Ezera 4:4 - Baibuli Ekibono kya Katonda 2014

⁴ Agho abantu abaali baba mu kiketezo ekyo baagezaaku okumala mu Bayudaaya amaani nga babatiisatiisa, balekere okuzimba.

Ezera 4:4 ပူးပေါင်းရင်းမြစ်များ

2 Samueli 4:1

Ishiboshethi mutabane wa Saulo bwe yawulira nga Abuneri bamwitiire e Heburoni, yaawaamu amaani n'Abaisiraeli boonaboona baasoberwa inho.

Ezera 3:3

Baazimba alutaari eyo mu kifo kye yalimu mu kusooka, waire nga baali batya abantu be baayagaana nga n'ababa mu biketezo ebyo. Era baaghangayo eri Musengwa Katonda, ebigheebwayo ebyokebwa ku alutaari eyo, buli nkyo n'eigulo.

Ezera 4:5

Baaguliriranga abafuzi babatabuletabule mu kigendererwa kyaibwe ekyo. Ekyo baakikola ekiseera kyonakyona Kuro kye yamala nga ni kyabazinga w'e Perusia, n'okutuusa mu biseera Daria mwe yabeera kyabazinga w'e Perusia.

Nehemia 4:11

Abazigu baife beekobaana bati: “Tibaidha kumanha era tibaidha kubona, okutuusa bwe tunaabatuukamu ni tubaita, ni tulekeza omulimo ogw'okuzimba okuja mu maiso.”

Nehemia 4:2

Yaayogera ng'ali ghalala ni baine, n'eigye lya Samaria, yaakoba ati: “Katyo bano Abayudaaya abadoofu bali kugezaaku kukola ki? Basuubira okwizaagho ebintu nga bwe byali? Obwo basuubira kughaayo misengo? Obwo omulimo Banaagumala mu lunaku lulala? Obwo banaaghanga okutoola amabaale agaayonoonebwa omuliro mu mmungo edh'ebikaba, bairamu okugazimbisa?”

Nehemia 6:9

Baali bali kugezaaku bwa kututiisa nga badhuuba bati ekyo kinaatunafuya, twalekera agho okukola. Aye naasaba nti: “Wo Katonda wange nhongera amaani.”

Yeremia 38:4

Agho abakungu baaja ye kyabazinga, baamukoba bati: “Omusaadha ono bamwite bwite, kuba ensambo y'ali kwogeramu emala mu baisirukale amaani abali mu kibuga kino, era n'abantu abandi abakaasigaire mu kibuga kino. Tali kukolerera bulungi bwa bantu bano, aye ali kubaitaitana bwitaitane.”

Danieli 10:13

Malaika omukuumi w'obwakyabazinga bw'e Perusia yamala enaku amakumi abiri na lulala (21) nga tali kunganha kwidha, okutuusa Mikaeli owundi ku bamalaika abakulu bwe yaidha n'anhamba. Naamala naamulekayo eyo ng'ali ghalala ni bakyabazinga b'e Perusia.

Danieli 10:20

Yambuuza ati: “Oidhi lwaki ndidhie y'oli? Mperaano ndidha kwirayo okulwanisa malaika omukuumi w'obwakyabazinga bw'e Perusia. Bwendimala okumughangula, olwo malaika omukuumi w'ensi Bugureki aliidha.