Ezera 4:12 - Baibuli Ekibono kya Katonda 2014

¹² “Isebantu kyabazinga, tuli kukumanhisa tuti Abayudaaya abaidha eno nga baviire eyo iwe y'oli, baamala baaja Yerusalemu. Era bali kuzimba buyaaka ekibuga ekyo eky'abantu abadheemu era abakozi ab'ebibi bali kwizaagho omusingi n'ebimante byakyo. Bali kumpi na kumaliriza.

Ezera 4:12 ပူးပေါင်းရင်းမြစ်များ

2 Bakyabazinga 18:20

Olowooza oti okwogera obwogere n'okunaafuuka amagezi n'amaani ag'okulwana olutalo? Naani y'oli kwesiga okutuuka n'okundheemera?

2 Bakyabazinga 24:1

Yehoiakimu bweyali nga ni kyabazinga, ghaabaagho kyabazinga Nebukadinezzari ow'e Babilonia yaalumba Buyudaaya. Yehoiakimu yaakakibwa okufuuka omugheereza we okumala entangama ya myaka esatu. Aye yaamala yaamwefuulaku, yaamudheemera.

2 Ebyomubyanda 36:13

Zedekia era yaadheemera ni kyabazinga Nebukadinezzari, eyali amaze okumulayiza mu Katonda, ng'ali n'okuwuliranga ebiragiro bya Nebukadinezzari oyo. Aye Zedekia oyo yaakola bwa mpwitu era yaakalangusa omwoyo gwe, yaaloba kwenenia kwira eri Musengwa Katonda, Katonda wa Isiraeli.

Ezera 4:11

Bino n'ebibono ebyali mu mbaluwa eyo: “Ya kyabazinga Arutazerizesi. Ife abagheereza bo abali mu kiketezo ekiri ere ng'osomoike omwiga Eufurate, tukulamwisa inho.

Ezera 4:15

oghe ekiragiro banoonereze mu bighandiiko bya badhaadha bo eby'ebyafaayo. Oidha kukizuula mu bighandiiko ebyo nga buliidho ekibuga ekyo kibaire kya bantu badheemu, abakaluubiriza bakyabazinga n'abafuzi ab'ebiketezo. Abantu baamu buliidho babaire bakalangafu inho okubafuga era ekibuga ekyo kye baava ni bakizikiriza.

Ezera 4:19

era naagha ekiragiro baanoonereza, baazuula ng'ab'omu kibuga ekyo kuva ira nga badheemera bakyabazinga, era nga n'okutuusa mpegaano bakeediima.

Ezera 5:3

Mu kiseera kyene ekyo Tattenai eyafuganga ekiketezo ekiri ere ng'osomoike omwiga Eufurate, ni Shetharibozenai, ni bakagwa baibwe abandi, baidha e Yerusalemu baababuuza bati: “Naani eyabagha obukumu okuzimba eisinzizo lino n'okulimaliriza?”

Ezera 5:9

“Agho twabuuza abakulembeze b'abantu tuti, ‘Naani eyabagha obukumu okuzimba eisinzizo lino n'okulimaliriza’?

Nehemia 1:3

Bankoba bati: “Abo abaawonagho ni bava mu bunhage, bali mu buzibu obw'amaani era baswavu inho. Ekimante ekyezungululanga ekibuga Yerusalemu kyamenhebwa n'emiryango gyakyo gyayokebwa omuliro.”

Nehemia 6:6

Embaluwa eyo yagighandiika ati: “Abamaghanga agandi bakoba, era ni Geshemu yeena yaakikakasa ati, iwe n'Abayudaaya muli kwetegeka kudheema. Kyemuva muli kuzimba ekimante ekyo. Era akoba ati iwe oli kwenda kufuuka kyabazinga waibwe,

Yeremia 52:3

Musengwa Katonda yaasungughalira ab'omu Yerusalemu n'ab'omu Buyudaaya ebitaloodheka, yaababingagho mu maiso ge. Agho Zedekia yaadheemera kyabazinga Nebukadinezzari ow'e Babilonia.

Danieli 3:8

Mu kiseera ekyo ghaabaagho Abababilonia, baidha baaseegha Abayudaaya aye nga bali kubaghaayiriza bughaayirize.

Danieli 9:25

Agho ni kimanhe era okitegeere ng'okuva ku kiseera ekiragiro eky'okuzimba Yerusalemu obuyaaka lwe kirigheebwa, okutuuka ku kwidha kw'omukulembeze omulonde wa Katonda, ghaja kubitagho emyaka nsanvu emikuzi musanvu. Olwo ghabeegho emyaka nkaaga n'ebiri emikuzi musanvu, egy'okuzimbiramu Yerusalemu obuyaaka, n'enguudo dhaakyo, n'ekimante ekigumu okukyezunguluza. Aye ekiseera ekyo kiriba kya bizibu.

Luka 13:34

“Yerusalemu, Yerusalemu iwe oita abalanzi n'abakwenda abakugheerezebwa n'obakuba amabaale! Ng'emikuzi kamaala neegomba okusoloza abaana bo aghalala ng'enkoko bw'ekola, aye nga toganha!

Ebikolwa by'Abatume 24:5

Omusaadha ono twamubona nga wa kabi, adheemesa Abayudaaya boonaboona abali mu nsi era nga n'omukulembeze ow'ekikunsu ky'Abanazarethi.

1 Ab'e Thessalonika 5:22

aye mulobenga kukola kibi kyonakyona.