Ezera 6:10 - Baibuli Ekibono kya Katonda 2014

¹⁰ Olwo baghengayo eri Katonda ow'eigulu emisengo gy'asiima, era bansabirenga nze kyabazinga n'eizaire lyange.

Ezera 6:10 ပူးပေါင်းရင်းမြစ်များ

Amainhama 8:21

Musengwa Katonda yaawunhiza akawoowo, yaasangaala, yaakoba mule ati: “Tikairayo kukolima nsi kabiri olw'omuntu by'akola, kuba omwoyo gwe gwidhwire bubi bwereere okuva mu buto bwe. Tikairayo kabiri kuzikiriza bintu biramu byonabyona nga bwe nkoze.

Ezera 1:2

“Kyabazinga Kuro ow'e Perusia akoba ati: Musengwa Katonda ow'eigulu, yampa obwakyabazinga bwonabwona obw'oku nsi, era ampaire obuvunaanizibwa okumuzimbira eisinzizo e Yerusalemu ekiri mu Buyudaaya.

Ezera 6:9

Era mughenga bakabona ab'e Yerusalemu, buli lunaku aghazira kukoosaamu, ebintu byonabyona ebineetaagisanga: ente enume entototo, n'entaama enume n'enkazi, bigheebwengayo eri Katonda ow'eigulu, ng'ebigheebwayo ebyokebwa. Era mubaghenga n'engaano, n'omuunhu, n'omwenge ogw'emizabbibu, n'omuzigo ogw'ebibala eby'emiti emyoliva.

Ezera 7:23

Ekintu kyonakyona Katonda ow'eigulu ky'alagira kigwaine kikolebwenga mu bwidhuvu olw'eisinzizo lya Katonda oyo ow'eigulu. Olwo Katonda oyo alobe kunsungughalira, waire okusungughalira abo abalinsikira ku bufuzi.

Okuvaayo 12:32

Mutwale entaama dhaimwe, n'embuzi, n'ente, mugolole. Mbasaba zeena munsabire enkabi.”

Yeremia 29:7

Mukolerere obulungi obw'ebibuga ye nabasindika mu bunhage. Mubisabirenga ye ndi, ebintu bisobole okubijiiranga obukalamu, olwo mwena ebintu biidha kubajiiranga bukalamu.

Danieli 2:46

Agho kyabazinga Nebukadinezzari yaakuba amakiryaivu, yaakutama n'ekyeni kyatuuka ku itaka, yaasaaka inho Danieli. Era yaalagira bagheeyo ebigheebwayo, n'obubbaani, eri Danieli.

Abalevi 1:13

Aye byenda n'ebibbonge binaanaazibwanga n'amaadhi. Agho kabona anaayokeranga byonabyona ku alutaari, ng'ekigheebwayo ekyokebwa n'omuliro. Akawoowo kaakyo kasangaaza Musengwa Katonda.

Abalevi 1:9

Aye ebyenda n'ebibbonge binaanaazibwanga n'amaadhi. Agho kabona anaayokeranga byonabyona ku alutaari, ng'ekigheebwayo ekyokebwa n'omuliro. Akawoowo kaakyo kasangaaza Musengwa Katonda.

Ab'Efeso 5:2

Era mugonzanienga nga Kurisito bwe yatugonza ni yeeghaayo ye Katonda ku lwaife ng'ekigheebwayo era ng'omusengo oguwunha akawoowo.