Ezera 7:7 - Baibuli Ekibono kya Katonda 2014

⁷ Ezera yaatuuka e Yerusalemu n'Abaisiraeli abandi, omwali bakabona, Abalevi, abembi b'omu isinzizo, abakuumi b'emiryango, n'abagheereza b'omu isinzizo.

Ezera 7:7 ပူးပေါင်းရင်းမြစ်များ

Ezera 6:14

Era abakulembeze b'Abayudaaya baazimba eisinzizo eryo bukalamu. Abalanzi Haggai ni Zekaria mutabane wa Iddo baabaizangamu amaani olw'ebyo bye baalanganga. Baamaliriza okuzimba nga bajiira ku biragiro bya Katonda wa Isiraeli, ni ku kwikirizibwa kwa bakyabazinga, Kuro ni Dario ni Arutazerizesi, ab'e Perusia.

Ezera 7:24

Twenda n'okubamanhisa tuti timwikirizibwa kusoloza musolo, oba empooza, oba ebisale ebindi byonabyona, okuva ku kabona yeenayeena, oba ku Balevi, oba ku bembi, oba ku bakuumi b'emiryango, oba waire ku bagheereza abandi boonaboona ab'omu isinzizo.

Ezera 7:8

Baasimbuka okuva mu nsi Babilonia ku lunaku olusooka olw'omwezi ogusooka, mu mwaka ogwomusanvu nga kyabazinga Arutazerizesi n'afuga.

Nehemia 1:1

Bino n'ebibono bya Nehemia mutabane wa Hakalia: Mu mwezi ogwetebwa Kisilevu, mu mwaka ogwamakumi abiri (20) ogwa kyabazinga Arutazerizesi nga n'afuga Perusia, nali ndi e Susa mu kibuga ekikulu eky'ensi eyo Perusia.

Nehemia 10:28

Ife Abaisiraeli abasigairegho twenatwena tuli kitole: bakabona, n'Abalevi, n'abakuumi ab'emiryango, n'abembi, n'abagheereza ab'omu isinzizo, n'abo boonaboona abeeyawula ku bantu b'omu kiketezo kino ni bagonderanga Amateeka ga Katonda, nga bali ghalala ni bakazi baibwe, ni batabane baibwe, ni baghala baibwe, boonaboona abalimu amagezi n'okutegeera.

Nehemia 12:1

Luno n'olukalala lwa bakabona n'Abalevi abaira okuva mu bunhage, ni Zerubbabeli mutabane wa Shealutieli, era ni Yeshua. Seraia, ni Yeremia, ni Ezera,

Nehemia 2:1

Mu mwezi ogwetebwa Nisani mu mwaka ogwamakumi abiri (20) nga Arutazerizesi n'afuga Perusia, naaja naagheereza kyabazinga Arutazerizesi oyo omwenge ogw'emizabbibu ogwali mu maiso ge. Yali tambonangaku nga nnakughaire.