Ezera 4:14 - Baibuli Ekibono kya Katonda 2014

¹⁴ Kale ife nga bwe tufuna obuyambi obuva mu kisaagaati kyo eky'obwakyabazinga, titugwaine kusirika busirike, bwe tubona ng'ekitiibwa kyo iwe Isebantu kyabazinga, bali kukidhuuluusa. Kyetuviire ni tukugheereza amawulire gano okukumanhisa,

Ezera 4:14 ပူးပေါင်းရင်းမြစ်များ

Ezera 4:13

Isebantu kyabazinga, abantu abo bwe bairamu okuzimba ekibuga ekyo, n'ebimante byakyo ebikyezungulwire ni babimaliriza, baidha kulekera agho okukughanga omusolo, n'empooza, n'ebisale ebindi byonabyona, era ekyo kiidha kukendeeza enfuna ey'obwakyabazinga.

Ezera 4:15

oghe ekiragiro banoonereze mu bighandiiko bya badhaadha bo eby'ebyafaayo. Oidha kukizuula mu bighandiiko ebyo nga buliidho ekibuga ekyo kibaire kya bantu badheemu, abakaluubiriza bakyabazinga n'abafuzi ab'ebiketezo. Abantu baamu buliidho babaire bakalangafu inho okubafuga era ekibuga ekyo kye baava ni bakizikiriza.

Ezekieli 33:31

Olwo nga baidha y'oli bya bulungi ng'abantu bange, era nga bawulira by'obakoba, aye baaloba kubikola. Booleka nga bwe bali n'okugonza okungi, mu bibono bubono bye boogera. Aye ng'emyoyo gyaibwe giri ku bya kufuna.