Ezera 5:11 - Baibuli Ekibono kya Katonda 2014

¹¹ “Baatwiramu bati, ‘Ife tuli bagheereza ba Katonda ow'eigulu n'ensi. Tuli kuzimba buyaaka eisinzizo kyabazinga wa Isiraeli eyali omukologho lye yazimba n'alimaliriza, buti ghabiseegho emyaka kamaala.

Ezera 5:11 ပူးပေါင်းရင်းမြစ်များ

Amainhama 24:3

Nhenda olayire mu liina lya Musengwa Katonda, oyo Katonda ow'eigulu n'ensi, oti tolifunira mwana wange mukazi ava mu bantu ba ghano mu Kanaani, be mbaamu.

1 Bakyabazinga 6:38

Mu mwezi ogwomunaana ogwetebwa Buli, mu mwaka ogweikumi n'omulala ogw'obufuzi bwa Solomoni, eisinzizo eryo lyonalyona lyawa okuzimbibwa, ng'entegeka yaalyo bweyali. Solomoni lyamutwalira emyaka musanvu okulizimba.

1 Bakyabazinga 9:10

Agho emyaka amakumi abiri Solomoni gye yazimbiramu ebizimbe byombi, eisinzizo n'ekisaagaati kye eky'obwakyabazinga, bwe gyawaaku,

Ezera 5:10

Era twababuuza n'amaina gaibwe, tusobole okukukobera abantu abakulira omulimo ogwo.

Zabbuli 119:46

By'okoba byonabyona ndidha kubikoberanga bakyabazinga, nga ghazira kingemya nsoni.

Zabbuli 136:26

Musiime Katonda ow'eigulu; okugonza kwe tikukoma, kubaagho byanda na byanda.

Danieli 3:26

Agho Nebukadinezzari yaaseeta kumpi n'olwigi olw'ekikoomi ekiri kugeigera omuliro, yaayeta ati: “Shaduraka, Meshaki, ni Abedinego, imwe abagheereza ba Katonda Ali Ghaigulu Yeene, mufulume mwidhe ghano.” Era Shaduraka, ni Meshaki, ni Abedinego, baafuluma mu muliro.

Yona 1:9

Yaabairamu ati: “Nze ndi Muheburayi. Nsinza Musengwa Katonda, Katonda ow'eigulu, eyakola enhandha n'obukalu.”

Matayo 10:32

“Kale, kiisi ayatula mu maiso ag'abantu ati wange, nze zeena ndikobera Lata wange ali mu igulu nti wange.

Luka 12:8

“Aye ka mbakobere: Oyo yeenayeena ayatula mu maiso ag'abantu ati wange, yeena Omwana w'Omuntu alimwatula mu maiso ga bamalaika ba Katonda

Ebikolwa by'Abatume 27:23

kuba obwire obwabise malaika wa Katonda wange ye mpeereza yayemereire ghe ndi

Ab'e Roma 1:16

Amawulire Amalungi tigangemya nsoni, kuba n'amaani ga Katonda agalokola buli aikiriza, okusookera ku Bayudaaya memale oizeeku abamaghanga agandi.

Ab'e Roma 6:16

Timwidhi nga bwe mweghaayo ng'abairu abawulize, muba bairu b'ekyo kye mugondera? Bwe mutaba bairu ba kibi ekireeta okufa, muba bairu ba buwulize obubaleetera okuba abatuukirivu ye Katonda.

Ab'e Galatia 6:14

Aye nze neesuuta lwa musalaba gwa Musengwa waife Yesu Kurisito gwonka kuba ku musalaba okwo ensi ngibona nga kwe yakomererwa, yoona yambona nga kwe nakomererwa.

Yoshua 24:15

Aye oba nga timuli beetegefu kugheereza Musengwa Katonda, musalegho olwaleero luno ye munaagheerezanga: oba musalagho kugheereza bakatonda badhaadha baimwe be baasinzanga nga bakaali eruuyi ere ng'osomoike omwiga, oba bakatonda ab'Abamori abaali beene kiketezo kino buti ghe muli. Aye nze ku lwange n'ab'endhu yange twidha kugheerezanga Musengwa Katonda.”