Ezera 6:3 - Baibuli Ekibono kya Katonda 2014

³ “Mu mwaka ogwasooka nga kyabazinga Kuro n'afuga, kyabazinga Kuro oyo yagha ekiragiro ati, eisinzizo lya Katonda eriri e Yerusalemu bairemu okulizimba, libenga ekifo mwe bagheerayo emisengo n'ebigheebwayo ebyokebwa. Obugungumavu bube mita amakumi abiri na musanvu, n'obugazi bwalyo bwona bube mita amakumi abiri na musanvu.

Ezera 6:3 ပူးပေါင်းရင်းမြစ်များ

2 Ebyomubyanda 2:3

Solomoni yaagheereza Hiramu kyabazinga w'e Tiro obukwenda obukoba buti: “Ka ghabeegho enkolagana ninze nga ye wali nayo ni lata wange Daudi, bwe wamugheerezanga emivule gye yazimbisa ekisaagaati kye eky'obwakyabazinga.

2 Ebyomubyanda 2:6

Aye naani asobola okumuzimbira eisinzizo, ate nga n'eigulu lyene erisingayo okuba ghaigulu tirisobola kumumala kubaamu, waire nga inene okwaga agho? Ninze ani asobola okumuzimbira eisinzizo, okutoolaku okumuteeragho ekifo obufo eky'okumuniokezaamu obubbaani?

2 Ebyomubyanda 36:22

Mu mwaka ogwasooka ogwa kyabazinga Kuro okufuga Perusia, Musengwa Katonda yatuukiriza ekyo kye yayogera ng'abita mu Yeremia omulanzi. Musengwa Katonda oyo yaleetera kyabazinga Kuro oyo okulangirira ekiragiro mu bwakyabazinga bwe bwonabwona, era yaakita mu bughandiike ati:

Ezera 1:1

Mu mwaka ogwasooka ogwa kyabazinga Kuro okufuga Perusia, Musengwa Katonda yatuukiriza ekyo kye yayogera ng'abita mu Yeremia omulanzi. Musengwa Katonda oyo yaleetera kyabazinga Kuro oyo okulangirira ekiragiro mu bwakyabazinga bwe bwonabwona, nga kighandiikiibwa kiti:

Ezera 1:2

“Kyabazinga Kuro ow'e Perusia akoba ati: Musengwa Katonda ow'eigulu, yampa obwakyabazinga bwonabwona obw'oku nsi, era ampaire obuvunaanizibwa okumuzimbira eisinzizo e Yerusalemu ekiri mu Buyudaaya.

Ezera 3:7

Kale baaghaayo empiiya okusasulira abazimbisa amabaale n'ababaadhi. Baagha ab'e Sidoni n'ab'e Tiro emere n'eby'okunhwa, n'omuzigo ogw'ebibala eby'emiti emyoliva, batoole emiti emivule e Lebanoni nga bagiseeyeeyeza ku maadhi bagireete e Yoppa, nga kyabazinga Kuro ow'e Perusia bweyali amaze okubaikiriza.

Ezera 6:14

Era abakulembeze b'Abayudaaya baazimba eisinzizo eryo bukalamu. Abalanzi Haggai ni Zekaria mutabane wa Iddo baabaizangamu amaani olw'ebyo bye baalanganga. Baamaliriza okuzimba nga bajiira ku biragiro bya Katonda wa Isiraeli, ni ku kwikirizibwa kwa bakyabazinga, Kuro ni Dario ni Arutazerizesi, ab'e Perusia.

Zabbuli 122:4

Omwo ebika byonabyona mwe bija, ebika ebyo eby'Abaisiraeli, nga bija okusiima Musengwa Katonda, nga Musengwa Katonda oyo mwene bwe yalagira.

Okwolekebwa 21:16

Endhuyi edh'ekibuga ekyo eina dhaali dhaagayaga, obuleeyi n'obugazi. Agho malaika yaapima ekibuga ekyo n'olupimo lwe, nga kigheza kilomita nkumi ibiri na bina (2,400) obuleeyi, n'obugazi, n'obugungumavu bwakyo nga byagayaga.