolaku, ni mwene yeena bamubinge mu kikunsu eky'abaava mu bunhage.

Nehemia 13:23

Mu biseera ebyo, era naabona Abayudaaya abaabayiza abakazi abaava mu Ashidodi, ni mu Ammoni, ni mu Moabu.

Nehemia 4:3

Tobia Omuammoni eyali agho naye yaakoba ati: “Bwenebwene ekimante kyaibwe ekyo eky'amabaale kye bali kuzimba, ekibe bwe kikiniinaku kimenheka bumenheke.”

Nehemia 4:7

Aye Saniballati, ni Tobia, n'abantu ab'e Buwarabu, n'ab'omu Ammoni, n'ab'omu Ashidodi, bwe baawulira bati omulimo ogw'okulongoosa ekimante ekyezungulula Yerusalemu guli kuja mu maiso, era ng'abazimbi batooleire n'okusemba mu bituli ebyali mu kimante ekyo, baasungughala inho.

Nehemia 9:2

Agho Abaisiraeli abo, nga beeyawire ku bamaghanga agandi, baayemerera okwatula ebibi byaibwe n'ebyonoono bya badhaadha baibwe.

Zabbuli 106:35

aye baafumbiraganwa nabo, era baayega empisa dhaibwe,

Okuvaayo 13:5

Era Musengwa Katonda bw'alibatuusa mu nsi ey'Abakanaani, n'Abahitti, n'Abamori, n'Abahivi, n'Abayebusi, ensi ye yalayirira badhaadha baimwe ng'aja kugigha imwe, mukuzanga olunaku luno mu mwezi guno. Ensi eyo ngimu era erimu ebirungi kamaala.

Okuvaayo 23:23

Malaika wange aidha kubakulembera, abatwale mu biketezo bino: eky'Abamori n'eky'Abahitti, n'eky'Abaperizzi, n'eky'Abakanaani, n'eky'Abahivi, n'eky'Abayebusi, ate abantu ab'omu biketezo ebyo abazikirize.

Okuvaayo 33:16

kuba abantu balimanha batya ng'osiima nze ni beene bye tukola? Bw'oja n'ife, olwo oidha kwoleka nga ghaligho endhawulo ghagati gha ife n'abantu abandi boonaboona ab'oku nsi.”

Isaia 52:11

Muje, muje, muve mu Babiloni, imwe ababbeeda ebintu ebikozesebwa mu isinzizo lya Musengwa Katonda. Mutagema ku kintu kyonakyona ekitali kirongoofu. Muje mwekuume nga muli balongoofu.

Yeremia 26:10

Abakungu b'omu Buyudaaya bwe baawulira ebyaligho, baayangugha okuva mu kisaagaati kya kyabazinga, baaja mu isinzizo. Baatyama mu bifo byaibwe, agho ku gwetebwa Omulyango Omuyaaka ogw'eisinzizo.

Yeremia 26:16

Agho abakungu n'abantu abandi boonaboona baakoba bakabona n'abalanzi bati: “Omusaadha ono ayogeire n'ife mu liina lya Musengwa Katonda waife, kale tagwaniire kwitibwa.”

Abalevi 18:3

Muteebisanga ng'abantu ab'e Misiri ye mwabanga, oba ng'abantu ab'omu nsi Kanaani, ye ndi kubatwala. Mutajiiranga ku mpisa dhaibwe.

Malaki 2:11

Abantu b'omu Buyudaaya tibabaire beesigwa ye Katonda naire. Bakoze ebyenhinhalwa mu Yerusalemu, ni mu nsi Isiraeli yoonayoona. Bafumbiirwa abakazi abasinza bakatonda ab'amaghanga agandi. Mu nsambo eyo baayonoona obutukuvu bw'eisinzizo lya Musengwa Katonda ly'agonza.

Okubala 23:9

Mbabona nga ndi ku ngulu ku nsozi enene, naabalengera nga ndi ku busozi obutono. Abantu abo bali eighanga eriba lyonka, eighanga eriteetabula na maghanga gandi.

Okubala 25:6

Mu kiseera ekyo, ng'Abaisiraeli bakaali agho ku mulyango ogw'Eweema ey'Okwagaananirangamu ni Musengwa Katonda, nga bali kulira, ghaabaagho Omuisiraeli eyaleeta omukazi Omumidia mu ndhu ye, nga Musa n'abantu abandi boonaboona babona.

Amateeka Agokubiri 18:9

Musa yaakoba Abaisiraeli ati: “Bwe mulimala okutuuka mu nsi Musengwa Katonda waimwe y'aja okubagha, mutagezangaku kwega kujiiranga ku mpisa edheenhinhalwa, ng'abamaghanga ago dhe bajiiraku.

Amateeka Agokubiri 23:8

Baidhukulu baibwe okuva ku luse olwokusatu n'okweyongerayo, banaikirizibwanga okubalirwa mu bantu ba Musengwa Katonda.”

Amateeka Agokubiri 7:1

Musa yaakoba Abaisiraeli ati: “Musengwa Katonda waimwe aidha kubaingiza mu nsi ye muja okutwala okuba obutaka bwaimwe. Amaghanga musanvu agasinga eryaimwe obukologho n'amaani, buti n'agaba mu nsi eyo, era ni gano: Abahitti, Abagirigashi, Abamori, Abakanaani, Abaperizzi, Abahivi, n'Abayebusi. Aye bwe munaabanga nga muli kumpi okutuukayo, Musengwa Katonda waimwe oyo aidha kugabingangamu goonagoona.

Yoshua 23:12

“Bwemutaliba beesigwa eri Musengwa Katonda, aye ni musalagho okukolagana n'abantu abo abanaasigalanga mu biketezo bye tuja okunhaga, ni mubayiza baghala baibwe, era boona ni mubaganha babayize baghala baimwe,