Ezera 3:6 - Baibuli Ekibono kya Katonda 2014

⁶ Okuviira irala ku lunaku olusooka olw'omwezi ogwomusanvu, baatoolera okughaayo ebigheebwayo ebyokebwa eri Musengwa Katonda, waire ng'omusingi ogw'eisinzizo baali bakaali na kugutaagho.

Ezera 3:6 ပူးပေါင်းရင်းမြစ်များ

Ezera 3:5

Bwe baamalanga ekyo baayongeranga okughaayo ebigheebwayo ebya buli lunaku ebyokebwa byonabyona okuwaagho, n'ebigheebwayo ku mbaga edh'Ekibinuko eky'Okuboneka kw'Omwezi, n'ebigheebwayo ku mbaga edh'ebibinuko ebindi Musengwa Katonda bye yalagira, n'ebigheebwayo ebya buli muntu eby'ekyeyendere.

Ezera 3:7

Kale baaghaayo empiiya okusasulira abazimbisa amabaale n'ababaadhi. Baagha ab'e Sidoni n'ab'e Tiro emere n'eby'okunhwa, n'omuzigo ogw'ebibala eby'emiti emyoliva, batoole emiti emivule e Lebanoni nga bagiseeyeeyeza ku maadhi bagireete e Yoppa, nga kyabazinga Kuro ow'e Perusia bweyali amaze okubaikiriza.

Abalevi 23:24

“Kobera Abaisiraeli oti ku lunaku olusooka olw'omwezi ogwomusanvu, ghanaabangagho okuwuumulira irala olw'ekiidhukizo. Kunaalangirirwanga nga bafuuwa endeka, era muneesolozanga okusinza.

Abalevi 23:25

Munaaghangayo eri Musengwa Katonda ekigheebwayo ekyokebwa, era timuukolenga waire omulala ku mirimo egyo gye mukola buliidho.”

Okubala 29:1

“Ku lunaku olusooka olw'omwezi ogwomusanvu mwidha kwesolozanga okunsinza, era mutalukolerangaku mulimo gwonagwona. Ku lunaku olwo mwidha kufuuwanga endeka,

Okubala 29:2

era mughengayo ekigheebwayo ekyokebwa ekiri n'akawoowo akansangaaza nze Musengwa Katonda, nga kirimu bino: ente ento enume ndala, entaama enume enkulu ndala, n'entaama ento enume musanvu edh'omwaka omulala omulala, nga dhiziraku kikyamu kyonakyona.