Ezera 7:6 - Baibuli Ekibono kya Katonda 2014

⁶ Ezera oyo yaava mu nsi Babilonia nga munamateeka mulamba eyali aidhi einho amateeka, Musengwa Katonda, Katonda wa Isiraeli ge yagha Musa. Era olw'okuba Musengwa Katonda yabanga ghalala ni Ezera oyo, kyabazinga yaamugha byonabyona bye yamusabanga.

Ezera 7:6 ပူးပေါင်းရင်းမြစ်များ

Amainhama 32:28

Omusaadha yaakoba ati: “Tokaayetebwanga Yakobo, aye onaayetebwanga Isiraeli, kuba otuulaine ni Katonda era n'abantu, waaghangula.”

Ezera 5:5

Aye Katonda yaakuuma abakulembeze ab'Abayudaaya, kale abakungu abo ab'e Perusia baaloba kubalobera kuzimba, nga benda bagheereze kyabazinga Dario amawulire ago, era abairemu mu bughandiike memale.

Ezera 6:22

Baakola embaga ey'Ekibinuko eky'Emigaati Egitazimbulukusiibwa okumala enaku musanvu nga basagamba kuba Musengwa Katonda yakyusa omwoyo gwa kyabazinga ow'e Assiria, yaamuleetera okuyamba Abaisiraeli abo ku mulimo ogw'okuzimba eisinzizo lya Katonda oyo owa Isiraeli.

Ezera 7:21

“Era nze kyabazinga Arutazerizesi ndi kugha ekiragiro abaghanika ab'ebiketezo Siria ni Foenikia, nti Ezera kabona eyasoma n'akuguka mu Mateeka ga Katonda ow'eigulu, bamughenga buli kintu kyonakyona ky'anaasabanga bakimukolerenga, aghazira kwegemya nsonga yoonayoona.

Ezera 7:28

Ansaasiire yaaleetera kyabazinga okungonza, aghalala n'abawi b'amagezi be, n'abakungu be abandi ab'amaani. Musengwa Katonda wange ampaire amaani, naasoloza abakulembeze mu Isiraeli, baaganha okuja ninze.”

Ezera 7:5

Bukki oyo yaaba mutabane wa Abishua, Abishua oyo yaaba mutabane wa Finehasi, Finehasi oyo yaaba mutabane wa Eleazari, ate Eleazari oyo yaaba mutabane wa Aaroni Kabona Omukulu.

Ezera 7:9

Katonda yaaba ghalala nabo, baatuuka e Yerusalemu ku lunaku olusooka olw'omwezi ogwokutaanu.

Ezera 8:1

Luno n'olukalala olw'abakulu mu bika n'abakulu ab'enda dha baiseibwe abaira ninze Ezera, nga tuva mu nsi Babilonia mu kiseera Arutazerizesi kye yabeeramu kyabazinga:

Ezera 8:18

Era nga bayambibwaku Katonda waife baatugheereza Sherebia, omusaadha Omuisiraeli omugezi, owundi ku batabane ba Mahili eyali mutabane wa Levi. Yaidha ni batabane be ni baganda be, baaghera abantu ikumi na munaana.

Ezera 8:22

Ensoni dhangema okusaba kyabazinga atughe ekikunsu eky'abaisirukale ab'oku bigere n'ab'oku mbalaasi okutugherekera nga batukuuma tuwone abazigu mu ngira, kuba nali mmaze okumukoba nti: “Katonda waife agha enkabi kiisi amwesiga, aye yaasungughalira era yaabonereza kiisi amuvaaku.”

Ezera 8:31

Agho twava ku mwiga Ahava ku lunaku olweikumi n'eibiri olw'omwezi ogusooka, twaja e Yerusalemu. Katonda waife yaaba ghalala n'ife, yaatuwonia okugwa mu ngalo edh'abazigu baife abaatweteeganga nga tuli mu ngira.

Nehemia 12:26

Abantu abo baaligho mu kiseera kya Yoiakimu mutabane wa Yeshua era mwidhukulu wa Yozadaki, ni mu kiseera kya Nehemia eyali omufuzi, ni mu kya Ezera eyali kabona era omunamateeka.

Nehemia 12:36

Hoshaia oyo era yaaja n'aboluganda lwe abandi bano: Shemaia, ni Azareli, ni Milalai, ni Gilalai, ni Maai, ni Nethaneli, ni Yuda, ni Hanani, abaajanga nga bakuba ebivuga ng'ebya kyabazinga Daudi omuntu wa Katonda. Ezera omunamateeka n'eyabakulemberamu.

Nehemia 2:12

Agho naasituka obwire, naaja n'abasaadha batonotono, aye nga ghazira muntu yeenayeena ye nkobeireku ekindi ku mwoyo, Katonda kye yankoba okukolera Yerusalemu. Tyali na nsolo yindi yoonayoona okutoolaku eyo ye nali ntyaimeku, nga ndi kuvuga.

Nehemia 2:18

Kale naabakobera nga Katonda wange bwe yaba aghalala ninze n'anhamba, era naabakobera n'ebyo kyabazinga bye yankoba. Agho bankoba bati: “Tusitukiremu tuzimbe.” Era baafungiza beetegekera okukola omulimo ogwo omukalamu.

Nehemia 2:8

Era naasaba n'embaluwa ntwalire Asafu omukuumi w'ekibira kya kyabazinga, aganhe okumpa emiti egy'okukolamu emiryango egy'ekifo eky'okwewogomamu ekyezungulwire eisinzizo, n'egy'okukolamu emiryango egy'ekimante ekyezungulwire ekibuga, era n'egy'okuzimbamu endhu ye nnaabangamu. Agho kyabazinga yaaganha okunkolera kye namusaba, kuba Katonda wange yali ghalala ninze.

