Ezera 6:4 - Baibuli Ekibono kya Katonda 2014

⁴ Ekisenge bakizimbe n'enhiriri isatu edh'amabaale amabaadhe amanene, ku ngulu kwago bateeku olunhiriri lw'embaawo lulala. Endyanga ey'obwakyabazinga n'ebe esasulire omulimo ogwo gwonagwona.

Ezera 6:4 ပူးပေါင်းရင်းမြစ်များ

1 Bakyabazinga 6:36

Yaazimba oluya olw'omunda nga lwa myaliiro esatu egy'amabaale, n'omwaliiro mulala ogw'emiti emivule.

Ezera 3:7

Kale baaghaayo empiiya okusasulira abazimbisa amabaale n'ababaadhi. Baagha ab'e Sidoni n'ab'e Tiro emere n'eby'okunhwa, n'omuzigo ogw'ebibala eby'emiti emyoliva, batoole emiti emivule e Lebanoni nga bagiseeyeeyeza ku maadhi bagireete e Yoppa, nga kyabazinga Kuro ow'e Perusia bweyali amaze okubaikiriza.

Ezera 5:8

“Isebantu kyabazinga, tuli kukumanhisa tuti twaja mu kiketezo eky'e Buyudaaya, twatuuka ku isinzizo lya Katonda oyo omukologho. Twayagaana nga bali kulizimba n'amabaale amabaadhe amanene, nga n'emiti bali kugizimbira mu bimante. Omulimo bali kugukola n'obwegendereza era guli kuja mu maiso.

Ezera 6:8

Ate era ndi kubalagira kye munaakolera abakulembeze ab'Abayudaaya abali kuzimba eisinzizo lya Katonda eryo: Mwidha kubasasulanga mangu era mu bwidhuvu, nga mutoola mu ndyanga ey'obwakyabazinga ku misolo egiva mu kiketezo ekiri ere ng'osomoike omwiga Eufurate.

Zabbuli 68:29

ng'oli mu isinzizo lyo e Yerusalemu bakyabazinga ye bakutonerera ebirabo.

Zabbuli 72:10

Bakyabazinga ab'e Tarushishi n'ab'omu bizinga bamutonere ebirabo; ni bakyabazinga ow'e Sheba n'ow'e Seba, boona bamughe ebirabo.

Isaia 49:23

Bakyabazinga balibalabirira imwe ng'oti ni baiseimwe beene, ni bainhebantu ba bakyabazinga abo baabalabirira ng'oti ni bainhaimwe beene.” Balibakubira amakiryaivu, baakutama n'ebyeni byatuuka ku itaka, baakomba enkungu ku bigere byaimwe. Olwo mwamanha nga ninze Musengwa Katonda era mwamanha muti abaneesiga tibaliswazibwa.

Okwolekebwa 12:16

Aye eitaka lyabeera omukazi lyayasama lyamira omwiga ogusota gwe gwali gufuudhie okuva mu kanwa mwagwo.