Ezera 5:7 - Baibuli Ekibono kya Katonda 2014

⁷ “Ya kyabazinga Dario. Emiraala gibenga n'iwe.

Ezera 5:7 ပူးပေါင်းရင်းမြစ်များ

Ezera 4:17

Kyabazinga yaabairamu mu bughandiike ati: “Ya Rehumu omufuzi, ni Shimushai omughandiisi, ni bakagwa baimwe abandi boonaboona ababa mu Samaria ni mu biketezo ebindi ebiri ere ng'osomoike omwiga Eufurate. Mbalamwisa inho.

Ezera 5:6

Eno n'embaluwa Tattenai eyafuganga ekiketezo ekiri ere ng'osomoike omwiga Eufurate, ni Shetharibozenai, ni bakagwa baibwe abandi bwe baafuganga ekiketezo ekiri ere ng'osomoike omwiga Eufurate, ye baagheereza kyabazinga Dario:

Ezera 5:8

“Isebantu kyabazinga, tuli kukumanhisa tuti twaja mu kiketezo eky'e Buyudaaya, twatuuka ku isinzizo lya Katonda oyo omukologho. Twayagaana nga bali kulizimba n'amabaale amabaadhe amanene, nga n'emiti bali kugizimbira mu bimante. Omulimo bali kugukola n'obwegendereza era guli kuja mu maiso.

Danieli 3:9

Baakoba kyabazinga Nebukadinezzari bati: “Isebantu kyabazinga, ghangaala byanda na byanda!

Danieli 4:1

Buno n'obukwenda kyabazinga Nebukadinezzari bwe yagheereza eri abantu boonaboona ab'omu nsi yoonayoona, abava mu maghanga goonagoona, era aboogera enimi dhoonadhoona: “Emiraala gyeyongerenga okuba mu imwe.

Danieli 6:21

Danieli yaamwiramu ati: “Isebantu kyabazinga, ghangaala byanda na byanda!

Yoanne 14:27

“Mbalekeire emiraala, emiraala gyange gyene gye mbaghaire ate tigibaghaire ng'ensi bw'egigaba. Muteeraliikirira mu myoyo gyaimwe waire okutya.

2 Ab'e Thessalonika 3:16

Musengwa omugabi w'emiraala, mwene abaghenga emiraala buliidho era ni mu buli nsambo. Musengwa abenga n'imwe mwenamwena.