Ezera 6:6 - Baibuli Ekibono kya Katonda 2014

⁶ Agho Dario yairamu ng'agheereza obukwenda buno, ati: “Ya Tattenai omufuzi ow'ekiketezo ekiri ere ng'osomoike omwiga Eufurate, ni Shetharibozenai, ni bafuzi banaimwe abali mu kiketezo ekiri ere ng'osomoike omwiga Eufurate ogwo. “Ebigema ku mulimo ogw'okuzimba eisinzizo mubiveeku.

Ezera 6:6 ပူးပေါင်းရင်းမြစ်များ

Amainhama 32:28

Omusaadha yaakoba ati: “Tokaayetebwanga Yakobo, aye onaayetebwanga Isiraeli, kuba otuulaine ni Katonda era n'abantu, waaghangula.”

Amainhama 43:14

Katonda Aghanga Ebintu Byonabyona abagemerwe ekivunika nga muli mu maiso g'omusaadha oyo, omusaadha oyo asobole okubairiza muganda waimwe owundi, ni Benjamini. Nze oba ndi wa kufiirwa baana bange, ndibafiirwa.”

Ezera 4:9

“Eviire wa Rehumu omufuzi, ni Shimushai omughandiisi, ni bakagwa baibwe abandi bano: abalamuzi, abafuzi, n'abantu ab'e Perusia, n'ab'e Ereki, n'ab'e Babilonia, n'ab'e Susa eky'omu nsi y'e Elamu,

Ezera 5:3

Mu kiseera kyene ekyo Tattenai eyafuganga ekiketezo ekiri ere ng'osomoike omwiga Eufurate, ni Shetharibozenai, ni bakagwa baibwe abandi, baidha e Yerusalemu baababuuza bati: “Naani eyabagha obukumu okuzimba eisinzizo lino n'okulimaliriza?”

Ezera 5:6

Eno n'embaluwa Tattenai eyafuganga ekiketezo ekiri ere ng'osomoike omwiga Eufurate, ni Shetharibozenai, ni bakagwa baibwe abandi bwe baafuganga ekiketezo ekiri ere ng'osomoike omwiga Eufurate, ye baagheereza kyabazinga Dario:

Ezera 6:13

Kale Tattenai, omufuzi w'ekiketezo ekiri ere ng'osomoike omwiga Eufurate, ni Shetharibozenai, nga bali ghalala ni bakagwa baibwe, baakolera irala byonabyona nga kyabazinga Dario bwe yalagira.

Ezera 6:7

Muleke omulimo ogwo gwe bali kukola ku isinzizo lya Katonda eryo guje mu maiso. Muleke omufuzi wa Buyudaaya n'abakulembeze b'Abayudaaya bairemu okuzimba eisinzizo eryo mu kifo kyalyo ghe lyalinga.

Nehemia 1:11

Wo Musengwa Katonda, tega kutu wo owulire nze omugheereza wo bye nkusaba, owulire n'eby'abagheereza bo abandi, abasanhukira einho okutya eriina lyo. Nze omugheereza wo nkusaba ompe obughanguzi olwaleero luno, oleetere omusaadha ono okunsaasira.” Mu kiseera ekyo, ninze nagheerezanga kyabazinga eby'okunhwa.

Zabbuli 76:10

Iwe oleetera obusungu obw'abantu okukusaaka obusaake, abo abaliwonagho mu ntalo balikusinza ku nnaku dho edh'ebibinuko.

Ensambo 21:1

Omwoyo gwa kyabazinga guba mu buyinza bwa Musengwa Katonda; agukyukiza buli y'ayenda ng'oti n'omweta ogw'amaadhi.

Ensambo 21:30

Amagezi, n'okutegeera era n'okugalagirwa, byonabyona tibisobola kutakania Musengwa Katonda ni bimusinga.

Isaia 27:8

Musengwa Katonda yabonereza abantu be ng'abatwala mu bunhage. Yabakunguudhia n'empewo ye enkambwe eva e buvandhuba.

Ab'e Roma 8:31

Kale ebyo tunaabikobaku ki? Katonda bw'aba ku luuyi lwaife, aghanga okutulwanisa naani?