Ezera 4:20 - Baibuli Ekibono kya Katonda 2014

²⁰ Era bakyabazinga ab'amaani baafuganga Yerusalemu ekyo, era baafuganga n'ekiketezo ekyo kyonakyona ekiri ere ng'osomoike omwiga Eufurate, nga baasolozaamu empooza, n'omusolo, n'ebisale ebindi.

Ezera 4:20 ပူးပေါင်းရင်းမြစ်များ

Amainhama 15:18

Ku lunaku olwo, Musengwa Katonda yaakola endagaano ni Aburamu. Yaakoba ati: “Baidhukulu bo mbaghaire ensi eno yoonayoona okuva ku nsalosalo ya Misiri okutuuka ku mwiga omukologho Eufurate.

1 Bakyabazinga 4:21

Solomoni yafuga obwakyabazinga obwali mu kiketezo ekiva ku mwiga Eufurate okutuuka ku nsi y'Abafilisiti, n'okutuuka ku nsalosalo ni Misiri. Abantu b'omu biketezo ebyo baamughanga empooza era baamugheerezanga ekiseera kyonakyona kye yamala nga mulamu.

1 Bakyabazinga 4:24

Solomoni yafuganga ekiketezo kyonakyona eky'e bugwandhuba bw'omwiga Eufurate, okuva ku Tifusha okutuuka e Gaza, ng'afuga bakyabazinga baamu boonaboona. Era yali mu miraala n'ebiketezo byonabyona ebyali bimwezungulwire.

1 Bakyabazinga 5:1

Agho kyabazinga Hiramu ow'e Tiro yaawulira nga Solomoni asiigiibwa omuzigo, okusikira lata we ku bwakyabazinga. Kale yaasindika abagheereza be ye Solomoni, kuba Hiramu oyo yali mukagwa wa Daudi okuva eira.

1 Bakyabazinga 5:4

Aye mpegaano Musengwa Katonda wange ampaire emiraala. Ku ndhuyi dhoonadhoona, ezira muzigu waire akabi koonakoona.

1 Ebyomubyanda 18:13

Yaata enkambi edh'abalwani mu Edomu, Abaedomu boonaboona baafuuka bagheereza ba Daudi. Musengwa Katonda yaaghanga Daudi obughanguzi yoonayoona ye yajanga.

1 Ebyomubyanda 18:3

Bwe yamala yaaghangula ni kyabazinga Hadadezeri ow'e Zoba, ekiri okumpi n'e Hamathi. Hadadezeri oyo yali ali kuja okweiriza ebiketezo bye ebyali bimudheemyeku ku mwiga Eufurate.

1 Ebyomubyanda 18:6

Agho Daudi yaata enkambi edh'abalwani mu Siria eky'e Damasiko, Abasiria baafuuka bagheereza be nga bamugha omusolo. Musengwa Katonda yaaghanga Daudi obughanguzi buli ye yajanga.

1 Ebyomubyanda 19:19

Bakyabazinga boonaboona abaali abagheereza ba Hadadezeri bwe baabona nga Abaisiraeli babaghangwire, baakola endagaano ey'emiraala ni Daudi, Daudi oyo yaabafuganga. Agho Abasiria baaloba kwirayo kabiri kubeera Bammoni.

2 Ebyomubyanda 17:11

Abandi ku Bafilisiti baaleetera Yehoshafati ebirabo era baamugha ni feeza ng'omusolo. Abawarabu boona baamugha entaama enume kasanvu na lusanvu (7,700), n'embuzi enume dhoona kasanvu na lusanvu (7,700).

2 Ebyomubyanda 9:14

nga tobaliireeku oyo eyavanga mu musolo abasuubuzi gwe baasasulanga, ni mu mpooza ku bitundibwa. Ni bakyabazinga boonaboona ab'e Buwarabu, n'abafuzi ab'ebiketezo mu nsi eyo, boona baaleeteranga Solomoni zaabu ni feeza.

Ezera 4:13

Isebantu kyabazinga, abantu abo bwe bairamu okuzimba ekibuga ekyo, n'ebimante byakyo ebikyezungulwire ni babimaliriza, baidha kulekera agho okukughanga omusolo, n'empooza, n'ebisale ebindi byonabyona, era ekyo kiidha kukendeeza enfuna ey'obwakyabazinga.

Ezera 4:16

Isebantu kyabazinga, abantu abo bwe bairamu okuzimba ekibuga ekyo, n'ebimante byakyo ebikyezungulwire ni babimaliriza, onaaba nga tokaali na kiketezo ky'obala nga kikyo, ere ng'osomoike omwiga Eufurate.”

Ezera 4:19

era naagha ekiragiro baanoonereza, baazuula ng'ab'omu kibuga ekyo kuva ira nga badheemera bakyabazinga, era nga n'okutuusa mpegaano bakeediima.

Ezera 4:21

Kale ni mughe abantu abo ekiragiro ekibalekeza okuzimba ekibuga ekyo, okutuusa lwe ndigha ekiragiro ekindi.

Ezera 7:24

Twenda n'okubamanhisa tuti timwikirizibwa kusoloza musolo, oba empooza, oba ebisale ebindi byonabyona, okuva ku kabona yeenayeena, oba ku Balevi, oba ku bembi, oba ku bakuumi b'emiryango, oba waire ku bagheereza abandi boonaboona ab'omu isinzizo.

Zabbuli 72:8

Obwakyabazinga bwe bugazighe okuva ku nhandha okutuuka ku nhandha. Era buve ku mwiga Eufurate okutuuka ensi y'ekoma.

Okulira 1:1

Ha, ekibuga ekyaidhulanga abantu kamaala, kyasigalira kweinhamira. Ekibuga ekyateebwangamu ekitiisa ensi yoonayoona, buti kiri ng'oti namwandu! Ekyalinga ng'oti ni muka omufuzi, buti kyafuuka ng'oti mukazi mwiru.

Ezekieli 19:11

Olusaga lwagwo olwasingamu obugumu lwakula lwaleegha, baalukolamu omwigo ogw'obwakyabazinga. Omuzabbibu ogwo gwakula gwaleegha inho ghaigulu, ng'ensaga dhaagwo edhiriku amakaba amangi badhirengerera ghala.

Matayo 9:9

Agho Yesu bwe yali ng'atambula, ng'ava eyo, yaabona omuntu ng'atyaime ghe bawooleza, nga bamweta Matayo, era yaamukoba ati: “Nnonereza.” Yaasituka yaamunonereza.