Ezera 8:22 - Baibuli Ekibono kya Katonda 2014

²² Ensoni dhangema okusaba kyabazinga atughe ekikunsu eky'abaisirukale ab'oku bigere n'ab'oku mbalaasi okutugherekera nga batukuuma tuwone abazigu mu ngira, kuba nali mmaze okumukoba nti: “Katonda waife agha enkabi kiisi amwesiga, aye yaasungughalira era yaabonereza kiisi amuvaaku.”

Ezera 8:22 ပူးပေါင်းရင်းမြစ်များ

1 Ebyomubyanda 28:9

Agho yaakoba Solomoni ati: “Era iwe mwana wange Solomoni, manhanga Katonda wange nze lata wo, omugheerezenga n'omwoyo mulala aghazira kusagansagana, kuba Musengwa Katonda oyo ayagaaza yaazuula ebiri mu myoyo gy'abantu era yaategeera bye bategeike okukola byonabyona. Bw'onaamunoonianga, oidha kumuzuulanga. Aye bw'onaamuvangaku, aidhanga kukulekulira agho ebyanda n'ebyanda.

2 Ebyomubyanda 15:2

Azaria oyo yaaja ewa Asa, yaamukoba ati: “Isebantu kyabazinga, mpulirisa. N'imwe ab'ekika kya Yuda n'ab'ekya Benjamini, mumpulirise. Musengwa Katonda ali ghalala n'imwe, kasita mwena ni muba aghalala naye. Bwe mumunoonia, musobola okumuzuula, aye bwe mumuvaaku, nga yeena abalekulira agho.

2 Ebyomubyanda 16:9

Musengwa Katonda abona mu nsi mwonamwona buli kiseera, asobole okugha amaani abo ab'emyoyo egimwesiga. Kale kino ky'okoze kya kisiru. Okuva n'olwaleero oidha kubanga mu kulwana ntalo.”

Ezera 7:28

Ansaasiire yaaleetera kyabazinga okungonza, aghalala n'abawi b'amagezi be, n'abakungu be abandi ab'amaani. Musengwa Katonda wange ampaire amaani, naasoloza abakulembeze mu Isiraeli, baaganha okuja ninze.”

Ezera 7:6

Ezera oyo yaava mu nsi Babilonia nga munamateeka mulamba eyali aidhi einho amateeka, Musengwa Katonda, Katonda wa Isiraeli ge yagha Musa. Era olw'okuba Musengwa Katonda yabanga ghalala ni Ezera oyo, kyabazinga yaamugha byonabyona bye yamusabanga.

Ezera 7:9

Katonda yaaba ghalala nabo, baatuuka e Yerusalemu ku lunaku olusooka olw'omwezi ogwokutaanu.

Ezera 8:31

Agho twava ku mwiga Ahava ku lunaku olweikumi n'eibiri olw'omwezi ogusooka, twaja e Yerusalemu. Katonda waife yaaba ghalala n'ife, yaatuwonia okugwa mu ngalo edh'abazigu baife abaatweteeganga nga tuli mu ngira.

Nehemia 2:9

Naatuuka eri abafuzi b'ebiketezo ebiri ere ng'osomoike omwiga Eufurate, naabagha embaluwa edhaava ye kyabazinga. Buti kyabazinga oyo yali amaze okuntuma, ghalala n'abandi ku bakulira amagye ge, n'abandi ku baisirukale ab'oku mbalaasi.

Zabbuli 20:8

Abo balitondoka baagwa ere, aye ife tulisituka twayemerera nga tuli bagumu.

Zabbuli 34:22

Musengwa Katonda anunula obulamu bw'abagheereza be, ghazira ku abo abamwesiga aja kusalirwa musango kumusinga.

Zabbuli 90:11

Naani aidhi amaani g'obusungu bwo kye gasobola okukola? Era naani ategeera obusungu bwo nga bwe butiisa?

Okulira 3:25

Musengwa mulungi eri abo abamwesiga, mulungi eri omwoyo ogufaayo okukola by'ayenda.

Ab'e Roma 8:28

Twidhi nga mu buli kintu Katonda akola olw'obukalamu bw'abo abamugonza, era abaayetebwa nga bwe yayenda.

1 Ab'e Korintho 9:15

Aye nkaali kubasaba kintu kyonakyona, era waire mperaano tiri kubaghandiikira lwa kubasaba kintu kyonakyona. Kasinga mmala gafa ntaganhie muntu yeenayeena kuntoolaku ekyo ekindeetera okwenhumiriza.

2 Ab'e Korintho 7:14

Nakobera Tito nti muneesiimisa era tyaswala, kuba nga mu byonabyona bye twabakoba bwe tutaabaguya, n'okwesiima kwaife kwe twakobera Tito kwakakasibwa nga tikwali kuguya.

Abaheburayi 10:38

Omutuufu wange anaabanga mulamu lwa kwikiriza, aye bw'aira einhuma tiri musangaalira naire.”

Yoshua 22:16

Agho boonaboona baabakoba bati: “Tuli kwogera mu liina ly'abantu ba Musengwa Katonda boonaboona tuti, lwaki mukoze ekintu kino ekibi Katonda wa Isiraeli ky'atenda? Okuzimba alutaari eno kitegeeza muli kudheemera Musengwa Katonda, mwalekera agho okukola by'ayenda.

Yoshua 23:16

Kasita muloba okukuuma endagaano Musengwa Katonda waimwe ye yabalagira okukuuma, ni mugheereza era ni musinza bakatonda abandi, aja kubasungughalira era ababonereze okutuusa lwe mulizikirira ni muwa ku nsi eno enungi ye yabagha.”

1 Petero 3:12

kuba amaiso ga Musengwa tigava ku batuufu, era talekera kuwulirisa kusaba kwaibwe. Aye abo abakola obubi abakambughalira.”