Ezera 7:8 - Baibuli Ekibono kya Katonda 2014

⁸ Baasimbuka okuva mu nsi Babilonia ku lunaku olusooka olw'omwezi ogusooka, mu mwaka ogwomusanvu nga kyabazinga Arutazerizesi n'afuga.

Ezera 7:8 ပူးပေါင်းရင်းမြစ်များ

Ezera 10:9

Agho abasaadha boonaboona ab'omu kika kya Yuda n'ekya Benjamini, beesololeza e Yerusalemu mu nnaku eisatu edho. Olwo n'olwali olunaku olwamakumi abiri (20) olw'omwezi ogwomwenda. Abantu boonaboona baatyama mu luya emberi gh'eisinzizo lya Katonda nga bali kudhugumira, olw'ensonga eyabeesa n'olw'amaadhi amangi einho agaali gali kugwa.

Ezera 7:7

Ezera yaatuuka e Yerusalemu n'Abaisiraeli abandi, omwali bakabona, Abalevi, abembi b'omu isinzizo, abakuumi b'emiryango, n'abagheereza b'omu isinzizo.

Ezera 7:9

Katonda yaaba ghalala nabo, baatuuka e Yerusalemu ku lunaku olusooka olw'omwezi ogwokutaanu.

Ezera 8:32

Bwe twatuuka e Yerusalemu, twawuumulaku okumala enaku isatu.

Ezera 9:9

Tuli bairu, aye era Katonda waife tatulekuliire agho mu bwiru bwaife. Atwoleike nga bw'atugonza obutalekera, yaaleetera bakyabazinga b'e Perusia okutugonza, baatulekagho nga tukaali balamu. Olwo tusobole okuzimbira Katonda waife oyo eisinzizo lye eryali lyonooneibwa, era atukuumenga ng'atuwonia abazigu mu Buyudaaya ni mu Yerusalemu.

Danieli 9:25

Agho ni kimanhe era okitegeere ng'okuva ku kiseera ekiragiro eky'okuzimba Yerusalemu obuyaaka lwe kirigheebwa, okutuuka ku kwidha kw'omukulembeze omulonde wa Katonda, ghaja kubitagho emyaka nsanvu emikuzi musanvu. Olwo ghabeegho emyaka nkaaga n'ebiri emikuzi musanvu, egy'okuzimbiramu Yerusalemu obuyaaka, n'enguudo dhaakyo, n'ekimante ekigumu okukyezunguluza. Aye ekiseera ekyo kiriba kya bizibu.