Ezera 7:27 - Baibuli Ekibono kya Katonda 2014

²⁷ Agho Ezera yaakoba ati: “Tusaake Musengwa Katonda, Katonda wa badhaadha baife, eyata ekidhuubo ekyo mu mwoyo gwa kyabazinga okulungiya eisinzizo lya Musengwa Katonda oyo, eriri mu Yerusalemu.

Ezera 7:27 ပူးပေါင်းရင်းမြစ်များ

2 Ebyomubyanda 31:8

Agho Hezekia n'abakungu be bwe baidha ni babona emungo edho, beebaza Musengwa Katonda, era beebaza n'abantu be Abaisiraeli.

Ezera 6:22

Baakola embaga ey'Ekibinuko eky'Emigaati Egitazimbulukusiibwa okumala enaku musanvu nga basagamba kuba Musengwa Katonda yakyusa omwoyo gwa kyabazinga ow'e Assiria, yaamuleetera okuyamba Abaisiraeli abo ku mulimo ogw'okuzimba eisinzizo lya Katonda oyo owa Isiraeli.

Nehemia 2:12

Agho naasituka obwire, naaja n'abasaadha batonotono, aye nga ghazira muntu yeenayeena ye nkobeireku ekindi ku mwoyo, Katonda kye yankoba okukolera Yerusalemu. Tyali na nsolo yindi yoonayoona okutoolaku eyo ye nali ntyaimeku, nga ndi kuvuga.

Nehemia 2:8

Era naasaba n'embaluwa ntwalire Asafu omukuumi w'ekibira kya kyabazinga, aganhe okumpa emiti egy'okukolamu emiryango egy'ekifo eky'okwewogomamu ekyezungulwire eisinzizo, n'egy'okukolamu emiryango egy'ekimante ekyezungulwire ekibuga, era n'egy'okuzimbamu endhu ye nnaabangamu. Agho kyabazinga yaaganha okunkolera kye namusaba, kuba Katonda wange yali ghalala ninze.

Nehemia 7:5

Katonda yanta mu mwoyo ekirowoozo, nkobe abakungu n'abakulembeze b'abantu, n'abantu abandi boonaboona, beesoloze beeghandiise ng'obuzaale bwaibwe bwe bwali. Era naazuula ekitabo kye baaghandiikamu obuzaale bw'abo abaasooka okuva mu bunhage nga kirimu bino:

Okuvaayo 8:9

Musa yairamu kyabazinga ati: “Gh'onaayendera gh'onankobera, naakusabira iwe n'abakungu bo, era n'abantu bo, ebikere bizikirizibwe bibaveeku era bive ni mu ndhu dhaimwe, bisigale mu mwiga Kiyira mwonka.”

Ensambo 21:1

Omwoyo gwa kyabazinga guba mu buyinza bwa Musengwa Katonda; agukyukiza buli y'ayenda ng'oti n'omweta ogw'amaadhi.

Isaia 60:13

Abantu balireeta emiti egiva e Lebanoni, emisipuressi, emipulane, n'emyalumugi, baagizimbisa buyaaka eisinzizo lyange okuliwoomya, n'okugheesa ekibuga kyange ekitiisa.

Luka 7:5

kuba agonza eighanga lyaife, era yatuzimbira ni sinagoga.”

2 Ab'e Korintho 8:16

Katonda yeekaza, eyagha Tito omwoyo ogubalumirwa ng'ogwaife.

Ab'e Filippi 4:10

Ndi musangaavu inho mu Musengwa okubona nti olumaliira olw'ekiseera ekireeyi, kabiri mwizeemu okwoleka nga bwe muunumirwa. Ndidhi nti bwene mubaire muunumirwa nga aye muzira bwa kaghagaanhia kakyoleka.

Abaheburayi 10:16

“Eno n'endagaano ye ndikola nabo mu nnaku edhiidha,” Musengwa atyo bw'akoba. “Ndita amateeka gange mu myoyo gyaibwe, era ndigaghandiika mu bidhuubo byaibwe.”

Abaheburayi 8:10

Eno n'endagaano ye ndikola n'abantu ba Isiraeli: Musengwa ayogera ati Mu biseera ebiri kwidha, ndita amateeka gange mu bidhuubo byaibwe, era ndigaghandiika mu myoyo gyaibwe. Ndiba Katonda waibwe, boona baaba bantu bange.

Yakobo 1:17

Kiisi kirabo kikalamu era ekituukiriire, kiva mu igulu ye Lata eyatonda ebyaka ku igulu. Oyo tafuukafuuka, oba okuleeta enzikiiza ng'akyukakyuka.

Okwolekebwa 17:17

kuba Katonda yabaleetera mu myoyo gyaibwe, okukola kye yategeka nga baisa kirala, baagha ekisolo obukumu bwaibwe n'okufuga kwaibwe, okutuusa ebibono bya Katonda lwe birituukirira.