Ezera 3:12 - Baibuli Ekibono kya Katonda 2014

¹² Aye bangi ku bakabona, n'Abalevi, n'abakulu ab'enda dha baiseibwe, abaali abakulu mu myaka nga n'abaabona ku isinzizo eryasooka, bwe baabona omusingi ogwo nga guli kuteebwagho, baawowoola amaziga. Aye abandi abaali agho, baakuba emizira olw'eisanhu.

Ezera 3:12 ပူးပေါင်းရင်းမြစ်များ

Ezera 3:13

Kale kyali kizibu okwawulagho emizira n'okuwowoola amaziga, kuba abantu baayasiikana n'amaani, amamiro gaibwe gaaja gaatuukira irala ghala.

Yobu 8:7

Ebintu bye wafiirwa mu kusooka byali bitono inho, bw'obigerangerania ku ebyo by'olifuna mu biseera eby'oluvainhuma.”

Zabbuli 126:6

Abo abaja nga balira, nga batwala ensigo, baliira nga bakuba mizira, nga beetwise bye bakungwire.

Zabbuli 147:1

Mwenamwena musaake Musengwa Katonda! Nga kirungi okwemba enhembo edhisaaka Katonda waife! Olw'ekisa kye agwaine okwemberwa enhembo edhimusaaka.

Isaia 41:14

Musengwa Katonda Omununuzi wo era Omutukuvu wo, iwe Isiraeli ninze nkoba ati: Otatya, waire ng'oli mugoogombe era omunafu ng'oti lugereegere. Nze ndidha kukuyamba.

Isaia 60:22

N'amaka agasingayo obutono galifuuka ekika ekiramba, era ekika ekisembayo obutono kirifuuka eighanga ery'amaani. Nze Musengwa Katonda ekyo ndikireetera okwangugha okubaagho, ng'ekiseera kyakyo kimaze okutuuka.”

Yeremia 50:4

Musengwa Katonda akoba ati: “Ekiseera ekyo bwe kirituuka, abantu b'omu Isiraeli n'ab'omu Buyudaaya baliidha nga balira amaziga, nga baanoonia nze Katonda waibwe.

Haggai 2:3

“Naani ku imwe abakaasigairegho, eyabona eisinzizo lino mu kitiisa kyalyo ekyasooka? Mperaano libabonekera litya? Liteekwa kuba nga lyaweeramu irala ekitiisa!

Zekaria 4:10

Abo boonaboona ababaire bawoiremu amaani olw'okubona ng'ebintu biri kuja kasoobo, baja kusangaala nga baboine Zerubbabeli bw'ali kuja mu maiso n'okuzimba eisinzizo.”