Ezera 5:12 - Baibuli Ekibono kya Katonda 2014

¹² Aye badhaadha baife baasungughaza Katonda oyo ow'eigulu, yaaleetera Nebukadinezzari eyali kyabazinga w'Abakaladea e Babilonia okubagema, yaabatwala mu nsi Babilonia eyo nga banhage, era n'eisinzizo lino yaalizikiriza.

Ezera 5:12 ပူးပေါင်းရင်းမြစ်များ

2 Bakyabazinga 24:2

Agho Musengwa Katonda yaasindika ebikunsu eby'abalwani Abakaladea, n'eby'Abasiria, n'eby'Abamoabu, n'eby'Abammoni, baidha okulumba Yehoiakimu, bazikirize Buyudaaya nga Musengwa Katonda bwe yakoba ng'abita mu bagheereza be abalanzi.

2 Bakyabazinga 25:1

Ku lunaku olweikumi, mu mwezi ogweikumi, mu mwaka ogwomwenda nga Zedekia n'afuga Buyudaaya, kyabazinga Nebukadinezzari ow'e Babilonia yaidha n'eigye lyonalyona okulumba ekibuga Yerusalemu. Baakizingiza era baakibungaku emungo ey'eitaka ey'okuniiniraku okukirwanisa.

2 Ebyomubyanda 36:20

Yaatoola abo abaawonagho mu lutalo, yaabatwala e Babilonia. Baabanga eyo nga bamugheereza era baamala baagheereza n'abaamwiririra ng'aviiregho, okutuusa obwakyabazinga obw'e Perusia bwe bwaidhagho.

Zabbuli 106:40

Agho obusungu bwa Musengwa Katonda bwatumbukira ku bantu be abo ng'oti muliro, Musengwa Katonda oyo yaatuuka okwesinwa abantu be abo beene be yeerondera.

Isaia 47:6

Nasungughalira abantu bange, naababisa ng'oti tibakaali bange. Naabakugha okubafuga, waaloba kubasaasiraku naire. N'abakaire boona waabafugisa bukambwe.

Yeremia 5:29

Musengwa Katonda akoba ati: “Nsobola ntya obutabonereza bantu abo olw'okukola ebintu ebyo? Era nsobola ntya obuteesasuuliza ku ighanga eryo?

Yeremia 51:59

Omugheereza wa kyabazinga Zedekia eyamulabiriranga nga tamuvaaku, baamwetanga Seraia, nga mutabane wa Neria era nga mwidhukulu wa Mahaseia. Mu mwaka ogwokuna nga Zedekia ni kyabazinga wa Buyudaaya, Seraia oyo bwe yali ng'ali kuja e Babilonia ni Zedekia oyo, nze Yeremia naabaaku bye namulagira.

Yeremia 52:12

Ku lunaku olweikumi mu mwezi ogwokutaanu, mu mwaka ogweikumi n'omwenda (19) nga kyabazinga Nebukadinezzari n'afuga Babilonia, omukungu akulira abakuumi ba kyabazinga w'e Babilonia ayetebwa Nebuzaradani, yaidha e Yerusalemu.

Danieli 9:5

“Ife twakola ensobi, twayonoona, era twakola ebibi. Twadheema, era twakyuka twava ku mateeka go, ni ku by'otulagira.

Amateeka Agokubiri 31:17

Olwo ndibasungughalira, naabalekulira agho era naabeegisaaku, baazikirizibwa. Ebizibu n'okudaazibwadaazibwa okungi biribaidhira. Olwo baategeera ng'ebyo byonabyona bibatuuseeku, lwa kuba nze Katonda waibwe tikaali ghalala nabo.

Amateeka Agokubiri 32:30

Omulwani omulala yandibinze atya abalwani olukumi (1,000), n'abalwani ababiri ni balumusa omutwalo; okutoolaku nga bwenebwene omulwanirizi waibwe ow'amaani abalekuliire agho, nga Musengwa Katonda waibwe oyo yaabavaaku?

Abalamuzi 2:14

Kale obusungu bwa Musengwa Katonda bwatumbukira ku Baisiraeli ng'oti muliro, era yaabaghaayo mu ngalo dh'abanhazi, baabanhagaku ebyaibwe. Yaaleka abazigu baibwe abaali nga babeezungulwire baabaghangula. Olwo Abaisiraeli baaba nga tibakaaghanga kwerwanaku.

Abalamuzi 4:2

Agho yaabaleka baaghangulwa kyabazinga Yabini ow'e Kanaani, eyafugiranga mu kibuga Hazori. Omuduumizi w'eigye lye yali nga ni Sisera, ng'aba mu Haroshethi Hagoyiimu.

Abalamuzi 6:1

Agho Abaisiraeli kabiri baayonoona ye Musengwa Katonda. Musengwa Katonda yaaleka Abamidia okubafuga okumala emyaka musanvu.