Ezera 7:10 - Baibuli Ekibono kya Katonda 2014

¹⁰ Ezera yeefubirizanga inho okusoma Amateeka ga Musengwa Katonda, n'okugajiiraku, era n'okusomesa ebiragiro ebigalimu mu Isiraeli.

Ezera 7:10 ပူးပေါင်းရင်းမြစ်များ

1 Ebyomubyanda 29:18

Wo Musengwa Katonda wa badhaadha baife, Aburahamu, Isaaka, ni Isiraeli, kuumanga buliidho enkola ey'okwevaamu eri ng'oti n'eyo mu bantu bo, era okuumenga emyoyo gyaibwe nga gigumiire ku iwe.

2 Ebyomubyanda 12:14

Rehoboamu oyo yaakola ebibi, yaaloba kufaayo kujiiranga ku ebyo Musengwa Katonda by'ayenda.

2 Ebyomubyanda 19:3

Aye era iwe okaaliku ebirungi, kuba wasaaniagho mu nsi yo ebifaananie by'omusambwa omukazi Ashera, era waafuba okukolanga ebyo Katonda by'ayenda.”

2 Ebyomubyanda 30:22

Hezekia yaasiima Abalevi abaayoleka obukugu mu kugheereza Musengwa Katonda. Yaayogera nabo ng'abaizaamu amaani. Kale abantu baamala enaku musanvu nga bali kulya ebyali ku kibinuko. Baaghaayo emisengo egy'okutabagana n'egy'okwebaza eri Musengwa Katonda, Katonda wa badhaadha baibwe.

Ezera 7:11

Eno n'embaluwa eyakoopololwa ku ere kyabazinga Arutazerizesi ye yagha Ezera kabona era omunamateeka eyali aidhi einho amateeka n'ebiragiro Musengwa Katonda bye yagha Abaisiraeli:

Ezera 7:25

“Iwe Ezera, ng'okozesa amagezi ga Katonda wo ge yakugha, londa abafuzi n'abalamuzi abanaalamulanga abantu boonaboona abaidhi amateeka ga Katonda wo, abali mu kiketezo ekiri ere ng'osomoike omwiga Eufurate. Era oyegerese amateeka ago abo abatagaidhi.

Ezera 7:6

Ezera oyo yaava mu nsi Babilonia nga munamateeka mulamba eyali aidhi einho amateeka, Musengwa Katonda, Katonda wa Isiraeli ge yagha Musa. Era olw'okuba Musengwa Katonda yabanga ghalala ni Ezera oyo, kyabazinga yaamugha byonabyona bye yamusabanga.

Yobu 11:13

“Yobu, bw'oneenenia mu mwoyo gwo, oidha kusobola okugololera emikono gyo ye Katonda omusabe.

Zabbuli 1:2

Aye ng'asangaalira mu Mateeka ga Musengwa Katonda, era yaagasoma yaageekalirisa omusana n'obwire.

Zabbuli 10:17

Wo Musengwa Katonda, iwe owulirisa okusaba kw'abo abagonvu, era obagumya emyoyo.

Zabbuli 119:112

Nsazeegho okukolanga ng'amateeka go bwe gakoba ekiseera kyonakyona.

Zabbuli 119:45

Era ndidha kutambulanga nga neetaaya, kuba nfuba inho okujiira ku mateeka go ago.

Zabbuli 19:7

Musengwa Katonda yataagho amateeka ge na bwegendereza; gaiza obulamu mu mwoyo oguziriike. Kiisi Musengwa Katonda ky'akoba kyesigika, kifuula azira magezi okuba omugezi.

Zabbuli 57:7

Wo Katonda wange, omwoyo gwange guli ku iwe, era ku iwe wenka! Ndidha kwembanga enhembo edhiwooma!

Malaki 2:7

kuba bakabona omulimo gwaibwe gwa kwegeresa magezi amatuufu agava ye nze Musengwa Katonda Afuga Amagye. Era abantu bandibairenga nga baja ye bakabona abo okugalagirwa bye nhenda bakole.

Matayo 5:19

Kale oyo yeenayeena alimenha ekirala ku biragiro bino ebitonioli, era n'ayegeresa atyo abantu, alyetebwa asembayo mu Bwakyabazinga obw'omu igulu aye oyo abigema era n'abyegeresa, alyetebwa wa kitiisa mu Bwakyabazinga obw'omu igulu.

Matayo 7:24

“Kale buli awulira ebibono byange bino n'abijiiraku afaanana ng'omusaadha omugezigezi eyazimba endhu ye ku lubaale:

Yoanne 13:17

Bino bwe muba mubiidhi, muli ba nkabi bwe mubikola.

Ebikolwa by'Abatume 1:1

Mukagwa Theofilo, mu kitabo ekisooka nayogera ku byonabyona Yesu bye yatoolera okukola n'okwegeresa

Amateeka Agokubiri 16:12

Mufengayo inho okutuukiriza amateeka gano, nga timwerabiire bwe mwali abairu mu Misiri.”

Amateeka Agokubiri 33:10

Baidha kwegeresanga abantu bo ebiragiro byo n'amateeka go. Baidha kuniokezanga obubbaani gh'oli. Baidha kughangayo emisengo egyokebwa ku alutaari yo.

1 Timotheo 3:2

Omulabirizi tateekwa kubaaku ni kye bamwogeraku. Ateekwa okuba n'omukazi mulala, ateekwa okuba nga yeefuga, ataamu amagezi mu by'akola, yeebisa bukalamu, asangaalira abageni, ate aidhi okwegeresa.

2 Timotheo 4:2

Koberanga abantu ekibono, badeebe oba bakisiima oba tibakisiima, bainhonhole, obanenie era obagumye, obeegerese n'obuguminkiriza.

Tito 2:1

Aye iwe yegeresanga ebyo ebiisania n'endhegeresa entuufu.

Tito 2:15

Yegeresanga ebintu bino ng'olamba era ng'onenianga abantu bo n'obuyinza bwonabwona. Ghatabangagho muntu yeenayeena akunhoomanga.

Okwolekebwa 22:14

Ba nkabi abo abaamula ebivaalo byaibwe. Baligheebwa obukumu okulya ebibala eby'omuti ogw'obulamu, era n'okwingira mu kibuga nga babita mu miryango.

1 Samueli 7:3

Agho Samueli yaakoba Abaisiraeli boonaboona ati: “Oba nga mwenda okukyuka okwira ku Musengwa Katonda n'omwoyo gwaimwe gwonagwona, mutoolegho emisambwa egy'amaghanga agandi gyonagyona era mutoolegho n'ebifaananie eby'omusambwa omukazi Ashitarothi. Mwegheereyo irala eri Musengwa Katonda, yenka ye mube mugheereze. Aidha kubawonia Abafilisiti.”