Ezera 7:12 - Baibuli Ekibono kya Katonda 2014

¹² “Nze Arutazerizesi kyabazinga asinga mu bakyabazinga boonaboona, nkulamwisa iwe Ezera kabona aidhi einho amateeka ga Katonda ow'eigulu.

Ezera 7:12 ပူးပေါင်းရင်းမြစ်များ

1 Bakyabazinga 20:1

Benihadadi, kyabazinga wa Siria, yaasoloza eigye lye lyonalyona, era ni bakyabazinga abandi amakumi asatu na babiri baamweyimbaku, nga bali n'embalaasi n'ebigaali eby'omu lutalo. Agho yaaja, yaazingiza Samaria okukyezunguluza era yaakirwanisa.

1 Bakyabazinga 4:24

Solomoni yafuganga ekiketezo kyonakyona eky'e bugwandhuba bw'omwiga Eufurate, okuva ku Tifusha okutuuka e Gaza, ng'afuga bakyabazinga baamu boonaboona. Era yali mu miraala n'ebiketezo byonabyona ebyali bimwezungulwire.

Ezera 1:2

“Kyabazinga Kuro ow'e Perusia akoba ati: Musengwa Katonda ow'eigulu, yampa obwakyabazinga bwonabwona obw'oku nsi, era ampaire obuvunaanizibwa okumuzimbira eisinzizo e Yerusalemu ekiri mu Buyudaaya.

Ezera 4:17

Kyabazinga yaabairamu mu bughandiike ati: “Ya Rehumu omufuzi, ni Shimushai omughandiisi, ni bakagwa baimwe abandi boonaboona ababa mu Samaria ni mu biketezo ebindi ebiri ere ng'osomoike omwiga Eufurate. Mbalamwisa inho.

Ezera 7:1

Ebyo bwe byawa, mu biseera kyabazinga Arutazerizesi bye yafugiramu Perusia, ghaabaagho omusaadha ng'eriina lye ni Ezera era nga mutabane wa Seraia, Seraia oyo yaaba mutabane wa Azaria, Azaria oyo yaaba mutabane wa Hilikia,

Ezera 7:11

Eno n'embaluwa eyakoopololwa ku ere kyabazinga Arutazerizesi ye yagha Ezera kabona era omunamateeka eyali aidhi einho amateeka n'ebiragiro Musengwa Katonda bye yagha Abaisiraeli:

Ezera 7:6

Ezera oyo yaava mu nsi Babilonia nga munamateeka mulamba eyali aidhi einho amateeka, Musengwa Katonda, Katonda wa Isiraeli ge yagha Musa. Era olw'okuba Musengwa Katonda yabanga ghalala ni Ezera oyo, kyabazinga yaamugha byonabyona bye yamusabanga.

Isaia 10:8

Yeesuuta ati, ‘Kiisi muduumizi wa magye gange yeenayeena, aba kyabazinga mulamba.

Ezekieli 26:7

Era Musengwa Katonda akoba ati: “Bona, ndireeta Nebukadinezzari kyabazinga ow'e Babilonia, kyabazinga asinga mu bakyabazinga boonaboona. Aliidha yaalumba Tiro ng'aviira ku luuyi olw'omukono omugooda olw'e buvandhuba, ng'ali n'eigye einene inho, eririmu embalaasi, n'ebigaali eby'omu lutalo, n'abaisirukale ab'oku mbalaasi.

Danieli 2:37

Iwe Isebantu kyabazinga, niiwe kyabazinga asinga mu bakyabazinga boonaboona. Niiwe Katonda ow'eigulu ye yagha obwakyabazinga, n'obukumu, n'amaani, n'ekitiisa.

Danieli 2:47

Kyabazinga yaakoba Danieli ati: “Bwenebwene Katonda waimwe n'asinga bakatonda boonaboona era ni Musengwa wa bakyabazinga boonaboona. Oyo n'ayoleka ebyama, kuba iwe osoboire okwinhonhola ekyama ekyo.”

1 Timotheo 6:15

Katonda asaakibwa era afuga byonabyona, Kyabazinga wa bakyabazinga era Musengwa wa basengwa, alyoleka okwidha okwo mu kiseera kyakwo ekituufu.

Okwolekebwa 17:14

Balirwanisa Entaama Ento aye eribaghangula ng'eri ghalala n'abo abaginonereza be yayeta, be yalondamu era abeesigwa; kuba Entaama Ento eyo ni Musengwa w'abasengwa era ni Kyabazinga wa bakyabazinga.”

Okwolekebwa 19:16

Ku kivaalo kye ni ku kiteege kye nga kughandiikiibwaku eriina liti: “Kyabazinga wa bakyabazinga era Musengwa w'abasengwa.”