Ezera 5:1 - Baibuli Ekibono kya Katonda 2014

¹ Agho abalanzi babiri, Haggai ni Zekaria mutabane wa Iddo, baalanga eri Abayudaaya abaali mu Buyudaaya ni mu Yerusalemu, nga babita mu liina lya Katonda wa Isiraeli eyabalabiriranga.

Ezera 5:1 ပူးပေါင်းရင်းမြစ်များ

Ezera 4:24

Kale omulimo ogwali guli kukolebwa e Yerusalemu ku isinzizo lya Katonda baagwemereza, okutuusa mu mwaka ogwokubiri ogw'obufuzi bwa kyabazinga Dario ow'e Perusia.

Ezera 6:14

Era abakulembeze b'Abayudaaya baazimba eisinzizo eryo bukalamu. Abalanzi Haggai ni Zekaria mutabane wa Iddo baabaizangamu amaani olw'ebyo bye baalanganga. Baamaliriza okuzimba nga bajiira ku biragiro bya Katonda wa Isiraeli, ni ku kwikirizibwa kwa bakyabazinga, Kuro ni Dario ni Arutazerizesi, ab'e Perusia.

Mika 5:4

Aja kufuga abantu be mu maani ga Musengwa Katonda, era Musengwa Katonda oyo amufuule okuba kyabazinga omukologho. Abantu be baja kuba n'emiraala, kuba ensi yoonayoona eja kumubona nga mukologho.

Haggai 1:1

Mu mwaka ogwokubiri nga Dario ni kyabazinga w'e Perusia, ku lunaku olusooka mu mwezi ogwomukaaga, Musengwa Katonda yaagha Haggai omulanzi obukwenda. Haggai oyo ng'ali n'okutwala obukwenda obwo abukobere Zerubbabeli mutabane wa Shealutieli era omufuzi wa Buyudaaya, ni Yoshua mutabane wa Yehozadaki era omukulu wa bakabona.

Haggai 1:3

Agho Musengwa Katonda yaamala yaayogera ng'abita mu Haggai omulanzi, ati:

Haggai 2:18

Olwaleero n'olunaku olwamakumi abiri n'eina olw'omu mwezi ogwomwenda, lwe mumaliireku okutaagho omusingi ogw'eisinzizo lyange. Kale ni mulowooze ku binaabaagho okuva olwaleero n'okweyongerayo.

Zekaria 8:9

“Mugume imwe abali kuwulira mpegaano ebibono bino abalanzi bye baakoba, mu biseera abazimbi bye baateeragho omusingi ogw'eisinzizo lyange, nga lija okwiramu okuzimbibwa.