Ezera 2:68 - Baibuli Ekibono kya Katonda 2014

⁶⁸ Abandi ku bakulu ab'enda dha baiseibwe bwe baatuuka e Yerusalemu aghaabanga eisinzizo lya Musengwa Katonda, baaghaayo ebigheebwayo eby'ekyeyendere olw'endhu ya Katonda eyo ezimbibwe mu kifo kyayo.

Ezera 2:68 ပူးပေါင်းရင်းမြစ်များ

1 Ebyomubyanda 21:18

Agho malaika wa Musengwa Katonda yaalagira Gadi okukoba Daudi, aje mu kifo aghakubirwa engaano ekya Orunani Omuyebusi, azimbireyo Musengwa Katonda alutaari.

1 Ebyomubyanda 22:1

Kale Daudi yaakoba ati: “Ghano n'aghaidha okubanga eisinzizo lya Musengwa Katonda waife, era ghano n'aghaidha okubanga alutaari Abaisiraeli ye banaagheerangaku ebigheebwayo ebyokebwa.”

2 Ebyomubyanda 3:1

Kyabazinga Daudi, lata wa Solomoni, yali yamala ira okutegeka ekifo eky'okuzimbamu eisinzizo. Ekifo ekyo kyali mu Yerusalemu ku lusozi Moria, Musengwa Katonda ye yamubonekera. Ekifo ekyo, Arunani Omuyebusi kye yakubirangamu engaano.

Ezera 2:67

n'engamiya ebikumi bina n'asatu na itaanu (435), n'endogoyi kakaaga na lusanvu n'abiri (6,720).

Ezera 2:69

Buli muntu yaaghaayo ebintu ebyakolanga omulimo ogwo nga bwe yasobola: kilo ebikumi bitaanu (500) edha zaabu, ni kilo enkumi ibiri na lunaana (2,800) edha feeza, n'ebivaalo bya bakabona kikumi (100).

Ezera 3:3

Baazimba alutaari eyo mu kifo kye yalimu mu kusooka, waire nga baali batya abantu be baayagaana nga n'ababa mu biketezo ebyo. Era baaghangayo eri Musengwa Katonda, ebigheebwayo ebyokebwa ku alutaari eyo, buli nkyo n'eigulo.

Ezera 9:9

Tuli bairu, aye era Katonda waife tatulekuliire agho mu bwiru bwaife. Atwoleike nga bw'atugonza obutalekera, yaaleetera bakyabazinga b'e Perusia okutugonza, baatulekagho nga tukaali balamu. Olwo tusobole okuzimbira Katonda waife oyo eisinzizo lye eryali lyonooneibwa, era atukuumenga ng'atuwonia abazigu mu Buyudaaya ni mu Yerusalemu.

Zabbuli 110:3

Ku lunaku lw'olija n'eigye lyo okulwana, abantu bo baja kweghaayo kyeyendere aghazira kukakibwa. Abavubuka bo baja kwidha y'oli ku nsozi entukuvu ng'oti musulo gwa nkyo.

Okuvaayo 25:2

“Koba abantu Abaisiraeli, buli muntu atoole ekigheebwayo ky'anaaba asazeegho akikughe okindeetere.

Okuvaayo 35:21

Buli muntu eyawulira mu mwoyo gwe ng'alumirwa Weema ey'Okwagaananirangamu ni Musengwa Katonda, yaidha ng'aleese ekigheebwayo ye Musengwa Katonda, kikozesebwe mu kukola Weema eyo, n'ebikozesebwa mu Weema omwo, era n'ebivaalo ebitukuvu.

Okuvaayo 35:29

Abaisiraeli boonaboona, abasaadha n'abakazi, abaawulira mu myoyo gyaibwe nga balumirwa omulimo Musengwa Katonda gwe yalagira ng'abita mu Musa, baaleeta ebigheebwayo ebyo beene nga benda aghazira kukakibwa, baabighaayo ye Musengwa Katonda.

Okuvaayo 36:3

Bano baidha ye Musa yaabagha ebintu Abaisiraeli bye baaghaayo beene nga benda, aghazira kukakibwa, bikozesebwe ku Weema eyo. Abantu beeyongeranga buli nkyo okuleetera Musa ebintu bye baaghangayo beene ekyeyendere.

2 Ab'e Korintho 8:12

Kuba omuntu ayenda okugaba, asiimibwa Katonda olw'okugaba ekyo ky'ali nakyo se ti ekyo ky'azira.

2 Ab'e Korintho 8:3

Mbakakasa nti baagaba nga bwe basobola, ate n'okusinga baasinzaagho nga ghazira kukakibwa.

2 Ab'e Korintho 9:7

Kale buli muntu ateekwa okukola nga bw'asazeegho mu mwoyo gwe, era nga ti lwa nnaakola ntya, oba lwa kukakibwa kuba Katonda ayenda oyo agaba nga musangaavu.