Ezera 7:14 - Baibuli Ekibono kya Katonda 2014

¹⁴ Nze kyabazinga n'abawi bange ab'amagezi omusanvu, tukutumye oje onoonereze mu Yerusalemu ni mu Buyudaaya, obone oba nga amateeka ga Katonda waimwe agaakugemesebwa, abantu bali kugajiiraku bukalamu.

Ezera 7:14 ပူးပေါင်းရင်းမြစ်များ

Ezera 1:3

Nsaba Katonda abe n'imwe mwenamwena abantu be. Mwidha kuja e Yerusalemu ekiri mu Buyudaaya, muzimbe buyaaka eisinzizo lya Musengwa Katonda, Katonda wa Isiraeli, oyo ni Katonda ali mu Yerusalemu.

Ezera 5:8

“Isebantu kyabazinga, tuli kukumanhisa tuti twaja mu kiketezo eky'e Buyudaaya, twatuuka ku isinzizo lya Katonda oyo omukologho. Twayagaana nga bali kulizimba n'amabaale amabaadhe amanene, nga n'emiti bali kugizimbira mu bimante. Omulimo bali kugukola n'obwegendereza era guli kuja mu maiso.

Ezera 6:12

Nsaba Katonda eyalonda Yerusalemu okuba ekifo eky'okumusinzizangamu, azikirize kyabazinga yeenayeena oba omuntu owundi yeenayeena alikyusaamu ku kiragiro kino, oba okuzikiriza eisinzizo lya Katonda eryo eriri e Yerusalemu. Nze Dario, ninze mpaire ekiragiro kino. Byonabyona bye ndagiire bigwaine bikolebwe n'obwegendereza.”

Ezera 6:8

Ate era ndi kubalagira kye munaakolera abakulembeze ab'Abayudaaya abali kuzimba eisinzizo lya Katonda eryo: Mwidha kubasasulanga mangu era mu bwidhuvu, nga mutoola mu ndyanga ey'obwakyabazinga ku misolo egiva mu kiketezo ekiri ere ng'osomoike omwiga Eufurate.

Ezera 7:15

Oidha kutwala feeza ni zaabu nze kyabazinga n'abawi bange ab'amagezi bye tughaireyo ekyeyendere eri Katonda wa Isiraeli. Ono n'eyasalagho ati eriina lye balisinzizenga mu Yerusalemu.

Ezera 7:28

Ansaasiire yaaleetera kyabazinga okungonza, aghalala n'abawi b'amagezi be, n'abakungu be abandi ab'amaani. Musengwa Katonda wange ampaire amaani, naasoloza abakulembeze mu Isiraeli, baaganha okuja ninze.”

Ezera 8:25

Naapima feeza ni zaabu, n'ebintu kyabazinga n'abawi ab'amagezi be, n'abakungu be, era n'Abaisiraeli boonaboona, bye baaghaayo okukozesebwanga mu isinzizo lya Katonda waife. Byonabyona naabigemya bakabona abo, era nga biri mu buzito buno:

Isaia 8:20

Mubairangamu muti: “Ka twekalangulire ku ebyo Musengwa Katonda bye yatusikirira ni bye yatwegeresa.” Bwenebwene abo abatajiira ku ebyo nga bwe biri, tibalikyesa bwire nga bakaali kufa.

Danieli 2:47

Kyabazinga yaakoba Danieli ati: “Bwenebwene Katonda waimwe n'asinga bakatonda boonaboona era ni Musengwa wa bakyabazinga boonaboona. Oyo n'ayoleka ebyama, kuba iwe osoboire okwinhonhola ekyama ekyo.”

Danieli 6:20

Ng'ali kumpi okutuuka ku kiina ekyo Danieli mwe yali, yaayeta mu mamiro ag'enaku ati: “Wo Danieli, iwe omugheereza wa Katonda omulamu, Katonda wo y'ogheereza n'obwesigwa yasoboire okukuwonia empologoma?”

Danieli 6:26

Ndi kugha ekiragiro nti mu biketezo byonabyona ebiri mu bwakyabazinga bwange, abantu boonaboona batyenga Katonda wa Danieli, bamutengamu ekitiisa. Kuba oyo ni Katonda omulamu, aligho ebyanda n'ebyanda. Obwakyabazinga bwe ghazira asobola kubuzikiriza, n'obukumu bwe tibuliwaagho.

Zekaria 6:10

“Toola ebirabo ebigheereibwayo Heledai ni Tobiya ni Yedaia, abaakaira okuva e Babiloni mu bunhage, omale oje olunaku lwene olwo mu ndhu ya Yosia mutabane wa Zefania.