Ezera 6:8 - Baibuli Ekibono kya Katonda 2014

⁸ Ate era ndi kubalagira kye munaakolera abakulembeze ab'Abayudaaya abali kuzimba eisinzizo lya Katonda eryo: Mwidha kubasasulanga mangu era mu bwidhuvu, nga mutoola mu ndyanga ey'obwakyabazinga ku misolo egiva mu kiketezo ekiri ere ng'osomoike omwiga Eufurate.

Ezera 6:8 ပူးပေါင်းရင်းမြစ်များ

Ezera 4:16

Isebantu kyabazinga, abantu abo bwe bairamu okuzimba ekibuga ekyo, n'ebimante byakyo ebikyezungulwire ni babimaliriza, onaaba nga tokaali na kiketezo ky'obala nga kikyo, ere ng'osomoike omwiga Eufurate.”

Ezera 4:23

Embaluwa eyo eyava ye kyabazinga Arutazerizesi bwe baagisomera Rehumu, ni Shimushai omughandiisi, ni banaibwe abandi boonaboona, baasitukiramu baajiiragho y'Abayudaaya e Yerusalemu, baakaka bya ntaka Abayudaaya okulekera okuzimba.

Ezera 5:5

Aye Katonda yaakuuma abakulembeze ab'Abayudaaya, kale abakungu abo ab'e Perusia baaloba kubalobera kuzimba, nga benda bagheereze kyabazinga Dario amawulire ago, era abairemu mu bughandiike memale.

Ezera 6:14

Era abakulembeze b'Abayudaaya baazimba eisinzizo eryo bukalamu. Abalanzi Haggai ni Zekaria mutabane wa Iddo baabaizangamu amaani olw'ebyo bye baalanganga. Baamaliriza okuzimba nga bajiira ku biragiro bya Katonda wa Isiraeli, ni ku kwikirizibwa kwa bakyabazinga, Kuro ni Dario ni Arutazerizesi, ab'e Perusia.

Ezera 6:4

Ekisenge bakizimbe n'enhiriri isatu edh'amabaale amabaadhe amanene, ku ngulu kwago bateeku olunhiriri lw'embaawo lulala. Endyanga ey'obwakyabazinga n'ebe esasulire omulimo ogwo gwonagwona.

Ezera 6:7

Muleke omulimo ogwo gwe bali kukola ku isinzizo lya Katonda eryo guje mu maiso. Muleke omufuzi wa Buyudaaya n'abakulembeze b'Abayudaaya bairemu okuzimba eisinzizo eryo mu kifo kyalyo ghe lyalinga.

Ezera 6:9

Era mughenga bakabona ab'e Yerusalemu, buli lunaku aghazira kukoosaamu, ebintu byonabyona ebineetaagisanga: ente enume entototo, n'entaama enume n'enkazi, bigheebwengayo eri Katonda ow'eigulu, ng'ebigheebwayo ebyokebwa. Era mubaghenga n'engaano, n'omuunhu, n'omwenge ogw'emizabbibu, n'omuzigo ogw'ebibala eby'emiti emyoliva.

Ezera 7:14

Nze kyabazinga n'abawi bange ab'amagezi omusanvu, tukutumye oje onoonereze mu Yerusalemu ni mu Buyudaaya, obone oba nga amateeka ga Katonda waimwe agaakugemesebwa, abantu bali kugajiiraku bukalamu.

Nehemia 11:23

Era kyabazinga yali nga yataagho enkola abembi abo ye baajiirangaku mu kukola omulimo gwaibwe buli lunaku.

Nehemia 2:8

Era naasaba n'embaluwa ntwalire Asafu omukuumi w'ekibira kya kyabazinga, aganhe okumpa emiti egy'okukolamu emiryango egy'ekifo eky'okwewogomamu ekyezungulwire eisinzizo, n'egy'okukolamu emiryango egy'ekimante ekyezungulwire ekibuga, era n'egy'okuzimbamu endhu ye nnaabangamu. Agho kyabazinga yaaganha okunkolera kye namusaba, kuba Katonda wange yali ghalala ninze.

Danieli 6:26

Ndi kugha ekiragiro nti mu biketezo byonabyona ebiri mu bwakyabazinga bwange, abantu boonaboona batyenga Katonda wa Danieli, bamutengamu ekitiisa. Kuba oyo ni Katonda omulamu, aligho ebyanda n'ebyanda. Obwakyabazinga bwe ghazira asobola kubuzikiriza, n'obukumu bwe tibuliwaagho.

Haggai 2:8

Feeza yeenayeena ni zaabu yeenayeena ebiri ku nsi, byange.