Nehemia 4:15

Abazigu baife baawulira nga twamanha olukwe lwaibwe, era nga Katonda n'eyatabulatabula entegeka dhaibwe. Agho twenatwena twairayo ku mulimo ogw'okuzimba ekimante.

Nehemia 8:1

Agho Abaisiraeli boonaboona nga bali kitole, beesololeza mu luya emberi gh'ogwetebwa Omulyango ogw'Amaadhi. Baakoba Ezera omunamateeka aleete Ekitabo ky'Amateeka, Musengwa Katonda ge yagha Isiraeli ng'abita mu Musa.

Nehemia 8:13

Ku lunaku olwairirira, abakulu ab'enda dha balata b'abantu boonaboona, ghalala ni bakabona n'Abalevi, baidha ye Ezera omunamateeka okwega ebiri mu mateeka.

Nehemia 8:4

Ezera oyo, eyali omunamateeka, yaayemerera ku kituuti kye baakola mu mbaawo olw'omukolo ogwo. Era agho okumpi naye, ku luuyi lwe olw'omukono omusaadha ghaayemereragho, Mattithia, Shema, Anaia, Uria, Hilikia, ni Maaseia. Ate ku luuyi lwe olw'omukono omugooda, ghaayemereragho bano: Pedaia, Mishaeli, Malikiya, Hashumu, Hashibaddana, Zekaria, ni Meshullamu.

Nehemia 8:9

Abantu bwe baawulira Amateeka bye gabalagira okukola, boonaboona baalira amaziga. Kale Nehemia eyali omufuzi w'ekiketezo ekyo, ni Ezera kabona era omunamateeka, n'Abalevi abaayegeresa abantu Amateeka, baabakoba bati: “Olunaku luno lwa Musengwa Katonda waimwe era lutukuvu. Kale ni mulobe kunakughala waire okulira amaziga.

Nehemia 9:13

Wava mu igulu waika ku lusozi Sinai, waayogera nabo, waabagha endhegeresa entuufu, ey'amateeka n'ebiragiro eby'amazima.

Zabbuli 109:27

Wo Musengwa Katonda, abazigu bange ka bamanhe nga niiwe ondokola.

Zabbuli 147:19

Akobera Yakobo obukwenda bwe, yaakobera Isiraeli ebiragiro bye n'amateeka ge.

Zabbuli 45:1

Omwoyo gwange gwidhwire ebibono ebikalamu bye nja okughandiika. Olwembo luno ndi kuluyiiyiza kyabazinga, olulimi lwange lwetegeike ng'oti n'ekalaamu ey'omughandiisi omukugu.

Zabbuli 80:18

Tituja kwirayo kudaaliima kukuleka; tughe obulamu twidha kukusaakanga.

Ensambo 3:6

Idhukiranga nga Musengwa Katonda ali emberi wo okukugalagira mu byonabyona by'okola, era aidha kukutereekezanga by'okola byonabyona.

Isaia 50:2

Lwaki tyayagaanagho muntu waire omulala ati lwe naidha okubawonia? Lwaki nayeta ni ghatabaagho anvugira? Omukono gwange n'ogufuuse omumpi einho, nga tigukaasobola kubatuukaku kubanunula? Oba amaani ag'okubawonia ge nzira? Mubone eno, nze nsobola okukaabukira enhandha yaakala, era naafuula aghabaire emiiga ghaaba irungu, ebyenhandha byamu byafa olw'okubulwa amaadhi era byawunha.

Isaia 59:1

Mutalowooza muti amaani ga Musengwa Katonda gaakoma, yaaba nga takaasobola kubalokola. Oba okulowooza muti amatu ge gaasemba, gaaba nga tigakaabawulira, nga muli kumweta okubayamba.

Yeremia 8:8

Musobola mutya okukoba muti, ‘Tuli bagezi, era twidhi amateeka ga Musengwa Katonda,’ aye ng'ate abanamateeka baagafuulaniafuulania, gaafuuka ga buguya?

Matayo 13:52

Yaabakoba ati: “Kale ni kiisi Munamateeka ayega mu by'Obwakyabazinga obw'omu igulu afaanana ng'oti n'omuntu mwenemu, atoola mu iterekero lye ebiyaaka n'ebikaire.”

Matayo 23:2

Yaakoba ati: “Abanamateeka n'Abafarisaayo n'abatyama ku kityamo kya Musa.

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

1 Ab'e Korintho 1:20

Kale olwo omugezi ali gha? Oba omwegerese ali gha? Oba kabwidhibwidhi ow'ensi eno mu kutakana ali gha? Katonda ayoleike ng'amagezi ag'ensi eno gaaga busiru,

1 Ab'e Korintho 15:1

Aboluganda, nhenda okubaidhusa Amawulire Amalungi ge nabakobera ni mugaikiriza, era okwikiriza kwaimwe kwe kwemereire.

Amateeka Agokubiri 28:1

Musa yaakoba Abaisiraeli ati: “Bwe muneekalangulanga okuwulira Musengwa Katonda waimwe, ni mugema ebiragiro bye byonabyona bye ndi kubagha olwaleero, era ni mubituukiriza, Musengwa Katonda waimwe alibafuula eighanga eikologho erisinga amaghanga agandi goonagoona agali ku nsi.

Amateeka Agokubiri 4:5

“Nze mbeegereisa amateeka n'ebiragiro nga Musengwa Katonda wange bweyandagira. Mubigemenga, nga muli mu nsi ye muja okwingiramu okutwala.