Ezera 6:16 - Baibuli Ekibono kya Katonda 2014

¹⁶ Agho Abaisiraeli, ni bakabona, n'Abalevi, n'abantu abandi abaira okuva mu bunhage, baasagamba inho nga batukuza eisinzizo lya Katonda eryo.

Ezera 6:16 ပူးပေါင်းရင်းမြစ်များ

1 Bakyabazinga 8:62

Agho kyabazinga Solomoni ghalala n'Abaisiraeli boonaboona abaali naye, baaghaayo emisengo ye Musengwa Katonda.

1 Bakyabazinga 8:63

Solomoni yaghaayo ente emitwalo ebiri n'enkumi ibiri (22,000) n'entaama emitwalo ikumi n'ebiri (120,000) ng'ekigheebwayo olw'okutabagana. Kale atyo kyabazinga Solomoni n'Abaisiraeli baaghaayo eisinzizo okuba erya Musengwa Katonda.

1 Ebyomubyanda 15:28

Kale batyo Abaisiraeli boonaboona baaleeta Esanduuku y'Endagaano ya Musengwa Katonda nga bali kukuba emizira, eno nga bwe bafuuwa endeka n'amagwala, era nga bwe bakuba n'ebide, n'entongooli, n'endingidi, nga biri kuvuga inho.

1 Ebyomubyanda 9:2

Kale abaasooka okwira mu bibandha byaibwe ni mu bibuga byaibwe, baali abandi ku Baisiraeli ababuliidho, ni bakabona, n'Abalevi, abaagheerezanga mu isinzizo.

2 Ebyomubyanda 29:30

Kyabazinga Hezekia n'abakungu be baalagira Abalevi okwemba enhembo edhisaaka Musengwa Katonda, edhaayiiyizibwa Daudi ni Asafu omulanzi. Baayemba enhembo edhisaaka nga basangaavu, era baakuba amakiryaivu, baasinza.

2 Ebyomubyanda 30:23

Agho boonaboona abaali beesoloiza, baasalagho okumala enaku edhindi musanvu nga bali kukuza ekibinuko ekyo. Kale baamala enaku edhindi musanvu nga bali kukikuza mu kusagamba.

2 Ebyomubyanda 30:26

Era ekibuga Yerusalemu kyaidhula okusagamba, kuba ghaali tighabangaghooku kiri ng'oti n'ekyo, okuva mu biseera bya Solomoni mutabane wa Daudi, kyabazinga wa Isiraeli.

2 Ebyomubyanda 7:5

Kyabazinga Solomoni yaaghaayo ente emitwalo ebiri n'enkumi ibiri (22,000), n'entaama emitwalo ikumi n'ebiri (120,000) ng'emisengo. Kale atyo kyabazinga Solomoni n'abantu boonaboona baatukuza eisinzizo okulighaayo libe erya Katonda.

Ezera 4:1

Agho abazigu ab'abantu b'ekika kya Yuda n'ekya Benjamini baawulira ng'abantu abaava mu bunhage bwe baali bali kuzimba obuyaaka eisinzizo lya Musengwa Katonda, Katonda wa Isiraeli.

Ezera 6:22

Baakola embaga ey'Ekibinuko eky'Emigaati Egitazimbulukusiibwa okumala enaku musanvu nga basagamba kuba Musengwa Katonda yakyusa omwoyo gwa kyabazinga ow'e Assiria, yaamuleetera okuyamba Abaisiraeli abo ku mulimo ogw'okuzimba eisinzizo lya Katonda oyo owa Isiraeli.

Nehemia 12:27

Ekiseera bwe kyatuuka okutukuza ekimante ekyezungulwire ekibuga Yerusalemu, baasoloza Abalevi boonaboona ye baali baba, baidhe beeyimbe mu mukolo ogwo ogw'okusagamba n'okwebaza, nga bemba enhembo era nga bakubiraku ebide, n'entongooli, n'endingidi.

Nehemia 12:43

Ku lunaku olwo baaghaayo emisengo kamaala inho, nga basagamba olw'okuba Katonda yabagha eisanhu lingi inho. Abakazi n'abaana boona baasagamba, era okusanhuka okwali mu Yerusalemu kwatuuka ghala inho okuva agho.

Nehemia 7:73

Kale bakabona n'Abalevi, n'abaigazi b'emiryango, n'abembi, n'abandi ku bantu ababuliidho, n'abagheereza b'omu isinzizo, n'Abaisiraeli abandi, baaja baaba mu bibuga byaibwe. Era omwezi ogwomusanvu okuja okutuuka ng'Abaisiraeli abandi boonaboona bali mu bibuga byaibwe.

Nehemia 8:10

Buti mwireyo ewaimwe, mulye ebisavu, munhwe omwenge ogw'emizabbibu oguwooma einho, era mugabireku n'abo abazira ghe batoola kuba olunaku lwa Musengwa Katonda waife luno lutukuvu. Agho ni mutanakughala, kuba eisanhu Musengwa Katonda ly'abagha imwe, n'eribaleetera okuba ab'amaani.”

Zabbuli 122:1

Nasangaala inho bwe bankoba bati: “Tuje mu ndhu ya Musengwa Katonda.”

Danieli 5:13

Agho baaleeta Danieli mu maiso ga kyabazinga. Kyabazinga yaamubuuza ati: “Niiwe Danieli, owundi ku bantu lata wange kyabazinga be yanhaga e Buyudaaya n'abaleeta eno?

Yoanne 10:22

Ekibinuko eky'Okwidhukira Okutukuza Eisinzizo mu Yerusalemu bwe kyatuuka, ebiseera byali bya kiinhogogo.

Amateeka Agokubiri 12:7

Eyo, nga muli mu maiso ga Musengwa Katonda waimwe, imwe n'ab'omu maka gaimwe ye mwidha okuliiranga n'okusagambiranga, olw'ebyo byonabyona bye munaabanga nga mukoze nga Musengwa Katonda oyo abaghaire enkabi.

Ab'e Filippi 4:4

Buliidho musagambirenga mu Musengwa. Era kabiri nkiiramu nti Musagambe!