Ezera 4:24 - Baibuli Ekibono kya Katonda 2014

²⁴ Kale omulimo ogwali guli kukolebwa e Yerusalemu ku isinzizo lya Katonda baagwemereza, okutuusa mu mwaka ogwokubiri ogw'obufuzi bwa kyabazinga Dario ow'e Perusia.

Ezera 4:24 ပူးပေါင်းရင်းမြစ်များ

Ezera 3:8

Mu mwezi ogwokubiri ogw'omwaka ogwokubiri nga bamaze okutuuka mu kifo aghaali eisinzizo lya Katonda e Yerusalemu, Zerubbabeli mutabane wa Shealutieli ni Yeshua mutabane wa Yozadaki, beeyimba ku Baisiraeli banaibwe, bakabona, Abalevi, ni boonaboona abaira e Yerusalemu nga baava mu bunhage. Agho baatoolera omulimo ogw'okuzimba. Baalonda Abalevi abaali bagheziiza emyaka amakumi abiri egy'obukulu n'okusingagho, balabirirenga omulimo ogwo ogw'okwiramu okuzimba eisinzizo lya Musengwa Katonda.

Ezera 4:23

Embaluwa eyo eyava ye kyabazinga Arutazerizesi bwe baagisomera Rehumu, ni Shimushai omughandiisi, ni banaibwe abandi boonaboona, baasitukiramu baajiiragho y'Abayudaaya e Yerusalemu, baakaka bya ntaka Abayudaaya okulekera okuzimba.

Ezera 4:5

Baaguliriranga abafuzi babatabuletabule mu kigendererwa kyaibwe ekyo. Ekyo baakikola ekiseera kyonakyona Kuro kye yamala nga ni kyabazinga w'e Perusia, n'okutuusa mu biseera Daria mwe yabeera kyabazinga w'e Perusia.

Ezera 5:1

Agho abalanzi babiri, Haggai ni Zekaria mutabane wa Iddo, baalanga eri Abayudaaya abaali mu Buyudaaya ni mu Yerusalemu, nga babita mu liina lya Katonda wa Isiraeli eyabalabiriranga.

Ezera 5:5

Aye Katonda yaakuuma abakulembeze ab'Abayudaaya, kale abakungu abo ab'e Perusia baaloba kubalobera kuzimba, nga benda bagheereze kyabazinga Dario amawulire ago, era abairemu mu bughandiike memale.

Ezera 6:1

Agho kyabazinga Dario yaagha ekiragiro banoonereze mu bighandiiko eby'ebyafaayo eby'obwakyabazinga ebyali mu materekero g'ebitabo mu nsi Babilonia.

Ezera 6:14

Era abakulembeze b'Abayudaaya baazimba eisinzizo eryo bukalamu. Abalanzi Haggai ni Zekaria mutabane wa Iddo baabaizangamu amaani olw'ebyo bye baalanganga. Baamaliriza okuzimba nga bajiira ku biragiro bya Katonda wa Isiraeli, ni ku kwikirizibwa kwa bakyabazinga, Kuro ni Dario ni Arutazerizesi, ab'e Perusia.

Ezera 6:15

Kale eisinzizo eryo lyawa okuzimba ku lunaku olwokusatu olw'omwezi ogwetebwa Adari, nga kyabazinga Dario ali kufuga omwaka gwe ogwomukaaga.

Nehemia 6:3

Naabagheereza abakwenda nga mbakoba nti: “Tighanga kwidha eyo, kuba omulimo gwe ndiku mukologho. Ndeka ntya omulimo ni gwemerera mbu kuba ndi kwidha eyo ye muli?”

Nehemia 6:9

Baali bali kugezaaku bwa kututiisa nga badhuuba bati ekyo kinaatunafuya, twalekera agho okukola. Aye naasaba nti: “Wo Katonda wange nhongera amaani.”

Yobu 20:5

eisanhu ly'omubi likoma mangu; omuntu atatya Katonda asangaalaku kaseera buseera.

Danieli 11:2

Mperaano nja kukukobera amazima.” Agho malaika oyo yaayongera okukoba ati: “Bona, ghalisitukagho bakyabazinga abandi basatu mu nsi Perusia baagifuga. Era ghaamala ghaasitukagho kyabazinga owokuna, aliba omukombe einho okusinga abo boonaboona. Oyo bw'alimala okufuuka ow'amaani olw'obukombe bwe, alisiikuula abantu okulwanisa obwakyabazinga bw'e Bugureki.

Danieli 9:25

Agho ni kimanhe era okitegeere ng'okuva ku kiseera ekiragiro eky'okuzimba Yerusalemu obuyaaka lwe kirigheebwa, okutuuka ku kwidha kw'omukulembeze omulonde wa Katonda, ghaja kubitagho emyaka nsanvu emikuzi musanvu. Olwo ghabeegho emyaka nkaaga n'ebiri emikuzi musanvu, egy'okuzimbiramu Yerusalemu obuyaaka, n'enguudo dhaakyo, n'ekimante ekigumu okukyezunguluza. Aye ekiseera ekyo kiriba kya bizibu.

Haggai 1:1

Mu mwaka ogwokubiri nga Dario ni kyabazinga w'e Perusia, ku lunaku olusooka mu mwezi ogwomukaaga, Musengwa Katonda yaagha Haggai omulanzi obukwenda. Haggai oyo ng'ali n'okutwala obukwenda obwo abukobere Zerubbabeli mutabane wa Shealutieli era omufuzi wa Buyudaaya, ni Yoshua mutabane wa Yehozadaki era omukulu wa bakabona.

Haggai 1:15

ku lunaku olwamakumi abiri n'eina, olw'omwezi ogwomukaaga, mu mwaka ogwokubiri nga Dario ni kyabazinga.

Haggai 2:15

Musengwa Katonda akoba ati: “Mpegaano mugwaine mulowooze inho ku binaabaagho okuva olwaleero n'okweyongerayo. Bwe mwali mukaali kwiramu kuzimba buyaaka isinzizo lyange,

Haggai 2:18

Olwaleero n'olunaku olwamakumi abiri n'eina olw'omu mwezi ogwomwenda, lwe mumaliireku okutaagho omusingi ogw'eisinzizo lyange. Kale ni mulowooze ku binaabaagho okuva olwaleero n'okweyongerayo.

Zekaria 1:1

Mu mwezi ogwomunaana, mu mwaka ogwokubiri nga Dario ni kyabazinga w'e Perusia, Musengwa Katonda yayogera ni Zekaria omulanzi, mutabane wa Berekia era nga mwidhukulu wa Iddo.

1 Ab'e Thessalonika 2:18

Twayenda inho twire tubaboneku, era nze mwene Paulo nagezaaku emikuzi kamaala aye nga Sitaani tatuganha.