Ezera 4:13 - Baibuli Ekibono kya Katonda 2014

¹³ Isebantu kyabazinga, abantu abo bwe bairamu okuzimba ekibuga ekyo, n'ebimante byakyo ebikyezungulwire ni babimaliriza, baidha kulekera agho okukughanga omusolo, n'empooza, n'ebisale ebindi byonabyona, era ekyo kiidha kukendeeza enfuna ey'obwakyabazinga.

Ezera 4:13 ပူးပေါင်းရင်းမြစ်များ

Ezera 4:14

Kale ife nga bwe tufuna obuyambi obuva mu kisaagaati kyo eky'obwakyabazinga, titugwaine kusirika busirike, bwe tubona ng'ekitiibwa kyo iwe Isebantu kyabazinga, bali kukidhuuluusa. Kyetuviire ni tukugheereza amawulire gano okukumanhisa,

Ezera 4:20

Era bakyabazinga ab'amaani baafuganga Yerusalemu ekyo, era baafuganga n'ekiketezo ekyo kyonakyona ekiri ere ng'osomoike omwiga Eufurate, nga baasolozaamu empooza, n'omusolo, n'ebisale ebindi.

Ezera 7:24

Twenda n'okubamanhisa tuti timwikirizibwa kusoloza musolo, oba empooza, oba ebisale ebindi byonabyona, okuva ku kabona yeenayeena, oba ku Balevi, oba ku bembi, oba ku bakuumi b'emiryango, oba waire ku bagheereza abandi boonaboona ab'omu isinzizo.

Nehemia 5:4

Ate abandi nga bakoba bati: “Twewola empiiya okusasula omusolo gwa kyabazinga ku nimiro dhaife, ni ku masamba gaife ag'emizabbibu.

Zabbuli 119:69

Abo abeekuluntaza bandhogeraku eby'obuguya, ate nga nze njiira ku mateeka go n'omwoyo gwange gwonagwona.

Zabbuli 52:2

olumala ng'otegeka kuzikiriza. Olulimi lukuli ng'oti kamwano akoogi, omuguya iwe.

Matayo 17:25

Yaakoba ati: “Agha.” Yesu yaamwesooka, yaakoba ati: “Simoni, olowooza otya? Bakyabazinga ab'ensi, empooza oba omusolo babitoola ku baani? Ku bataka oba ku basenze?”

Matayo 9:9

Agho Yesu bwe yali ng'atambula, ng'ava eyo, yaabona omuntu ng'atyaime ghe bawooleza, nga bamweta Matayo, era yaamukoba ati: “Nnonereza.” Yaasituka yaamunonereza.