Ezera 5:3 - Baibuli Ekibono kya Katonda 2014

³ Mu kiseera kyene ekyo Tattenai eyafuganga ekiketezo ekiri ere ng'osomoike omwiga Eufurate, ni Shetharibozenai, ni bakagwa baibwe abandi, baidha e Yerusalemu baababuuza bati: “Naani eyabagha obukumu okuzimba eisinzizo lino n'okulimaliriza?”

Ezera 5:3 ပူးပေါင်းရင်းမြစ်များ

Ezera 1:3

Nsaba Katonda abe n'imwe mwenamwena abantu be. Mwidha kuja e Yerusalemu ekiri mu Buyudaaya, muzimbe buyaaka eisinzizo lya Musengwa Katonda, Katonda wa Isiraeli, oyo ni Katonda ali mu Yerusalemu.

Ezera 4:12

“Isebantu kyabazinga, tuli kukumanhisa tuti Abayudaaya abaidha eno nga baviire eyo iwe y'oli, baamala baaja Yerusalemu. Era bali kuzimba buyaaka ekibuga ekyo eky'abantu abadheemu era abakozi ab'ebibi bali kwizaagho omusingi n'ebimante byakyo. Bali kumpi na kumaliriza.

Ezera 4:9

“Eviire wa Rehumu omufuzi, ni Shimushai omughandiisi, ni bakagwa baibwe abandi bano: abalamuzi, abafuzi, n'abantu ab'e Perusia, n'ab'e Ereki, n'ab'e Babilonia, n'ab'e Susa eky'omu nsi y'e Elamu,

Ezera 5:6

Eno n'embaluwa Tattenai eyafuganga ekiketezo ekiri ere ng'osomoike omwiga Eufurate, ni Shetharibozenai, ni bakagwa baibwe abandi bwe baafuganga ekiketezo ekiri ere ng'osomoike omwiga Eufurate, ye baagheereza kyabazinga Dario:

Ezera 5:9

“Agho twabuuza abakulembeze b'abantu tuti, ‘Naani eyabagha obukumu okuzimba eisinzizo lino n'okulimaliriza’?

Ezera 6:13

Kale Tattenai, omufuzi w'ekiketezo ekiri ere ng'osomoike omwiga Eufurate, ni Shetharibozenai, nga bali ghalala ni bakagwa baibwe, baakolera irala byonabyona nga kyabazinga Dario bwe yalagira.

Ezera 6:6

Agho Dario yairamu ng'agheereza obukwenda buno, ati: “Ya Tattenai omufuzi ow'ekiketezo ekiri ere ng'osomoike omwiga Eufurate, ni Shetharibozenai, ni bafuzi banaimwe abali mu kiketezo ekiri ere ng'osomoike omwiga Eufurate ogwo. “Ebigema ku mulimo ogw'okuzimba eisinzizo mubiveeku.

Ezera 7:21

“Era nze kyabazinga Arutazerizesi ndi kugha ekiragiro abaghanika ab'ebiketezo Siria ni Foenikia, nti Ezera kabona eyasoma n'akuguka mu Mateeka ga Katonda ow'eigulu, bamughenga buli kintu kyonakyona ky'anaasabanga bakimukolerenga, aghazira kwegemya nsonga yoonayoona.

Haggai 1:1

Mu mwaka ogwokubiri nga Dario ni kyabazinga w'e Perusia, ku lunaku olusooka mu mwezi ogwomukaaga, Musengwa Katonda yaagha Haggai omulanzi obukwenda. Haggai oyo ng'ali n'okutwala obukwenda obwo abukobere Zerubbabeli mutabane wa Shealutieli era omufuzi wa Buyudaaya, ni Yoshua mutabane wa Yehozadaki era omukulu wa bakabona.

Matayo 21:23

Agho Yesu yaidha mu isinzizo, era bwe yali ayegeresa Bakabona Abakulu n'abakulu ab'ebika baaseeta gh'ali baamukoba bati: “Buyinza ki obukukoza bino, era naani eyakugha obuyinza obwo?”

Ebikolwa by'Abatume 4:7

Bwe baamala okubeemereza ghagati, baababuuza bati: “Maani g'ani ge mukozesa, era naani eyabagha okukola ekyo?”