Ezera 7:26 - Baibuli Ekibono kya Katonda 2014

²⁶ Oyo yeenayeena anaadheemeranga amateeka ga Katonda wo oba aga kyabazinga, abonerezebwenga ng'amateeka bwe galagira: aitibwenga, oba atwalibwenga mu bunhage bamusibire eyo, oba bamugemengaku ebintu bye, oba bamusibenga mu ikomera.”

Ezera 7:26 ပူးပေါင်းရင်းမြစ်များ

2 Ebyomubyanda 30:12

Era amaani ga Katonda gaakolera mu Bayudaaya, beeyimba kitole nga bamalirivu okujiira ku kiragiro kyabazinga n'abakungu be, kye baabagha nga Musengwa Katonda bwe yalagira.

Ezera 10:4

Situkiramu, kuba ogwo mulimo gwo era ife tuli ghalala n'iwe. Iwe guma okikole.”

Ezera 10:8

Era bati anaamala enaku eisatu ng'akaali kwidha, ng'abakungu n'abakulembeze bwe balagiire, ebintu bye byonabyona baja kubimutoolaku, ni mwene yeena bamubinge mu kikunsu eky'abaava mu bunhage.

Ezera 6:11

Era ndi kulagira nti omuntu yeenayeena anaakyusaamu ku kiragiro kino, baidha kutoolanga omulabba ku ndhu ye yeene, bamale bamulengeedhezenga okwo afe. Era endhu ye baidha kugifuulanga kifo ghe babunga obusa.

Ezera 6:12

Nsaba Katonda eyalonda Yerusalemu okuba ekifo eky'okumusinzizangamu, azikirize kyabazinga yeenayeena oba omuntu owundi yeenayeena alikyusaamu ku kiragiro kino, oba okuzikiriza eisinzizo lya Katonda eryo eriri e Yerusalemu. Nze Dario, ninze mpaire ekiragiro kino. Byonabyona bye ndagiire bigwaine bikolebwe n'obwegendereza.”

Zabbuli 52:5

Aye Katonda aidha kukuzikiriza ebyanda n'ebyanda; aidha kukuswankula mu ndhu yo akukwekwebye; aidha kukutoola mu nsi ey'abalamu.

Danieli 6:26

Ndi kugha ekiragiro nti mu biketezo byonabyona ebiri mu bwakyabazinga bwange, abantu boonaboona batyenga Katonda wa Danieli, bamutengamu ekitiisa. Kuba oyo ni Katonda omulamu, aligho ebyanda n'ebyanda. Obwakyabazinga bwe ghazira asobola kubuzikiriza, n'obukumu bwe tibuliwaagho.

Amateeka Agokubiri 27:26

“ ‘Omuntu yeenayeena ataatuukirizenga mateeka gano, akolimirwenga!’ “Olwo abantu boonaboona baliiramu bati, ‘Amiina.’ ”