Ezera 6:12 - Baibuli Ekibono kya Katonda 2014

¹² Nsaba Katonda eyalonda Yerusalemu okuba ekifo eky'okumusinzizangamu, azikirize kyabazinga yeenayeena oba omuntu owundi yeenayeena alikyusaamu ku kiragiro kino, oba okuzikiriza eisinzizo lya Katonda eryo eriri e Yerusalemu. Nze Dario, ninze mpaire ekiragiro kino. Byonabyona bye ndagiire bigwaine bikolebwe n'obwegendereza.”

Ezera 6:12 ပူးပေါင်းရင်းမြစ်များ

1 Bakyabazinga 9:3

Yaamukoba ati: “Mpuliire by'onsabye ng'oneeghemba agho mu maiso gange. Ntukwiza eisinzizo lino ly'onzimbiire, libe ery'okunsinzizangamu enaku dhoonadhoona. Ndidha kulikuumanga obutatemya enaku dhoonadhoona.

2 Ebyomubyanda 7:16

kuba mpegaano ntukwiza eisinzizo lino, libe ery'okunsinzizangamu enaku dhoonadhoona. Ndidha kulikuumanga obutatemya enaku dhoonadhoona.

Ezera 6:13

Kale Tattenai, omufuzi w'ekiketezo ekiri ere ng'osomoike omwiga Eufurate, ni Shetharibozenai, nga bali ghalala ni bakagwa baibwe, baakolera irala byonabyona nga kyabazinga Dario bwe yalagira.

Ezera 6:14

Era abakulembeze b'Abayudaaya baazimba eisinzizo eryo bukalamu. Abalanzi Haggai ni Zekaria mutabane wa Iddo baabaizangamu amaani olw'ebyo bye baalanganga. Baamaliriza okuzimba nga bajiira ku biragiro bya Katonda wa Isiraeli, ni ku kwikirizibwa kwa bakyabazinga, Kuro ni Dario ni Arutazerizesi, ab'e Perusia.

Ezera 7:15

Oidha kutwala feeza ni zaabu nze kyabazinga n'abawi bange ab'amagezi bye tughaireyo ekyeyendere eri Katonda wa Isiraeli. Ono n'eyasalagho ati eriina lye balisinzizenga mu Yerusalemu.

Ezera 7:17

“Oidha kukozesa empiiya edho n'obwegendereza ogule ente enume, n'entaama enume, n'entaama ento. Oguleku n'ebigheebwayo eby'emere ey'empeke ebijiiraku, n'ebigheebwayo eby'okunhwa ebijiiraku. Ebintu ebyo mwidha kubigheerayo ku alutaari ey'omu isinzizo lya Katonda eri e Yerusalemu.

Ezera 7:26

Oyo yeenayeena anaadheemeranga amateeka ga Katonda wo oba aga kyabazinga, abonerezebwenga ng'amateeka bwe galagira: aitibwenga, oba atwalibwenga mu bunhage bamusibire eyo, oba bamugemengaku ebintu bye, oba bamusibenga mu ikomera.”

Zabbuli 5:10

Wo Katonda, basalire omusango gubasinge amagezi gaibwe geene n'agabe gabasuule. Babinge gh'oli olw'ebibi byaibwe kamaala, era n'olw'okukudheemera.

Okuvaayo 20:24

Nzimbira alutaari ey'eitaka era ogheereyo ku alutaari okwo entaama, oba embuzi, oba ente, ng'ekigheebwayo ekyokebwa, era n'ekigheebwayo olw'okutabagana. Mu kifo kyonakyona kye nnaasalangagho okunsinzizaamu, ndidha kwidhanga nkughe enkabi.

Omulangirizi 9:10

Buli mulimo gw'okola gukolenga na maani, kuba eyo e magombe y'olija ezira kukola oba okubaayo okulowooza, era ezira kumanha waire okubaayo amagezi.

Isaia 60:12

Aye eighanga n'obwakyabazinga ebiriroba okukugheereza, biryonoonebwayonoonebwa era byasaanizibwagho irala.

Obadia 1:10

“Edomu, oidha kuzikirizibwa era onhoomebwenga ebyanda n'ebyanda; kuba wanhaga ebintu eby'aboluganda bo, ab'enda ya Yakobo, era waabaita.

Ebikolwa by'Abatume 9:5

Yairamu ati: “Niiwe ani Musengwa?” Yaakoba ati: “Ninze Yesu y'okiriga.

Amateeka Agokubiri 12:11

Musengwa Katonda waimwe alirondagho ekifo eky'okumusinzizangamu. Eyo ye munaatwalanga ebyo byonabyona bye mbalagiire: ebigheebwayo byaimwe ebyokebwa, n'emisengo gyaimwe, n'ekintu ekirala kye mughaayo ku buli bintu eikumi bye mufuna, n'ebigheebwayo byaimwe ebindi bye mughaayo, n'ebyo ebigheebwayo olw'okutuukiriza obweyamo bwaimwe ye Musengwa Katonda.

Amateeka Agokubiri 12:5

Mu biketezo by'ebika byaimwe byonabyona, Musengwa Katonda waimwe aidha kulondamu ekifo kirala, abantu ye banaajanga mu maiso ge okumusinza.

Amateeka Agokubiri 16:2

Mwidha kujanga mu kifo Musengwa Katonda ky'aliba ng'alonzeegho okumusinzizangamu, mugheerengayo eyo omusengo ogw'Ekibinuko eky'Okwidhukiriraku Okubitizibwa, nga mwita ku nte dhaimwe, oba ku ntaama dhaimwe, oba ku mbuzi dhaimwe.