Ezera 7:15 - Baibuli Ekibono kya Katonda 2014

¹⁵ Oidha kutwala feeza ni zaabu nze kyabazinga n'abawi bange ab'amagezi bye tughaireyo ekyeyendere eri Katonda wa Isiraeli. Ono n'eyasalagho ati eriina lye balisinzizenga mu Yerusalemu.

Ezera 7:15 ပူးပေါင်းရင်းမြစ်များ

1 Ebyomubyanda 29:6

Agho abakulu b'enda dha baiseibwe, n'abakulu b'ebika, n'abaduumizi b'abaisirukale olukumi olukumi n'ab'ekikumi ekikumi, n'abo abaalabiriranga emirimo gya kyabazinga, baaghaayo ebigheebwayo eby'ekyeyendere,

2 Ebyomubyanda 2:6

Aye naani asobola okumuzimbira eisinzizo, ate nga n'eigulu lyene erisingayo okuba ghaigulu tirisobola kumumala kubaamu, waire nga inene okwaga agho? Ninze ani asobola okumuzimbira eisinzizo, okutoolaku okumuteeragho ekifo obufo eky'okumuniokezaamu obubbaani?

2 Ebyomubyanda 32:23

Agho abantu kamaala baidha e Yerusalemu nga baleeteire Musengwa Katonda ebirabo, era nga baleeteire ni kyabazinga Hezekia owa Buyudaaya ebintu eby'omughendo. Okuva ku olwo, amaghanga goonagoona gaatanga mu Hezekia oyo ekinhagansi kya maani.

2 Ebyomubyanda 6:2

Mpegaano nze nkuzimbiire eisinzizo ery'ekitiibwa, ekifo mw'onaabanga enaku dhoonadhoona.”

2 Ebyomubyanda 6:6

Aye mpegaano nonzeegho Yerusalemu kibe ekifo mwe banansinzizanga, era naataagho iwe Daudi okulemberenga abantu bange Abaisiraeli.’ ”

Ezera 1:6

Abantu be baabanga nabo aghalala, baabayamba nga babagha ebintu ebya feeza, ni zaabu, n'ebintu ebindi, n'ensolo, n'ebintu eby'omughendo einho, nga kw'otaire n'ebigheebwayo eby'ekyeyendere.

Ezera 6:12

Nsaba Katonda eyalonda Yerusalemu okuba ekifo eky'okumusinzizangamu, azikirize kyabazinga yeenayeena oba omuntu owundi yeenayeena alikyusaamu ku kiragiro kino, oba okuzikiriza eisinzizo lya Katonda eryo eriri e Yerusalemu. Nze Dario, ninze mpaire ekiragiro kino. Byonabyona bye ndagiire bigwaine bikolebwe n'obwegendereza.”

Ezera 6:4

Ekisenge bakizimbe n'enhiriri isatu edh'amabaale amabaadhe amanene, ku ngulu kwago bateeku olunhiriri lw'embaawo lulala. Endyanga ey'obwakyabazinga n'ebe esasulire omulimo ogwo gwonagwona.

Ezera 7:14

Nze kyabazinga n'abawi bange ab'amagezi omusanvu, tukutumye oje onoonereze mu Yerusalemu ni mu Buyudaaya, obone oba nga amateeka ga Katonda waimwe agaakugemesebwa, abantu bali kugajiiraku bukalamu.

Ezera 8:25

Naapima feeza ni zaabu, n'ebintu kyabazinga n'abawi ab'amagezi be, n'abakungu be, era n'Abaisiraeli boonaboona, bye baaghaayo okukozesebwanga mu isinzizo lya Katonda waife. Byonabyona naabigemya bakabona abo, era nga biri mu buzito buno:

Zabbuli 135:21

Musengwa Katonda asaakibwe mu Sioni, oyo aba mu Yerusalemu. Mwenamwena musaake Musengwa Katonda!

Zabbuli 26:8

Wo Musengwa Katonda, ngonza endhu yo mw'oba, n'ekifo ekitiisa kyo ghe kibonekera.

Zabbuli 72:10

Bakyabazinga ab'e Tarushishi n'ab'omu bizinga bamutonere ebirabo; ni bakyabazinga ow'e Sheba n'ow'e Seba, boona bamughe ebirabo.

Zabbuli 76:11

Imwe abantu mutuukirize eri Musengwa Katonda, oyo Katonda waimwe ebyo bye mweyama; imwe abali mu biketezo ebimwezungulwire mwenamwena mumutonere ebirabo, oyo atiibwa abantu boonaboona.

Zabbuli 76:2

Katonda aba Yerusalemu ku lusozi Sioni.

Zabbuli 9:11

Mwembe enhembo edhisaaka Musengwa Katonda atyama mu Sioni; mukobere abamaghanga goonagoona ebyo by'akola.