Ezera 4:1 - Baibuli Ekibono kya Katonda 2014

¹ Agho abazigu ab'abantu b'ekika kya Yuda n'ekya Benjamini baawulira ng'abantu abaava mu bunhage bwe baali bali kuzimba obuyaaka eisinzizo lya Musengwa Katonda, Katonda wa Isiraeli.

Ezera 4:1 ပူးပေါင်းရင်းမြစ်များ

Ezera 1:11

Ebintu byonabyona ebya zaabu n'ebya feeza aghalala, byali enkumi itaanu na bina (5,400). Ebintu ebyo byonabyona Sheshibazzari yabitwala e Yerusalemu ghalala n'abaali mu bunhage, okuva mu nsi Babilonia.

Ezera 10:16

Kale abaava mu bunhage baikiriza entegeka eyo. Ezera yaalonda abandi ku baakuliranga enda dha baiseibwe, ng'ajiira ku nda dhe basimukamu era amaina gaibwe gaaghandiikibwa. Ku lunaku olusooka mu mwezi ogweikumi, baatyama baatoolera okunoonereza ku nsonga eyo.

Ezera 10:7

Agho baalangirira mu Buyudaaya mwonamwona ni mu Yerusalemu, bati abo boonaboona abaira okuva mu bunhage beesololeze e Yerusalemu.

Ezera 3:13

Kale kyali kizibu okwawulagho emizira n'okuwowoola amaziga, kuba abantu baayasiikana n'amaani, amamiro gaibwe gaaja gaatuukira irala ghala.

Ezera 6:16

Agho Abaisiraeli, ni bakabona, n'Abalevi, n'abantu abandi abaira okuva mu bunhage, baasagamba inho nga batukuza eisinzizo lya Katonda eryo.

Ezera 7:9

Katonda yaaba ghalala nabo, baatuuka e Yerusalemu ku lunaku olusooka olw'omwezi ogwokutaanu.

Danieli 5:13

Agho baaleeta Danieli mu maiso ga kyabazinga. Kyabazinga yaamubuuza ati: “Niiwe Danieli, owundi ku bantu lata wange kyabazinga be yanhaga e Buyudaaya n'abaleeta eno?

Danieli 9:25

Agho ni kimanhe era okitegeere ng'okuva ku kiseera ekiragiro eky'okuzimba Yerusalemu obuyaaka lwe kirigheebwa, okutuuka ku kwidha kw'omukulembeze omulonde wa Katonda, ghaja kubitagho emyaka nsanvu emikuzi musanvu. Olwo ghabeegho emyaka nkaaga n'ebiri emikuzi musanvu, egy'okuzimbiramu Yerusalemu obuyaaka, n'enguudo dhaakyo, n'ekimante ekigumu okukyezunguluza. Aye ekiseera ekyo kiriba kya bizibu.

1 Ab'e Korintho 16:9

kuba nfuniire irala akaghagaanhia okukolerayo omulimo ogw'omugaso, waire nga eriyo abazigu kamaala.