Ezera 8:23 - Baibuli Ekibono kya Katonda 2014

²³ Kale twasiiba era twasaba Katonda waife oyo okutukuuma, era yaawulira okusaba kwaife.

Ezera 8:23 ပူးပေါင်းရင်းမြစ်များ

Amainhama 25:21

Isaaka yaasabira mukazi we, eyali omugumba. Musengwa Katonda yairamu okusaba kwe, Rebekka yaatoola enda.

2 Bakyabazinga 13:4

Agho Yehoahazi yeeghemba Musengwa Katonda ng'amusaba, era Musengwa Katonda yaawulira okusaba kwe, kuba yabona kyabazinga wa Siria bweyali abisa obubi Abaisiraeli.

1 Ebyomubyanda 5:20

Baata obwesige mu Musengwa Katonda nga bamusaba ababeere, era yaababeera yaabaleetera okughangula Abahagari ghalala ni boonaboona abaali nabo.

Ezera 8:31

Agho twava ku mwiga Ahava ku lunaku olweikumi n'eibiri olw'omwezi ogusooka, twaja e Yerusalemu. Katonda waife yaaba ghalala n'ife, yaatuwonia okugwa mu ngalo edh'abazigu baife abaatweteeganga nga tuli mu ngira.

Nehemia 9:1

Ku lunaku olwamakumi abiri n'eina (24) olw'omwezi gwene ogwo, Abaisiraeli beesoloza, baasiiba nga tibaliire, nga bavaire ekutiya era nga beefuse n'enkungu mu mitwe, olw'ebibi byaibwe okubanakughaza.

Ensambo 3:5

Weesigenga Musengwa Katonda n'omwoyo gwo gwonagwona, se ti kwesiga kutegeera kwo.

Isaia 19:22

Musengwa Katonda alibonereza Abamisiri, aye ate b'abonereiza alimala yaabawonia. Balikyukira y'ali baamusaba, era yaawulira okusaba kwaibwe yaabawonia.

Yeremia 33:3

“Bw'onandheta nze Musengwa Katonda, ndidha kukuvugira era nkukobere ebintu ebyewuunhisa ebyagisibwa by'otaidhi.

Danieli 9:3

Agho naakyukira eri Musengwa Katonda wange, naamusaba nga mweghemba, naasiiba, naavaala ekutiya, era naatyama mu ivu.

Luka 2:37

Yaaba namwandu okutuusa emyaka kinaana n'ena. Yali nga tava mu isinzizo, omusana n'obwire ng'ali ku kugheereza Katonda, kusaba na kusiiba.

Ebikolwa by'Abatume 10:30

Korunelio yairamu ati: “Enaku ina edhibiseegho, nali ndi mu nhumba yange nga ndi kusaba ku saawa eyomwenda. Mangu ago, naabona omusaadha ng'avaire engoye edhimesunkana ng'ayemereire mu maiso gange.

Amateeka Agokubiri 4:29

Aye nga muli eyo, mwidha kusabanga Musengwa Katonda waimwe. Era bwe munaamusabanga n'omutima gwaimwe gwonagwona era n'omwoyo gwaimwe gwonagwona, aidhanga kubawulira.